Víðir - 23.03.1929, Blaðsíða 3

3
jeg vildi fara nokkrum orðum
um.
Margir munu þuð vera hjer,
sem fara í „bíó“ fiesta sunnu-
daga, eða einhverntíma í vik-
unni, eftir því sern á stendur.
Við, sem erum tíðir gestir á
„bíóunum", rekum okkur öðrum
fremur á það, sem miður fer.
En af því við greiðum þó nokk-
uð háan innngangseyri þykj-
umst við eiga kröfu til þess,
að eitthvað sje fyrir okkur gert
til þess að við getum notið sýn-
inganna sæmilega.
Margir halda að mikill hagn-
aður sje af rekstri „bíóanna*
hjer, en svo mun tæpast vera
enda eru skattar og gjöld þeirra
all-há. En þrátt fyrir þetta er
það nauðsynlegt eigendum „bíó-
anna“ að spara ekki um ofsmá-
vægileg útgjöld, sem leiða til
aukinna þæginda, því að „bíó-
gestir“ mega ekki fá það álit,
að það sje tekið sem sjálfsagt
að þeir sæki „bíóin“ hvernig sem
niyndin er — og hvernig sem
um þá fer og alt sje fengið með
því, þegar búið er að selja í
húsið.
þar eð jeg er einn þeirra sem
oft fara í „bíó“, þykist jeg hafa
nokkurn rjett til þess að benda
á aðal gallana, sem bæta mætti,
að mfnu áliti, án verulegra út-
gjalda.
í fyrsta lagi: Hjer er of lítið
gert að því, að sýna góðar
myndir. þær eru að vísu dýr-
ari, en líka betur sóttar.
Annað: þegar á „bíó“ er kom-
ið, verða menn fljótt varir við
það, að loftræsingin er ekki sem
best, einkum þegar margt er um
manninn.
þriðja: Sætin í húsunum eru
óþægileg (einnig a'.tof þröngt á
milli bekkja í Nýja Bíó.)
Fjórða: Sá sem sýnir, virðist
-ekki altaf vera nógu vandvirkur.
Stundum er hraðinn óeðlilegur
og leiðinlegt er að horfa lengi á
myndina skifta t. d. fætur efst og
höfuð neðst. Kemur of oft fyrir
í „Nýja Bíó“.
Fiinta: Hljóðfæraslátturinn er
nauðsynlegur, til þess að Iífga
upp á myndina. En það má ekki
misbjóða fólki með því að hamra
sýningu eftir sýningu og mán-
uðum saman sömu lögin, sfst
þessi glamurslegu „hopp og hí“
lög, sem flestir verða fljótt leiðír
á, þótt góð þyki í byrjun — og
án þess að tillit sje tekið til
efnis myndarinnar.
Á þetta aðallega við „Gamla
Bíó“. í „Nýja-Bíó“ er „musikkin"
mikið betri.
Sjötta: Ekki virtist úr vegi, að
kvikmyndasýningar væru aug-
lýstar í blöðunum hjer, eins og
gert er í öllum öðrum kaupstöð-
um landsins þar sem „bíó“ eru.
Myndi það ábyggilega borga sig,
því að ekki þyrftu margir að
fara fyrir tilstilli auglýsinganna,
til þess að þetta borgaði sig. —
Auk þess er „bíógestum" mis-
boðið með því, að þurfa að
hlaupa út um bæ, hvernig sem
V í 6 i r
viðrar, til þess að sjá hvaða
mynd er sýnd á hvoru „bíó-
inu“ fyrir sig. það eru ekki
allir, sem hafa síma, og margir
munu sitja heima í vondum
veðrum og ekki fara í „b!ó“ af
þessum ástæðum. —
Hef jeg nú talið upp aðal-
gallana. Margt mætti lagfæra án
verulegs kostnaðar — og von-
andi sjá „bíó“-eigendur sjer fært
að breyta eitthvað til batnaðar.
„Bióa-gesíur.
Ath. þar sem ræðir um aug-
lýsingar kvikmyndahúsanna skal
það framtekið að „Gamla-Bíó“
auglýsti í Víði í haust sýningar
sínar. — Mun hafa hætt því um
stundarsakir, sökum þess, að
það íekk á tímabili lakari mynd-
ir, en búist var við — og treyst-
ust eigendur víst varla til þess að
mæla með þeim.
En auðvitað virðist það eðli-
legt og sjálfsagt að kvikmynda-
húsin auglýsi sýningar sínar I
blöðunum hjer — eins og tíðk-
ast annarsstaðar, — enda mun
það ekki síst þeirra gróði. —
Ritsij.
Símfregnir.
Rvík, FB. 21, mars ’29.
Erlendar.
Frá Madrid er símað,að há-
skólanum hafi verið lokað vegna
stúdentaóeirða. þýsk blöð halda
fram, að þetta tiltæki Rivera
muni skerpa mótspyrnuna gegn
einræðinu.
Mikil vatnsfióð hafa orðið í
suður ríkjum Bandaríkjanna.
10,000 eru heimilislausir og
margir hafa druknað. — Síðustu
fregnir herma, að flóðin fari
rjenandi.
Frá París er símað, að Foeh
marskálkur sje látinn. (Flestir
munu hafa heyrt h'ns alkunna
franska herforingja frá ófriðarár-
unum getið).
Innlendar.
Frú Atþingi. Frumvarp Hall-
dórs Stefánssonar um fyrning
skulda var felt.
Frv Ásgeirs Ásg. um myntlög
var til fvrstu umræðu á dögun-
um, en hefur ekki verið á dag-
skrá síðan. Andmælendur voru
Magn. Guðm. og Sig. Eggerz.
Miklar umræður í Nd. um
breyting á 21. gr. fátækralaganna
um að færa sveitfesti niður um
2 ár. Breytingin var samþykt.
Frv. Jóns Baldvinssonar um
einkasölu á saltfiski komst í
nefnd í Ed.
þeir Magn. Guðm. P. Ottesen
Bernharð Stef., Bjarni, Ásg. og
Har. Guðm. voru kosnir í nefnd
til þess að athuga tillögu Jafn-
aðarmanna viðvíkjandi togaraút-
gerð.
All-mikið hefur verið deilt um
stækkun lögsagnarumdæmis Rvík-
ur Umræðum ekki lokið enn.
Sigurjón og Har. flytja frv.
um heimild fyrir stjórnina til
þess að koma á stofn hvalveiða-
stöð.
- Ed. ræðir um afplánun sektar
og vinnuhæli. Sömuleiðis frv.
Erlings um að heimila sveita- og
sýslufjelögum einokun á nauð-
synjum vegna siglingateppu á
hafísárum. Frv komst til nefnd-
ar.
Nd. hefur samþ. frv. um fiski-
ræktarfjelög. — Sömuleiðis frv.
um kosningar í málefnum sveita
til Ed. Ennfremur hefur verið
rætt frv. Jafnaðarmanna um
hlutafjelög. Aðal breytingin er
í því falin, að skylt skuli að
senda lögreglustjóra rekstrar- og
elnahagsreikninga, sem almenn-
ingur hafi svo aðgang að. Málið
er enn óútrætt.
Molar
„Bæjavbúi".
ísleifur Högnason komst að
þeirri niðurstöðu, er hann var
að rita í Vikuna, að Kr. Linnet,
Gunnar Ólafsson og víst allir,
sem eru ekki á sama máli og
hann, væru heimskingjar.
Nú hefur öðrum og verri „ís-
Ieifi“ verið hleypt í dálka -Vik-
unnar. Kallast hann „Bæjarbúi“,
og skýrir samsull sitt „Frá les-
endum“, alveg eins og hann tali
í þeirra allra nafni.
Kallar hann andstæðinga sína
alla, sem ritað hafa í Víði, ritfífl,
mannbjálfa og kjaftaskúma. Svo
slær út í fyrir honum og fer
hann að tala um hunda, naut,
svín og asna. — Mætti því helst
halda, að mannskepna þessi væri
nýkominn úr dýragarði.
það þýðir því ekki að eyða
orðum við hann.
En erfitt virðast ritstjórar Vik-
unnar hafa átt með að fylla þess-
ar 6 síður blaðsins um næstsið-
ustu helgi,þegar þeir hleypa svona
„Bæjarbúa“ í blaðið, sje gert
ráð fyrir að þeir fái þar nokkru
um ráðið og hafi einhvern, snef-
11 af sómatilfinningu.
„Til botns .“
Loksins virðist þorsteinn þ.
Víglundsson hafa „komist til
botns“ í Linnet.
En „kafaraeðli“ mannsins er
mikið og hefur hann nú sökt
sjer í „beina“-leit hjá Gunnari
Ólafssyni og þingmanni vorum.
Frjettir.
Messað
á morgun kl. 2 e. h.
Beitulaust
var hjer um fyrri helgi. Hafði
íshúsiö fengiö síld frá Rvík,
en hún reyndist ónýt er til kom
r— og var því hætt við að selja
hana.
Eitthvað kom af norskri síld
með „Lyra“ á þriðjudag og byrj-
uðu bátar þá róðra aftur.
Eftirlitsmaður
með reglu á bæjarbryggjunni
hefur Kristján Egilsson verið
skipaður.
Rafsuðuáhöld
hefur Einar Magnússon, járn-
smiður hjer, keypt sjer. — Eru
sbk áhöld dýr, en einkar hentug
— og margt hægt að vinna með
þeim umfram það, sem hægt er
að vinna með logsuðuáhöldum.
þetta eru fyrstu rafsuðutækin,
sem hingað flytjast, og er gott
til þess að vita, að ekki þarf
lengur að vísa mönnum (t. d.
erlendum togaraskipstjórum) til
Rvíkur, vegna vöntunar á raf-
suðutækjum.
Druknanir.
Árið 1928 druknuðu hjer við
land 43 menn og konur. þar af
var einn maður danskur, fjell
hann útbyrðis af skipi á Húna-
flóa. þrír menn druknuðu við
bryggjur — 2 karlmenn og 1
kona — án þess að vitað verði
um orsakir slysanna. Einn op-
inn vjelbátur fórst með 6 mönn-
um og tveir árabátar, annar meö
4, hinn með 2 mönnum (ein
kona þar á meðal). Sjö menn
fjellu fyrir borð á vjelbátum og
einn af togara. Tvo menn tók
stórsjór út af togurum. Tvær
konur druknuðu af opnum bát-
um við land en 15 menn fórust
við strand (Jóns forseta).
Hjúskapur.
í dag verða þau Sigríður
Magnúsdóttir og Tómas Guð-
jónsson gefin saman í hjónaband
í Landakirkju af sjera Sigurjóni
Árnasyni.
Próf
fara fram þessa dagana í Ung-
lingaskóla Vestmannaeyja.
Auglýsingar
þær, sem koma eiga í næsta
blaði, skilist á afgreiðslu blaðs-
ins sem fyrst eftir helgina sök-
um hátíðisdaganna.
„Lyra“
kom frá Rvík í gær. Meðal
farþega var konsúll Gísli J.
Johnsen.
Afli
hjer frá 1. til 15. þ. m. þorsk-
ur 5429 skpd. smáfiskur 5skpd.
ýsa og keila 132 skpd.
Margir bátar
hafa nú lagt net sín, en afli
hefur verið mjög tregur.
Sandgerðisbátarnir.
Bátar þeir, sem stundað hafa
veiðar við Faxaflóa frá Sandgerði
munu bráðlega væntanlegir heim.
V.b. Ágústa, e.s. Óskar, þorgeir
goði og Heimaey eru þegar
komnir.