Alþýðumaðurinn - 10.07.1956, Side 1
XXVI. árg.
Þriðjudagur 10. júlí 1956
26. tbl.
Byggingu Snndlaugar Ahureyrar lohið
Hiisakynnin hin vönduðustu og
veglegustu
Siíndlaugarbyggingin ajhent. Lárus Rist í rœðustól. Ljósmynd
Gísli Ólajsson.
Síðastliðinn laugardag fór fram
með viðhöfn afhending sund-
laugarbyggingarinnar nýju, en
henni er nú fulllokið, og var hún
tekin til notkunar á sunnudagirin
var. Sérstök húsbyggingarnefnd
hefir haft yfirumsjón með bygg-
ingunni undanfarin tvö ár, þeir
Hermann Stefánsson, fimleika-
kennari, Jón G. Sólnes, banka-
fulltrúi og Guðmundur Guðlaugs-
son framkvstj., og afhenti Jón G.
Sólnes bænum mannvirki þetta
með ræðu, en Þorsteinn M. Jóns-
son, forseti bæjarstjórnar, veitti
því móttöku fyrir bæjarins hönd
og þakkaði. Þá fluttu einnig ræður
og ávörp Þorsteinn Einarsson, í-
þróttafulltrúi, Lárus Rist, sund-
kennari og Hermann Stefánsson,
en Lúðrasveit Akureyrar lék á
undan og milli ræðnanna. A eftir
var sundsýning, og tók Lárus
Rist, hinn aldni sundgarpur, m. a.
þátt í henni.
Með byggingu Sundlaugar Ak-
ureyrar eru skilyrði öll til sund-
kennslu og sundiðkana hér stór-
lega bætt, svo að annars staðar
munu þau vart betri. Ætti því
að mega vænta þess, að Akureyr-
arbúar létu framvegis ekki hlut
sinn liggja eftir gagnvart öðrum
bæjum í þeirri íþróttagrein, en
svo hefir verið undanfarið, að
því er ýmsum hefir þótt.
Langt er síðan að bæjarbúum
og bæjaryfirvöldum var ljóst,
að hér yrði að bæta sundskil-
yrði að stórum mun, og fyrsti
undirbúningur að þeirri veglegu
sundlaugarbyggingu, sem nú er
lokið, hófst 1948. Ekki var þó
byrjað á sjálfu sundlaugarhúsinu
fyrr en 1949, og fyrstu árin mið-
aði byggingunni hægt, svo að
mörgum þótti hægagangurinn úr
hófi, en fjárskortur mun mestu
hafa valdið, svo og það, að bygg-
ingunni var ekki valin nein á-
kveðin framkvæmdastj órn í
fyrstu. Var það ekki gert fyrr en
fyrir tveim árum, og tók verkinu
þá að miða drjúgum betur, enda
var þá um leið boðið út skulda-
bréfalán til fjáröflunar bygging-
unni.
Eins og fyrr getur skipuðu hús-
bygginganefnd þessa þeir Jón G.
Sólnes, Guðmundur Guðlaugsson
og Hermann Stefánsson og hafði
Hermann eftirlit með framkvæmd
byggingarinnar af hálfu nefndar-
innar, en framkvæmdarstjórn af
hálfu bæjarins annaðist Ásgeir
Markússon, bæjarverkfræðingur,
en verkstjórn alla þeir Bjarni
Rósantsson, múrarameistari, og
Oddur Kristjánsson, trésmíða-
meistari. Raflögn alla annaðist
Ilrólfur Sturlaugsson, rafvirkja-
meistari, geymasmíði alla, bæði
fyrir hitunarkerfi og hreinsikerfi
annaðist vélsmiðjan Atli, en
hreinsitæki smíðaði vélsmiðjan
Hamar.
Sundlaugarhúsið sjálft er um
2730 rúmmetrar að stærð. í kjall-
ara er vélarsalur auk kennslusund
laugar, sem er 12^2 x 5.85 m. að
stærð. Er sundlaug þessi 90 cm.
djúp í grynnri enda, en 1,30 m.
í þeim dýpri. Öll er lögin flísa-
lögð, lýsing hennar í öðrum hlið-
arvegg undir vatnsborði og frá-
gangur að öllu hinn vandaðasti.
í vélasal er hitunarkerfi húss-
ins og hreinsi- og hitunarkerfi
bæði inni- og útilaugar.
Á annarri hæð laugarhússins
er svo rúmgott andyri og í því er ^
sölu- og afgreiðslustúka, þar sem
laugargestir greiða aðgangseyri ^
og fá lykla að fatageymslum. Þar
geta þeir og fengið geymda pen-
inga sína, meðan þeir eru í
sundi, svo og önnur verðmæti,1
er þeir bera á sér, fengið sund-(
skýlur lánaðar og handklæði. Þá
eru og á þessari hæð varðstofa
sundkennara, búningsklefar karla
og böð. Eru búningsklefarnir 2
hópklefar, er taka 58 manns alls,
en auk þess eru 5 eins manns klef-
ar, Hver gestur sinn skáp til
geymslu fyrir föt sín, meðan
hann er í sundi. Tréinnréttingu
búningsklefa hefir húsgagnaverk-
stæðið Valbjörk annast.
A efstu hæð eru svo gufubað-
stofa og búningsklefar kvenna og
böð. Er frágangur og stærð bún-
ingsklefa þar að öllu hinn sami
og á miðhæð.
Vestan við sundlaugarhúsið er
svo útisundlaugin og er gengið út
í hana úr böðunum.
Allur frágangur byggingar þess-'
arar og innrétting er hið vandað-
asta, að því er séð verður, og bæ
og byggjendum til virðingar og
vegsauka í hvívetna.
Er hér vissulega merkum á-
fanga náð og vonandi, að árang-
urinn sýni sig brátt í aukinni
sundkunnáttu bæjarbúa. Sérstök
ástæða er líka til að gleðjast yfir
því, að nú loks hefir Ólafi Magn-
ússyni, sundkennara, sem kennt
hefir hér sund til fjölda ára af
óbugandi þrautseigju og dugnaði,
verið sköpuð samboðin starfs-
skilyrði.
Fulltrúar Sósíalistaflokksins í
bæjarstjórn kusu Jónas G.
Rafnar í Laxárvirkjunarstjórn
með Sjálfstæðismönnum
Parhdrengelioret
í næstu viku er væntanlegur
hingað til bæjarins drengjakór
K.U.F.M. í Kaupmannahöfn, Pork
drengekoret, og mun hann halda
tvær söngskemmtanir í Samkomu
húsinu, mánudags- og fimmtu-
dagskvöld, auk kirkjutónleika í
Akureyrarkirkju á þriðjudags-
kvöld.
Á söngskemmtunum í Sam-
komuhúsinu verða auk kórsöngs
önnur skemmtiatriði svo sem
stuttur leikþáttur og skopstæling
á hnefaleikum.
Kór dönsku drengjanna er tal-
inn prýðisgóður og mun marga
fýsa að njóta þess að hlýða á
hann í þessari heimsókn hingað.
-------------□-----
Eins og Alþýðumaðurinn gat
um rétt fyrir alþingiskosningarn-
ar, samþykktu fulltrúar Sjálfstæð-
isflokksins og Sósíalistaflokksins
í bæjarstjórn Akureyrar — en
þeir eru 6 samtals af 11 fulltrúum
— að fresta kjöri þriggja manna
af hálfu bæjarins í Laxárvirkjun-
arstjórn. Ástæða fyrir frestuninni
var engin tilfærð og frestur óá-
kveðinn.
Alþýðumaðurinri gat þess til,
að seta í Laxárvirkjunarstjórn
ætti að verða huggunarbiti Jón-
asi G. Rafnar, ef hann félli í al-
þingiskosningunum, OG REYND-
IST ÞETTA RÉTT TIL GETIÐ.
Síðastliðinn þriðjudag var bæjar-
stjórnarfundur, hinn fyrsti eftir
kosningarnar, og reyndist nú
ekkert til fyrirstöðu af hálfu
Sjálfstæðismanna og Sósíalista
að kjósa í Laxárvirkjunarstjórn.
Kúsu fulltrúar Sjálfstæðismanna
og Sósíalista saman þá Stein
Steinsen og Jónas G. Rafnar í
stjórnina, en þriðji maður var
kösinn Þorsteinn Stefánsson, bæj-
arritari, af fulltrúum hinna flokk-
anna.
Raforkumálaráðherra skipar
svo 2 menn af hálfu ríkisins í
Laxárvirkjunarstjórn, og er Al-
þýðumanninum ekki kunnugt,
hvort búið er að því, en fulltrúar
ríkisins hafa verið þeir Jakob
Frímannsson og Indriði Helga-
son.
Hafi raforkumálaráðherra,
Steingrímur Steinþórsson, skipað
fulltrúa ríkisins í Laxárvirkjunar-
stjórn áður en bærinn kaus sína,
er sennilegt, að hann hafi skipað
þá sömu áfram. Hafa þá Sjálf-
stæðismenn hreinan meirihluta í
Laxárvirkjunarstjórn — með til-
styrk Sósíalista, fulltrúa Samein-
ingarflokks alþýðu!
Hafi raforkumálaráðherra hins
vegar ekki lokið útnefningu á
fulltrúum ríkisins, er hann fréttir
úrslit kosningarinnar hér á
stjórnarnefndarmönnunum, má
eins vel búazt við, að hann telji
óheppilegt að veita Sjálfstæðis-
flokknum meirihlutavaldið þar.
Kynni þá svo að fara, að allt
bröltið við að troða „huggunar-
bitanum" upp á Jónas yrði til
þess eins að tefla Indriða Helga-
syni, sem óneitanlega hefir drjúg-
um meiri þekkingu á rafurmagns-
málum en Jónas, út úr Laxár-
virkjunarstjórn, en allt hvað
verður, er þó gerðin söm.
Margir velta því nú fyrir sér,
hvað „Sósíalistarnir“ fái fyrir
hjálpina. En öðrum finnst þetta
einstaklega gott sýnishorn af heil-
indum „Sósíalista“ í „vinstra
samstarfi“ og sérstaklega góður
undirbúningur undir þátttöku
þeirra í vinstri stjórn, sem þeir
kveðast vilja vinna að „eftir
beztu getu“ að komist á!
*„
4000 MÁL SÍLDAR í
KROSSANES
í gær hafði Krossanesverk-
smiðjan tekið á móti um 4 þús.
málum síldar, eða um 1300 mál
smásíldar, aðallega frá nótabrúki
Gests Pálssonar og Sveins Svein-
björnssonar, 273 málum frá Súl-
unni, 440 frá Snæfelli og um 2000
frá Jörundi. Kom hann inn í gær.
Af Jörundi hefir verið saltað í
500 tn. í Hrísey.
Nýlega veitti fylkisstjóri Michiganfylkis í Bandaríkjunum erlend-
um námsmönnum frá 77 löndum og nám stunda við 23 mismunandi
skóla og fyrirtœki í fylkinu, opinbera móttöku í höfuðborg fylkisins,
Lansing. — Á mynd þeirri, er hér birtist, sést fylkisstjórinn heilsa
Jóni G. Albertssyni, en hann hefir undanfarið stundað nám í véla-
verkfrœði við ríkisháskóla Michiganfylkis og mun Ijúka þaðan námi
að ári. — Jón G. Albertsson er sonur Alberts Sölvasonar, járnsmiða-
meistara, hér á Akureyri, og Karolínu Gísladóttur konu lians.