Dýraverndarinn - 15.05.1916, Blaðsíða 15
DÝRAVERNDARINN
47
drengjanna þannig, aö hún er stórvítaverð, og mildi meðan
ekki hlýst slys af fyrir börn eða gamalmenni, sem eru á göt-
unni, þegar strákarnir koma á fljúgandi ferð án tillits til þess,
hvort bjart er af degi eða dimt af nótt.
Og er það samkvæmt heilbrigðissamþykt bæjarins að hundar
sitji á brauðvögnum?
JÓH. ÖGM. ODDSSON.
S v a r:
Gera má ráð fyrir, að lögregluþjónar gæti þess að brauða-
vögnum sé ekki ekið harðar um göturnar en lögreglusam-
þyktin leyfir. Vill „Dýraverndarinn" benda þeim á að hafa
gætur á þessum vögnum sérstaklega; frekara getur hann elcki
gert út af fyrirspurninni.
Hvað sem leyfilegt er eða ekki leyfilegt í því að aka hund-
um út um bæinn meö brauðunum, þá er það ósiður, sem öku-
menn leggja væntanlega niður, þegar þeim er bent á það.
VÍRSVIPURNAR.
Vírsvipurnar þutu upp um daginn. Það var heill herskari
af keyrslumönnum kominn með þær á kreik.' Sutnar voru svo
gildar að þeir höfðu þær samtímis fyrir göngustafi — og keyri
á klárinn sinn. Dýraverndunarfélagið sá þann kostinn vænstan,
að snúa sér til lögreglunnar, ef hún kynni að geta ráðið bót á
þessu, og eftir því sem mér er tjáð, þá hefur lienni tekist að
girða fyrir — í það minsta um tíma — að þetta ósæmilega
keyrsluáhald væri notað, og er það vel farið; þaö er vonandi
að slíkir draugar sjáist ekki afturgengnir enn á ný. Keyrslu-
menn eiga ekki að brúka aðrar svipur en hinar reglulegu
keyrslusvipur; þær einar, sem eru samboðnar þeirra stöðu.
JÓH. ÖGM. ODDSSON.
ILL TÍÐINDI
heyrast um þessar mundir úr norður-sýslunum um slæma
tíð og — heyleysi. En fregnir svo misjafnar og ólíkar að ekki
er að henda reiður á. Að svo stöddu skal ekki dæmt og engu
spáð um afkomuna. En eflaust liður margri skepnu illa á þessu
vori á íslandi, eins og stundum fyrri.
Nú ættu allir, sem í heyþröng hafa komist, að stíga á stokk
og strengja þess heit, að verða aldrei aftur fóðurlausir handa
fénaði sinum.