Alþýðumaðurinn - 10.03.1966, Blaðsíða 4
Komið ti! fjalla. Þið mimið aldrei sjá eftir þeim
stundum, sem þið eyðið þar
Karólína í keppninni.
svigi. Þetta er hugsað sem ár-
leg keppni milli Voss og Akur-
eyrar og næsta vetur munu því
segir Karolína Guðmimdsdóttir
MBIRTIR stutt viðtal að þessu sinni, en þó er blaðið stolt
yfir gesti sínum í dag, Karólínu Guðmundsdóttur, hinni
landsfrægu skíðakonu, er ásamt manni sínum ræður ríkjum með
ágætum í Skíðahótelinu í Hlíðarfjalli, og AM veit að eigi þarf að
kynna þau hjónin Karólínu og Frímann. Frímann liefur séð um
íþróttasíðu AM frá áramótum með ágætum. Vill undirritaður taka
það fram í þessu sambandi, að þær missagnir er slæðst hafa inn í
íþróttaþátt AM hafa ekki verið Frímanni að kenna, heldur undir-
rituðum.
Þú ert fsfirðingur Karólína.
Hvað sncmma heiliaðist þú af
skíðaíþróttinni?
Já, ég er ísfirðingur, ég held
að ég hafi verið á skíðum síðan .
ég man eftir mér.
Hvenær kepptir þú í fyrsta
sinni?
Það var árið 1948 heima á ísa
firði, og keppti þá í telpnaflokki.
\ Þú hefur auðvitað sigrað?
Já, ég var víst með bezta
tímann.
En hvenær tókstu fyrst þátt í
Skíðalandsmóti fslands?
Það var 1949, en Skíðalands-
jnótið var þá haldið í Reykja-
vík.
Og þú hefur auðvitað sigrað?
Það var nú öðru vísi fyrir-
komulag þá en nú, því að þá
var keppt í þrem flokkum A,
B og C ílokkum, ég keppti í C
ílokki og var fyrst í þeim flokki.
Ég hefi oft heyrt nafn þitt
nefnt, þá er landsmót hafa far-
ið fram. Hvað ertu búin að taka
þátt í mörgum Skíðalandsmót-
um?
Ég hefi oft keppt á landsmót-
um, ekki alltaf samt. Ég held að
'bað sem háð verður í vetur
verði 13. eða 14. landsmótið,
3em ég tek þátt í.
Keppni liefur oft verið hörð
Karólína?
Já, víst er hægt að segja það,
'3n þess ber að geta að kvenna-
ílokkurinn hefur alltaf verið fá-
liðaður, en ég vona að það fari
að breytast, a. m. k. hér á Akur
ayri, að héðan mæti öflugur
'kvennaflokkur innan tíðar.
Viltu segja mér eitthvað eftir-
aiiinnanlegt frá þeim landsmót-
Bim er þú hefur tekið þátt í?
Landsmótin hafa alltaf verið
inægjuleg, einskonar hátíð. Þá
áefur skíðafólk í eina skipti á
árinu haft tækifæri til þess að
koma saman. Það er margs að
mirtnast, sem er eigi hægt að
.segja frá í stuttu máli,
Ég finn að Karólína vill ekk-
art flíka sigrum sínum.
Pú crt á förum til Voss. Hvað
’tarið þið mörg?
Já, við förum á morgun. Við
:örum 7 til þess að keppa, ég er
eini kvenmaðurinn. Fararstjóri
verður Ólafur Stefánsson. Það
_ yerður keppt í svigi og stór-
skíðamenn frá Voss heimsækja
okkur. Ferðalagið tekur senni-
lega um 10 daga.
Hvað eruð þið hjónin búin að
eiga hér lengi heima, og hvernig
líkar ykkur lífið hér?
Það er eitt og hálft ár síðan
að við fluttum hingað, og í fæst
um orðum líkar okkur hér ljóm
andi vel.
Hvernig finnst þér skilyrði til
skíðaíþróttar hér á Akureyri?
í sem fæstum orðum, mjög
góð, og tel aðstöðu hér þá beztu
sem völ er á hér á landi. Það
kom okkur ekkert sérlega á
óvart ákvörðun ÍSÍ um að gera
Akureyri að miðstöð vetrar-
íþrótta í landinu, það hlaut að
verða, því skilyrðin hér eru svo
dásamleg.
Svo er orðið laust í lokin
Karólína, ef þú vildir eitthvað
segja.
Aðeins það, að ég vil hvetja
unga sem gamla að stunda skíða
íþróttina. Við unga fólkið vildi
ég segja þetta: Komið oft til
fjalla, þið munið aldrei sjá eftir
þeim stundum, sem þið eyðið
þar.
Þá er ekkert eftir nema að
þakka Karólínu fyrir komuna.
AM biður henni og félögum
hennar fararheilla til Noregs og
góðrar heimkomu. s. j.
s
Stofnun Alþýðuflokksins
ARNI ÞORGRÍMSSON svarar hér spurningunni: Hversvegna
var Alþýðuflokkurinn stofnaður? Árni var og er einn af hin-
um óhvikulu verkamönnum, er aldrei brugðust, þótt bæði borg-
araflokkar og kommúnistar beittu allri sinni áróðurstækni í því
skyni að leggja Alþýðuflokkinn að velli. AM sendir Árna Þor-
grímssyni þakkir fyrir trausta liðveizlu um áraraðir, — og hér
kemur gagnort svar hans.
Það var rökrétt áframhald af
stofnun verkalýðssamtakanna,
enda oftast sömu forystumenn-
irnir. Verkalýðsfélögin höfðu
þá starfað um áratug. Sá tími
fór mikið í að byggja upp fé-
lögin, og þjappa þeim saman.
Mönnum hafði lærzt að skylja,
hvað vel uppbyggður félags-
skapur gat áorkað miklu til al-
mennra framfara. Þá, eins og
nú, var hvert bæjarfélag —
ríki í ríkinu — eða hafði sína
sjálfstjórn. Það var því fyrsta
málið að fá kjörna fulltrúa í
bæjárstjórn, til að fá ýmsu
breytt til batnaðar fyrir almenn
ing.
Það vill svo skemmtilega til,
að hér á Akureyri var stofnað,
1913, fyrsta Jafnaðarmannafé-
lagið — að því er Ólafur Frið-
rikson telur. Félagið bar fram
lista með Erlingi Friðjónssyni
og var hann kjörinn. En eitt-
hvað hefur andstæðingunum
ekki líkað þetta, því með kær-
um og flækjum átti að ógilda
kosninguna, sem þó ekki tókst.
Árið 1927 var svo frambjóðandi
Alþýðuflokksins, með stuðningi
Framsóknarflokksins, kjörinn
þingmaður Akureyrar. Þá var
fólkinu farið að skiljast, að
nauðsynlegt var, að hafa áhrif
(Framhald á blaðsíðu 13.)
LEIKFÉLAG
AKUREYR-
AR sýnir
gamanleikinn
SWEDENHIELMS-
FJÖLSKYLDAN
föstudag, laugardag og
sunnudag.
SÍÐUSTU SÝNINGAR.
HYERS VEGNA ER ÉG JAFNAÐARMAÐUR?
FFÉR SVARAR ungur maður,
Einar Björnsson, skrifstofu-
maður, spurningunni Hversvegna
er ég jafnaðarmaður? Einar er fé-
lagi F. U. J. á Akureyri og er nú
gjaídkeri þess.
ÞVÍ er fljótsvarað. Ef við lítum á
orðin jafnrétti, frelsi og bræðra-
lag og hugleiðum þau, þá hljót-
um við að finna að í þeim felst
mikill boðskapur. Jafnrétti: Hver
vill ekki hafa jafnan rétt á við
aðra? Frelsi: Hver vill ekki vera
frjáls? Bræðralag: Hver vill ekki
hafa öryggi í daglégu lífi.
Kjarni jafnaðarstcfnunnar býgg-
ist á þcssum þrem orðum. Þess
vegna lrefur jafnaðarstefnan bar-
izt fyrir því öryggi sem tryggingar-
kerfið er okkur hinum almennu
borgurum.
Þess vegna hefur jafnaðarstefn-
an barizt fyrir því, að við erurn
frjálsir þegnar í frjálsu landi.
Þess vegna hefur jafnaðarstefn-
an barizt fyrir því, að þjóðfélag-
ið komi til hjálpar, svo að enginn
þurfi að líða skort.
Jafrtaðarstefnan vill tryggja það
að meðbróðir okkar þurfi eigi að
horfa vonlaus fram á veginn, þótt
hann hafi t. d. orðið fyrir slysi og
geti þar af leiðandi af eigin ram-
leik séð fyrir sér og sínum. Bar-
Einar Djörnsson.
áttumál jafnaðarstefnunnar hafa
þegar orðið að veruleika, íslenzku
þjóðinni til mikillar blessunar og
mun svo verða um ókomna fram-
tíð.
Einar Björnsson.
Auglýsmgasíminn er
1-13-99
Framleiðum eftirfarandi
VORUTEGUNDIR:
VÍNARPYLSUR - BJÚGU
FARS
KÆFU - LIFRARKÆFU
BLÓÐMÖR - LIFRARPYLSU
HANGIKJÖTSÁLEGG
RÚLLUPYLSU
MALAKOFFPYLSU
SKINKU - STEIK
LÉTTREYKT DILKA- og SVÍNAKJÖT
o. fl.
Einnig seljum við í heildsölu:
SVÍNAKJÖT - ALIKÁLFAKJÖT
RJÚPUR - EGC
og ÍSLENZKT GRÆNMETI
.1 KAUPFÉLAG EYFIRÐINGA
Pylsugerð
SÍMI 2-11-63 og 1-17-00