Dýraverndarinn


Dýraverndarinn - 01.12.1946, Blaðsíða 10

Dýraverndarinn - 01.12.1946, Blaðsíða 10
64 DtRAVERNDARINN DÝRAVERNDARINN kemur að minnsta kosti út átta sinnum á ári, mán- uðina: febrúar, marz, apríl, maí, september, október, nóvember og desember. Ætiunarverk Dýraverndarans er að vinna að upp- cldis- og menningarmáli allra þjóða, en það er sú siðbót, sem fram kemur i verndun málleysingja og miskunnsemi við munaðarlausa. Dýraverndarinn vill -vinna sér traust og hylli allra góðra manna, ungra og gamalla. Þeir, sem útvega fimm kaupendur að Dýraverndar- anum, eða fleiri, fá 20% í sölulaun. Afgreiðslu og innheimtu „Dýraverndarans" annast Hjörtur Hanssön, Bankastræti 11 (miðhæð), pósthólf 560, Reykjavík, og ber að senda honum allar greiðslur blaðsins og tilkynningar um nýja kaupendur. — Ar- gangur „Dýraverndarans" kostar nú 10 krónur. — Það, sem til er af eldri árgöngum, er selt mjög lágu verði, eða kr. 5,00 árg. Selur. Maður er nef'ndur Gísli og var Sigfússon. Hann bjó á Setbergi, Birnufelli og Meðalnesi í Fellum fyrir og eftir síðustu aldamót. Gísli var skytta góð og var því eitt sinn beðinn að skjóta hund þann, er Selur hét. Hafði rakk- inn unnið sér það til óhelgi að verða kind eða kindum að bana, og því vildi eigandi hans f arga honum. En Gisla var einnig kunnugt um, að Selur var á orði hafður fyrir það, að hann gróf á fé í fönn. Þess vegna færðist Gísli und- an þvi að skjóta Sel, en falaði hann til eignar, og viidi þar með gera tilraun um að venja hann af öllum hrottaskap við kindur. Fór svo, að Gísli eignaðist Sel og tókst að venja hann svo vel, að hann varð góður fjár- hundur. Átti Gísli hann í nærfellt tíu ár; þá náði Selur i eitur, sem varð honum að bana. En Gísla og raunar mörgum fleiri þótti mikið fyrir að missa Sel, bæði af því, að hann var fjárhundur góður sem fyrr segir, og þó frem- ur af þvi að Selur hafði, eftir að hann komst í eigu Gísla, reynzt mjög öruggur í því að grafa á fé, sem fennt hafði. Aðferð hans var þannig: Gísli gekk með hundinum um fannir þær, sem líkur þóttu til að kindur væri undir. Ef kindur voru lifandi i fönninni fór Selur að grafa með miklum áhuga og gleðilátum beint upp af kindinni. En væri kindin dauð, gróf hann mjög lítið og stundum ekki og var þá aldrei með gleðisvip. Mátti því jafnan ráða af svip Sels og athöfnum, hvort lifandi kind eða dauð var undir fönninni. Margir þeir, sem urðu fyrir því tjóni, að missa fé í fönn og náðu til Gísla, fengu hann til hjálpar með hundinn, og á þann hátt varð hann til að draga úr fjárskaða, og hundur- inn til að forða fjölda fjár frá hungurdauða. Fróðlegt hefði nú verið að vita, hve mörgu sauðfé Selur hefir bjargað á þennan hátt. Frá þessu sagði mér Sveinn sonur Gísla. Reykjavik, 12. júlí 1946, Halldór Pálsson, Holtsgötu 23. * * * Dýraverndaranum væri mikil þökk á fleiri sögum um þessa frábæru vithunda, sem grófu á fé í fönn. . . . En hvernig er því annars far- ið um slíka hunda . . . heyra þeir eingöngu til löngu liðnum árum? Að minnsta kosti heyrist þeirra að engu getið nú orðið, og þó í'ennir árlega fleira og færra f'é víðs vegar um land, er hamstola hi'íðarbyljir skella á öllum að ó- vörum. Gjafir og áheit. Til „Dýraverndarans": frá Njáli Þórðarsyni, Stapa- dal, Arnarfirði 5 kr., Krumma (áheit) 20 kr. — Til „Dýraverndunarfélags íslands": frá Sigriði Ögmunds- dóttur, Sauðárkróki 15 kr., Jóni Sigmundssyni, Vest- araholti (minning um 13 ára gamlan forustusauð), 30 kr., — samtals 70 kr. — Kærar þakkir. Hjörtur Hansson, afgreiðslum. Dýraverndarans. Minningarsp jöld: Hin fögru minningarspjöld Minningarsjóðs Jóns Ólafssonar, fyrrum bankastjóra og Dýraverndunar- félags fslands, fást í skrifstofu Hjartar Hanssonar, Bankastræti 11, — árituð og send ef óskað er. — Simi: 4301. Heimilisfaiig ritstjóra Dýraverndarans er við Grett- isgötu 67, (sími 4887), og sendist þangað hvers konar efni, sem ætlað er til birtingar í blaðinu. í veikindaforföllum Einars E. Sæmundsen, ritstjóra, hefir Þorsteinn Jósepsson, blaðamaður, séð um út- gáfu þessa tölublaðs. Ritstjóri: Einar E. Sæmundsen. Útgefandi: Dýraverndunarfélag fslands, Félagsprentsmiðjan h.f.

x

Dýraverndarinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dýraverndarinn
https://timarit.is/publication/598

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.