Dýraverndarinn - 01.09.1959, Blaðsíða 10
minni en 120 cm, nema fyrir ungviði, enda séu
hliðar þá jafnan svo háar, að skepnan geti staðið
eðlilega án þess að ná upp fyrir þær. Meðan á
flutningi stendur skal skýla gripunum með segl-
um og ábreiðum.
Þegar margir gripir eru fluttir í einu, má flytja
þá í stíum, og skal velja saman í stíu gripi af
svipaðri stærð og aldri.
Að vetrarlagi skal ávallt flytja gripi í yfirbyggð-
um eða yfirtjölduðum bifreiðum.
Hrossum skal eigi ætla skemmri hvíld en einn
sólarhring að loknum flutningi með bifreið eða
skipi.
Hryssur og kýr, sem komnar eru að burði, má
ekki flytja með skipum eða bifreiðum.
5. gr.
Sýna skal sauðfé fyllstu nærgætni við smölun
og rekstur, og forðast ber að hundbeita það um
nauðsyn fram.
Þegar sauðfé eða svín eru flutt með bifreiðum,
skal ávallt hafa gæzlumann hjá gripunum, jafn-
vel þó að um skamman flutning sé að ræða.
Bifreiðar þær, sem ætlaðar eru til sauðfjár-
flutninga, skal útbúa sérstaklega til þeirra nota.
Pallgrindur skulu þéttar og sléttar og eigi lægri
en 90 cm. Flutningspall skal hólfa sundur með
traustum grindum í stíur, er rúmi eigi yfir 12
kindur, Dyraumbúnaður skal vera traustur og
öruggur. Þegar um langan flutning er að ræða
(yfir 50 km), skal flutningspallur hólfaður sund-
ur í miðju að endilöngu, svo að engin stía nái yf-
ir þveran flutningspall. Flutningspall eða stíur
skal strá hæfilega miklum sandi eða heyi til þess
að draga úr hálku.
Leitazt skal við að flytja fé á meðan dagsbirtu
nýtur. Verði því ekki við komið, skal hafa ljós
á bifreiðarpalli, svo að vel sjáist um allan pallinn
meðan á flutningi stendur.
Til þess að forðast hnjask, mar og meiðsli skal
búa svo um, að unnt sé að reka búfé á flutnings-
pall og af honum aftur.
6. gr.
Hunda, ketti, grísi og fugla skal flytja í köss-
um svo rúmum, að dýrin geti staðið og legið í
þeim. Ein hlið kassans eða lok skal gert úr neti
eða rimlum til þess að tryggja næga loftrás.
Ef flutningur tekur lengri tíma en 12 klukku-
stundir, skal sjá dýrunum fyrir nægu fóðri og
vatni til drykkjar. Fugla má ekki flytja bundna,
hefta eða í pokum.
7. gr.
Með flugvélum má einungis flytja dýr, sem eru
fullkomalega heilbrigð. Dýr, sem komin eru að
burði, má ekki flytja með flugvélum.
Vanda skal umbúnað sem bezt, svo að engin
hætta sé á því, að dýrin losni meðan á flugferð
stendur.
Svo skal um búa, að hægt sé 'að fóðra dýrin
án þess að taka þau úr stíum eða búrum, þar sem
þau eru geymd. Búr og stíur skulu vera svo rúm-
góðar, að dýrin geti staðið og lagzt í þeim eftir
vild.
Ef fóðra þarf dýr meðan á flutningi stendur,
skal eigandi sjá um, að þeim fylgi hentugt og gott
fóður, ásamt leiðbeiningum um, hvernig fóðrun
skuli háttar.
Sé flogið í mikilli hæð, skal geyma dýr í þeim
hluta flugvélarinnar, þar sem er hæfilegur hiti og
loftþrýstingur.
8. gr.
Um mál, er varða brot á reglugerð þessari og
refsingar fyrir þau, fer samkvæmt 21. gr. laga
um dýravemd nr. 21 13. apríl 1957.
9. gr.
Reglugerð þessi er sett samkvæmt lögum nr.
21 13. apríl 1957 og öðlast þegar gildi.
I menntamálaráðuneytinu 6. sept. 1958.
F.h.r.
Birgir Thorlacius
Ásgeir Pétursson.
GJAFIR OG ÁHEIT
Sigríður Höskuldsd., Vatnshorni, Skorradal.. gjöf 70 kr.
Ása Tryggvadóttir, Arnarbæli, Fellsströnd .. — 70 k.r
Kristjana Jónsdóttir, sk.stj., Kirkjubæjarsk.hv. — 100 kr.
N. N........................................ — 50 kr.
N. N........................................ áheit 5 kr.
58
DÝRAVERNDARINN