Dýraverndarinn


Dýraverndarinn - 01.09.1962, Blaðsíða 11

Dýraverndarinn - 01.09.1962, Blaðsíða 11
ATHYGLISVERT BREF: OLÍUPLÁGAN Dýraverndarinn íékk í vor svohljóðandi brét frá Vestmannaeyjum, og einnig íékk hann þá send- ar myndir þær, sem hér eru birtar. Bréíið er frá Hilmari Jónassyni bílstjóra, og hefur hann tekið myndirnar. Það hljóðar svo: „Herra ritstjóri! Ég undirritaður sendi þér tvær ljósmyndir af fugli, ritu, sem pilturinn, sem sést á annarri mynd- inni, skaut inni í Herjólfsdal. Piltur þessi heitir Haukur Guðjónsson, og er hann bifreiðarstjóri. Hann ekur vörubíl, og þegar hann var að aka olaníburði í veginn, veitti hann athygli fugli, sem sat alltaf á steini uppi í brekkunni. Hann sá, að eitthvað amaði að þessum fugli og skauzt heim til sín og sótti byssuna sína. Skaut hann rituna, og sannarlega var hún illa útlítandi, grindhoruð og ræfilsleg. Hún hafði lent í olíubrák á sjó og fengið að auki á sig tjöru. Olían hafði klístrað fiðrinu saman og tjaran harðnað á bring- unni á fuglinum og vængbroddunum, eins og mynd- in sýnir ljóslega. Eg vildi óska þess, að þú sæir þér fært að birta þessar myndir, ef vera kynni, að þær gætu orðið til viðvörunar, sérstaklega fyrir sjómenn, því að mér hefur virzt, að þeir séu mjög kærulausir um það, hverju þeir kasti eða helli í sjóinn — innan hafnar, helli meðal annars í hana olíusulli. En í höfninni er mikið af fugli, og er algengt að sjá fuglinn verða sjóþungan og síðan sökkva vegna olíubrákar. Eg þakka svo kærlega fyrir ritið Dýraverndarann. Hann er gott blað og vel frá gengið, og er ég áskrif- andi blaðsins. Með þökk fyrir birtinguna." Dýraverndarinn þakkar bréfritaranum bréf hans °g myndirnar, og þá einnig ummælin í lok bréfs- ins. Hér skal á það minnst, að samþykkt hafa verið lúg um aðild ísiands að alþjóðasamþykkt um varnir 8egn olíumengun sjávar, og er nú verið að semja DÝRAVERNDARINN Riian d steininum. umfangsmikla og ýtarlega reglugerð, samkvæmt þessari samþykkt. Er vonandi, að það verk dragist ekki á langinn meira en nauðsyn krefur, enda hefur sjávarútvegsmálaráðherra, Emil Jónsson, sýnt fyllsta skilning á nauðsyn þeirri, sem hér knýr á. Loks skal þess getið, að í hafnarreglugerðum — og þá sjálfsagt í hafnarreglugerð Vestmannaeyja — er ákvæði, sem bannar að láta í sjóinn þau efni — til dæmis tjöru og olíu og þá einkum hráolíu, sem valda óþrifum á hainarmannvirkjum eða skipum, sem í höfninni Hggja eða um hana fara. Eins og nauðsynlegt er, að löggæzlumenn verði vel á verði gegn brotum á þeirri samþykkt, sem sjávarútvegsmálaráðherra er að láta semja, eins er og mikils um það vert, að netnd ákvæði hafnar- reglugerða séu í heiðri höfð, og vill Dýraverndarinn góðfúslega benda greinarhöiundi á það, að æskilegt væri, að hann og fleiri dýravinir í Vestmannaeyjum stofnuðu deild innan Sambands dýraverndunar- félaga íslands — og deildin hefði síðan gætur á öllu, sem varðar fuglalíf Eyjanna og meðterð á hvers konar húsdýrum. Það þurfa ekki fyrir hvern mun að vera ýkjamargir, sem taka þátt í stofnun deildarinnar — til þess nægja t. d. fimm menn — en fleiri mundi auðvelt að fá í Eyjum til þátttöku. Forystumenn slíkrar deildar hafa betri aðstöðu til að skipta sér at ýmsu, sem um þarf að bæta, til dæmis oliu- og tjörumengum hatnarinnar, heldur en hver einstaklingur, — því að deildin hefur á bak við sig heildarsamtök, sem í löggjöf eru viðurkennd sem merkur aðilil, er ekki verði gengið fram hjá. 59

x

Dýraverndarinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dýraverndarinn
https://timarit.is/publication/598

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.