Árbók Háskóla Íslands - 01.01.1956, Blaðsíða 76

74
II. Fyrri hluti embættisprófs.
I lok fyrra misseris luku 4 stúdentar fyrra hluta embættisprófs
í lögfræði.
Skriflega prófið fór fram 7., 9., 11., 13. og 16, janúar.
Verkefni voru þessi:
I. 1 fjármunarétti I: Gerið grein fyrir almennum skilyrðum
skuldajafnaðar.
II. 1 fjármunarétti II: Lýsið reglunum um handveð.
III. 1 sifja-, erfða- og persónurétti:
1. Lýsið reglunum um erfðarétt maka og um heimild maka til setu
í óskiptu búi.
2. Einar Einarsson andaðist 1. okt. s. 1. Einar gekk að eiga Hildi
Harðardóttur 1. des. 1930. Slitu þau samvistir í ársbyrjun 1948, en
leituðu þó hvorki þá né síðar til yfirvalda með mál sín.
Hildur tók að búa með Ara nokkrum Arasyni á miðju ári 1948,
og hafa þau búið saman æ síðan. Samkvæmt kaupmála, dags. 30. nóv.
1930, skyldu allar eigur þeirra Einars og Hildar verða séreignir,
og tók það jafnt til þeirra eigna, sem þau áttu við stofnun hjúskapar,
og hinna, er þau kynnu að eignast síðar. Kaupmáli þessi var ekki
skrásettur í kaupmálabók, og ekkert eignatal var greint í kaupmál-
anum.
Þau Hildur og Einar ættleiddu stúlku, Hrönn að nafni, og er
ættleiðingarleyfið dags. 1. júní 1938. Þeim varð ekki barns auðið
saman.
Einar greiddi umyrðalaust meðlag með Halldóri Norðfjörð, f. 1925,
til fullnaðs 16 ára aldurs. Móðir Halldórs, Katrín Káradóttir, full-
yrðir, að Halldór sé sonur Einars, en engin sérstök gögn eru að öðru
leyti tiltæk um þetta efni.
Einar arfleiddi Hildi Harðardóttur að 30 þús. kr. með erfðaskrá,
dags. 1. júlí 1948. í arfleiðsluvottorði vottanna Halldórs Jónssonar og
Jóns Halldórssonar, sem voru feðgar og nú eru látnir, segir það eitt,
að Einar hafi verið með fullu ráði, „er hann reit undir erfðagerning
þenna“.
Eignir Einars reyndust nema kr. 100 þús.
Hildur, Hrönn og Halldór vilja ná ítrasta rétti sínum við arf-
skiptin. Lýsið stuttlega sjónarmiðum þeirra og greiðið úr ágrein-
ingnum.