Alþýðumaðurinn - 16.06.1959, Blaðsíða 7

ÞriSjudagur 16. júní 1959
ALÞÝÐUMAÐURINN
7
Alþýðuflokknum á Akureyri, Stórstúku íslands og öðrum,
sem sýndu
Halldóri Friðjónssyni
við útför hans virðingu og þökk fyrir unnin störf, færum við
okkar beztu þakkir.
Vandamenn.
Sími 1253 Sími 1253
HöfDm opnflð nýjo lerilin
að Strandgötu 6, með
Raflagnaefni,
Heimilistæki,
Verkfæri,
Vélar, o. fl. vörur.
Véla- og raltækjasalan h.f.
Anton Kristjónsson, Stefón Snæbjörnsson.
Sími 1253 Sími 1253
H.f. Eimskipafélag íslands
Arður til ÉtlmfD
Á aðalfundi félagsins 6. þ. m., var samþykkt að greiða 10%
— tíu af hundraði — í arð til hluthafa fyr.ir árið 1958.
Arðmiðar verða innleystir á aðalskrifstofu félagsins í
Reykjavík, svo og hjá afgreiðslumönnum félagsins um land
allt.
H.f. Eimskipafélag íslands
Heildarvörusala allra stofnana K E A
nær 300 milljónir kr. sl. ár
Aðalfundur Kaupfélags Eyíirð-
inga stóð yfir dagana 27. og 28.
maí. Á fundinum áttu sæti 184
fulltrúar frá 24 félagsdeildum, auk
stjórnar, framkvæmdastjóra, end-
urskoðenda og ýmissa gesta. —
Heildarvörusala félagsins, þegar
með er talin sala allra verksmiðja
og starfsgreina félagsins ásamt af-
urðasölu frá mj ólkursamlagi, slát-
urhúsreikningi, frystihúsum, sjáv-
arafurðareikningi og öllum fram-
leiðslustöðvum, nam alls tæpum
300 milljónum króna, eða um 60
milljónum meira en 1957. Fund-
urinn samþykkti að ráðstafa eftir-
stöðvum ágóðareiknings um 1,5
millj. króna með því að endur-
greiða 3% af ágóðaskyldri vöru-
úttekt félagsmanna í stofnsjóði
þeirra, auk 6% af úttekt í lyfja-
búð og 6% af viðskiptum við
brauðgerð félagsins, er hvort-
tveggja greiðist í viðskiptareikn-
inga félagsmanna.
Fundurinn samþykkti að veita
25 þús. kr. til starfsemi Matthías-
arfélagsins á Akureyri, ennfremur
að leggja í Menningarsjóð KEA
30 þús. krónur af hagnaði Efna-
gerðar félagsins síðstl. ár. Þá var
og samþykkt, að framvegis skyldi
árlegur nettóhagnaður af rekstri
Efnagerðarinnar ganga til Menn-
ingarsjóðs.
Fundurinn samþykkti eftirfar-
andi ályktun í landhelgismálinu:
Aðalfundur KEA 1959 lýsir
ánægju sinni yfir því, að land-
helgislínan hefir verið færð út
í 12 sjómílur. Jafnframt harm-
ar fundurinn viðbrögð Breta
og treystir því, að íslenzka
þjóðin standi saman um að
hrinda af sér ofbeldinu og ná
fullum sigri. Þá vottar fundur-
inn starfsmönnum landhelgis-
gæzlunnar fyllsta traust og
þakkar þeim einarða og drengi
lega framkomu í viðskiptum
við brezka lögbrjóta.“
Ur stjórn átti að ganga Bern-
liarð Stefánsson bankastjóri, og
var hann endurkjörinn. Hólmgeir
Þorsteinsson, sem verið hefir að-
alendurskoðandi félagsins um 30
ára skeið, baðst undan endurkosn
ingu. í hans stað var kjörinn Guð-
mundur Skaftason, héraðsdóms-
Nýr bátur á sjó
Um fyrri helgi var blaðamönn-
um hér í bæ gefinn kostur á að
skoða 10 lesta dekkbát, er Guð-
mundur Bjarnason, skipasmiður,
hefir annazt smíði á fyrir 4 Flat-
eyinga. Tóku þeir við bátnum um
þá helgi og sigldu honum heim.
Báturinn heitir Sigurbjörg, en
eigendur eru þrír bræður í Flat-
ey, Jóhannes, Hallur og Guðlaug-
ur Jóhannessynir, og mágur
þeirra Björgvin Pálsson.
Þetta er fyrsti báturinn, er Guð-
mundur Bjarnason annast smíði
á, en hann hafði skipasmíðastöð
Nóa Kristj ánssonar á leigu síð-
astliðið ár og til vors, en hyggst
nú koma sér upp eigin bátasmíða-
stöð úti í Sandgerðisbót.
Bátinn Sigurbjörgu smíðaði
Guðmundur eftir eigin teikningu
og er hann allur hinn vandaðasti
að sjá. Yél bátsins er Petter dísil-
vél 52 ha. Báturinn er búinn
venjulegum siglinga- og öryggis-
tækjum.
Verð hins nýja báts er um 400
þús. kr. með öllum útbúnaði.
Guðmundur Bjarnason hefir nú
lokið smíði á öðrum dekkbát 5
lesta, og er hann seldur til Siglu-
fj arðar.
------X-------
Ofyrirgefanlegt
framferði
Frá og með síðastliðnum
þriðjudegi hafði hið 35 manna
stéttarfélag mj ólkurf ræðinga í
Reykjavík og nágrenni boðað til
verkfalls, ef það fengi ekki 32%
kauphækkun auk ýmissa fríðinda.
Vegna mikillar andúðar al-
mennings á verkfalli þessu, þar eð
stéttin er talin mjög sæmilega
launuð, sá félagið sitt óvænna og
aflýsti verkfallinu, en hefir lausa
samninga og lætur félagsmenn
sína neita allri eftirvinnu og
helgidagavinnu, unz samið hefir
verið við félagið.
Eins og gefur auga leið, eru hér
mikil framleiðsluverðmæti mjög
margra sett í hættu vegna kaup-
krafna sárfárra, og eru slík
kverkatök í kaupgjaldsmálum illa
séð, þegar þá um vel launaða
vinnu er að ræða.
Kommúnistar fara með stjórn
félags mjólkurfræðinga.
lögmaður. Annar varaendurskoð-
andi var kjörinn Steingrímur
Bernharðsson skólastjóri á Dal-
vík. í stjórn Menningarsjóðs voru
kosnir Bernharð Stefánsson, sem
var endurkosinn, og Þórarinn
Björnsson skólameistari, í stað
Brynjólfs Sveinssonar mennta-
skólakennara, sem nú er sjálf-
kjörinn í stjórnina sem formaður
félagsins.
Á sl. hausti gerbreytti Alþbl. á
marga lund um blaðamennsku
sína. Það hafði þá fyrir nokkru
verið stækkað upp í 12 síður og
var nú ráðinn að því nýr með-
ritstjóri, Gísli J. Ástþórsson, lærð
ur blaðamaður, m. a. í uppsetn-
ingu efnis og umbroti og öðru út-
liti blaðs. Fjölbreytni í lesefni og
fréttamyndum var stóraukið, en
mannafli við blaðið var ekki auk-
inn að neinu ráði. Hins vegar var
afgreiðslu og auglýsingasöfnun
blaðsins búin betri starfsskilyrði.
Þessar breytingar voru að sj álf-
sögðu mikið átak fyrir stórskuld-
ugt blað, sem Alþbl. hefir alla
jafnan verið, og fyrst í stað ukust
skuldir þess enn verulega. En þeg-
ar líða tók undir jól, fór veruleg
kaupendaaukning að gera vart við
sig út á þessar breytingar, og með
stjórnarmyndun Alþfl. kom mikill
fjörkippur í sölu blaðsins. Hefir
útbreiðsla þess aukizt jafnt og
þétt síðan, svo að nú er blaðið
gefið út í 2000 eint. fleiri en á
haustdögum, þegar breytingin
var gerð á útliti þess og efnisflutn
ingi. Gefur þetta um 80 þús. kr.
tekjuaukning á mánuði. Jafnframt
þessari þróun hefir það gerzt, að
blaðið er að skjóta bæði Tíman-
um og Þjóðviljanum aftur fyrir
sig í útbreiðslu og er það að sjálf-
sögðu ekki öfundarlaust í þeim
herbúðum.
Rétt fyrir prentaraverkfallið
fékk bræðin yfir þessu útrás hjá
Þjóðviljanum í froðufellandi get-
sökum og dylgjum undir 4ra
dálka fyrirsögnum á forsíðu eins
og heimsviðburður hafi gerzt.
í vitund Þjóðviljans, sem al-
kunnugt er, að gefinn er út með
erlendri aðstoð í einni eða ann-
arri mynd, getur velgengni Alþbl.
ekki stafað af öðru en það hafi
stolið sér fé eða fái fjárstyrk er-
lendis frá — og það að vestan,
fyrst Þjóðviljinn sjálfur fær að
austan! Vestrið og austrið berjast
í gegnum blöðin!
Gamalt máltæki segir: Margur
heldur mig sig, og mun ýmsum
þykja Þjóðviljinn Ijóstra opin-
skátt upp því, hvaðan honum
kemur bakstyrkurinn, því að ekki
er kaupendunum fyrir að fara,
svo þrautleiðinlegt sem blaðið er
að flestra dómi.
í leiðinni þarf Þjóðviljinn auð-
vitað að ausa úr skálum reiði
sinnar yfir Guðm. í. Guðmunds-
son, utanríkisráðherra, en við
engan mann eru Þj óðvilj amenn
og aðrir kommúnistar nú hrædd-
ari. Óttast, að þjóðin kunni að
meta festu hans og óbifanleik í
landhelgismálinu.
Hin aðdróttan Þjóðviljans —
að Alþbl. hafi árin 1944—54 (í
ritstjórnartíð Hannibals þá líka!)
lifað á miður fengnu fé frá Ingi-
mar Jónssyni — er sóðalegri og |
viðbjóðslegri en dæmi eru til í
ísl. blaðamennsku.
Kemur þar fyrst til, að þar er
ráðizt á mann, sem enn á mál sitt
í rannsókn og kemur því engum
vörnum við meðan á því stendur
fyrir sjálfan sig né aðra í öðrum
málum, en í öðru lagi er skákað
í því skjólinu, að ekki gefist tími
til fyrir kosningar, að fletta ofan
af lygum Þjóðviljans með mál-
sókn. Meðan trúi nógu margir
rógnum til að „góður“ árangur
náist á mælikvarða Þjóðviljans.
Blaðinu gleymist semsé það, að
margir munu hugsa: Er nú lík-
legt, að Þjóðviljinn hafi þagað
fast að hálfu ári um „vitneskju“
sína um fj árútveganir Ingimars
Jónssonar fyrir Alþbl., ef hann
hefði í sannleika álitið þær sak-
næmar?
Hvar hefir þá „sannleiksást"
Þjóðviljans sofið það misserið?
mun margur spyrja, eða er hún
kannske tækifærissinnuð eftir
pólitískri barómetersstöðu, bæta
menn við.
---------□---------
2 NorððustðD illiri
gekk yfir Norðurland dagana 7.
og 8. júní síðastliðinn og var þó
miklu verst við sj ávarsíðuna, en
til heiða og fjalla alger stórhríð
hinn 8.
Háspennulínan yfir Vaðlaheiði
slitnaði vegna ísingar á 8 stöðum,
og varð ísingin svo mikil, að hún
mældist 30 cm. í þvermál. Raf-
magnslaust varð hér í bæ og hér-
aði í 27 klukkustundir. Þá brotn-
uðu 5 staurar í rafurmagnslínu, er
liggur neðan af Svalbarðseyri og
upp í loftskeytastöð flugumferðar-
innar á Vaðlaheiði.
Fé fennti sums staðar og óttast
er um, að talsvert af lömbum hafi
drepist allvíða, en af því eru þó
ekki verulegar fréttir enn.
---------□---------
jSStólftsítípið Ester
komið ft veiðftr
í síðastliðinni viku lagði skóla-
skipið Ester úr höfn í fyrstu veiði-
för sína. Skipstjóri er Finnur
Daníelsson, stýrimaður Sigurður
Rósmundsson, vélstjórar þeir
Guðmundur Antonsson og Sig-
mundur Sigmundsson, en mat-
sveinn Sveinbjörn Eiríksson.
Eins og Alþýðumaðurinn hefir
áður skýrt frá, annast Ú. A. rekst-
ur skólaskipsins í sumar með
styrk frá bæ og KEA. Hásetar eru
piltar 12—16 ára og er hugmynd-
in með útgerðinni að kenna hin-
um ungu mönnum vinnubrögð
við sjósókn jafnframt því að bæta
úr atvinnuþörf fyrir unglinga á
þessu aldursskeiði.