Heimir : söngmálablað - 01.10.1935, Blaðsíða 9

Heimir : söngmálablað - 01.10.1935, Blaðsíða 9
S'óngmót í Osló og Stokkhólmi ipj$ 33 í þessu volduga tónhafi. Blaðadómarnir um kantötuna voru mjög loflegir, þótt gert væri reyndar ráð fyrir því, að eitt og annað mundi fyrnast og falla i gleymsku, eins og ekki er óalgengt um slík tækifærisljóð. Það er ekki fyrir alla, að fara i fötin hans Hándels gamla! Síðasti konsertinn fór fram úti á hinu mikla iþrótta- svæði, Stadion. Það var sunnudaginn 16. júní, kl. 6 sið- degis. En um morguninn var guðsþjónusta á Birger Jarls-torgi. Var hellirigning og rok og útlitið allt ann- að en glæsilegt. Þegar hinar marglitu söngfylkingar gengu inn á völlinn, sitt hvoru megin, undir fánum sin- um, var sama hvassviðrið, kalt og demburnar alltaf öðru hvoru. En tilkomumikil sjón var þetta þó, enda er ekki hætt við, að Svium mistakist við slik tækifæri. Það eru „karlar, sem kunna sig". Hinn mikli skari átti að syngja undan veðri, og var það að visu nokkur bót í máli, þótt fyrirsjánlegt væri, að margt og mikið hlyti að fara út í veður og vind. Hálfu verri var þó aðstaða barnasöngflokksins, er stóð hinum megin á vellinum og átti því að syngja á móti veðri. Var mesta furða, hvað söngur þeirra heyrðist glöggt. En þau liöfðu ckki sleppt seinasta orðinu fyrr en þau tóku undir sig stökk niður af pallinum og þaðan á harðahlaupum yfir völl- inn. Vakti sú sjón litlu minni fögnuð en sjálfur söng- urinn. Það tæki of mikið rúm í Heimi, ef prenla ælli söngskrána á þessum „Jubilcumskonsert", og væri það þó ekki ófróðlegt. Lögin voru 26 samtals (3 féllu reynd- ar úr vegna brottferðar Esllendinganna) og skiptist á einraddaður og margraddaður söngur, með og án und- irleiks hljómsveitar. Kaflarnir voru með þessum fyrir- sögnum: Svensk hymnsáng. Unison sáng. Tyska folk- visor frán 15. och 1600-talet. Utlándska representalions- körer. Svenska folkvisor frán 15. och 1600-talet. Sein- ast lagið var „Sverige" eftir Stenhammer, sungið „uni- sono".

x

Heimir : söngmálablað

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Heimir : söngmálablað
https://timarit.is/publication/601

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.