Árbók Háskóla Íslands - 01.01.1956, Blaðsíða 74
72
eins og hann orðaði það, og er ljóst, að kaupverð hattsins var goldið
með fé því, er hann fékk hjá kaupendum pilsnersins. Eftirstöðvum
þessara peninga varði hann til þess að kaupa happdrættismiða. Þegar
dregið var í happdrætti þessu í marz s. 1., kom einn vinningurinn,
sem var skrifborð, upp á einn af miðum þeim, er A keypti, og hefir
hann vitjað þessa vinnings.
Þeim A og C hefir ekki verið refsað áður. Færið háttsemi þeirra til
refsiákvæða og kveðið á um viðurlög á hendur þeim.
H. 1 réttarfari: Þýðing dóma og úrskurða.
III. Raunhœft verkefni:
Síðastliðinn vetur var haldinn dansleikur í veitingahúsi nokkru í
X-hreppi. Dansleikinn hélt Framfarafélag X-hrepps til fjáröflunar
fyrir skógræktarstarfsemi sína. Veitingar voru seldar á vegum félags-
ins, þó ekki áfengi, enda hafði veitingastaðurinn ekki vínveitinga-
leyfi. Engu að síður voru ýmsir þátttakenda ölvaðir og því meir,
sem á leið.
Tveir ríkislögreglumenn voru til eftirlits og höfðu fengið fjóra
hreppsbúa sér til aðstoðar. Er nokkuð var liðið á dansleikinn, var
Grímur Grímsson sjómaður að dansa við Björgu nokkra Geirsdóttur.
Björn nokkur Bárðarson hafði boðið henni á dansleikinn, enda höfðu
þau stofnað til festa þá fyrir skömmu. Einhvern snurða hafði þó
hlaupið á þráðinn milli þeirra þarna um kvöldið, og líkaði Bimi m. a.
mjög illa, að Björg væri að dansa við Grím. Björn var að dansa við
kunningjastúlku sína, og bar þau að þar, sem þau Björg og Grímur
voru. Þrengsli voru nokkur, og bæði „pörin“ eitthvað við öl. Bar það
nú til, að Grímur rak olnbogann í auga Birni, en ekki varð upplýst
annað en að um óviljaverk væri að ræða. Björn skildi þetta þó á
annan veg. Varð hann óður og uppvægur, rak Grími hnefahögg
mikið á gagnaugað, og riðaði Grímur við, hóf þó hendi til höggs
eða varnar, en áður en meira yrði úr greiddi Björn annað högg,
sem þó missti Gríms, en lenti á munni Bjargar, og brotnuðu úr henni
tvær tennur í efra gómi.
Komu nú að lögregluþjónn, Davíð Árnason, og einn aðstoðarmanna,
Sveinn Jónsson, og tóku Björn. Hann lét mjög illa, brauzt um og
hótaði öllu illu, auk þess sem hann hreytti því í Björgu, að mella
eins og hún ætti skilið að vera barin betur. Er tekizt hafði að koma
Bimi út, lét hann enn mjög illa, og þar sem ekki þótti vera til nein
örugg vistarvera fyrir hann, en gæzlumenn hlaðnir störfum og yfir-
menn ekki til forsagna, var það ráð tekið að setja Björn í poka.
Var bundið fyrir, og Bjöm síðan fluttur í skemmu, er þar var ólæst.