Alþýðumaðurinn - 26.09.1969, Blaðsíða 7

ENGIN STORVIRKJUN A NORÐURLANDI...
(Framhald af blaðsíðu 4)
við Lönguhlíð og er hann hlað-
inn allskonar járnarusli. Mér
ásamt fleiri hverfisbúum finnst
þessi bíll ekkert sérstakt augna
yndi og mælumst eindregið til
þess að bíllinn verði fjarlægður
hið fyrsta.
íbúi í Glerárhvérfi.
EFTIRMALI AM.
Blaðið vísar þessari orðsend-
ingu til formanns Fegrunar-
félags Akureyrar, Jóns Krist-
jánssonar. Hann er vísastur
manna að veita Glerhverfingum
liðveizlu í þessu efni.
STOKKIÐ UPP SPlLIN.
ÓFARIR ÍBA-LIÐSINS.
Ófarir ÍBA-liðsins í sumar í
íslandsmótinu í knattspyrnu
hlýtur að rumska rækilega við
ráðendum knattspyrnumála á
Akureyri. Hér þarf að stokka
spilin upp — og er ég ekki einn
um þá skoðun. ÍBA á hiklaust
að gefa Breiðabliki i Kópavogi
seinni úrslitaleikinn um barátt-
una um sætið í 1. deild næsta
ár. í stað þess eiga KA og Þór
að mæta með sín eigin lið í ís-
landsmótinu næsta sumar, þótt
það þýði að þau þurfa að keppa
í 3. deiid næsta sumar — og
mun sumum finnast það sárt til
liugsunar, en án þessara rót-
tæku breytinga höfum við knatt
spyrnuna aldrei upp úr þeint
öldudal sem hún óneitanlega er
í hér á Akureyri — og það vita
forráðamenn knattspyrnumála
hér, þótt þeir berji enn höfðinu
við steininn. Allir vita að KA á
sitt eigið lið á íslandsmótinu í
liandknattleik og Þór í körfu-
knattleik og þau staðið sig meðl
ágæturn. Ég segi burt með ÍBA-
lið í knattspyrnu — nú er tæki-
færið — og þá um leið sá mögui
leiki að í náinni framtíð hafni
íslandsmeistarabikarinn í þess-
arri íþróttagrein hingað norður.
Knattspyrnuunnandi.
GRINDVERKIÐ HJÁ GÖMLU
LÖGREGLUSTÖÐINNI.
Hvers vegna er ekki rifið
burt grindverkið við Glerár-
braut hjá gömlu lögreglustöð-
inni, úr því að búið er að leggja
spennistöðina, sem þarna var af
velli? Þetta grindverk skapar
einungis aukna hættu á þess-
arri fjölförnu götu, þrengir
hana og spillir útsýni. Innan
grindverksins er að vísu bruna
liani. En mér finnst nú að ein-
hver af hinum mörgu tækni-
menntuðu starfsmönnum á
bæjarskrifstofunum gæti nú
lagt höfuð sitt í bleyti og upp-
hugsað hananum annan stað, án
þess að brunavamir væru veikt
ar á þessu svæði bæjarins.
Bílstjóri.
ÞRÍR FORSTJÓRAR.
Blöð hafa nú skýrt frá því að
þrír forstjórar hafi vérið ráðnir
við Slippstöðina h.f. Mörgum
kemur það all spánskt fyrir
sjónir, að lausnin út úr þeim
gífurlegu efnahagsörðugleikum,
sem þetta fyrirtæki á nú við að,
stríða sé fjölgun forstjóra. Rót-
tækari og raunhæfari breyting-
ar liafi bæjarbúar vonað að ætti
sér stað. Þær eiga kennske eftir
að koma, því að telja má með
sanni að Slippstöðin sé eitt af
þeim lífakkeruin, er framtíð og
vöxtur Akureyrar byggist á í
framtíðinni.
Akureyringur.
ER ÞAÐ RÉTT?
Ég vil biðja AM fyrir eftir-
farandi. Er það rétt, lögum sam
kvæmt, að hið opinbera gæti
krafið starfsmann hjá fyrirtæki,
sem hefur tekið af kaupi hans
vikulega upp í skatta til bæjar
og ríkis, sem fyrirtækið hefur
annað hvort GLEYMT að skila
eða ef ég má taka djarflega til
orða hreinlega STOLIÐ frá
starfsmanni? Ef svo er tel ég
hér um ólög að ræða, þar sem
saklausir hljóta straff og refs-
ingu í stað hinna seku.
Launþegi á Akureyri.
ER HANN AÐ SKOÐA
HAFNARMANNVIRKI í NEW
YORK?
Bæjarstjóri okkar hefur að
undanförnu verið í Ameríku-
reisu og gárungarnir segja að
aðal erindi hans þangað hafi
verið að gera samanburð á fram
tíðarhöfn Akureyrar og höfn-
inni í New York. Þetta mun
vera klára vitleysa — og á senni
lega að taka sem grín. En öllu,
jafnvel gríni, fylgir nokkur
alvara. Ég vil opinskátt játa, að
þótt ég hafi ekki verið sam-
flokksmaður Magnúsar E. Guð-
jónssonar fyrirrennara núver-
andi bæjarstjóra, sakna ég
hans. Hann kom á vinnustaði og
rabbaði við okkur verkamenn-
ina sem jafninga og vini — og
þá er hann hvarf af vettvangi
fylgdi honum góðar minningar
— og eigi veigraði hann sér við
að taka í hönd mína þótt svört
væri af tjöru. Ég er ekkert að
harma það þótt núverandi bæj-
arstjóri hafi aldrei tekið í hönd
mína eða heimsótt vinnustað-
inn. En ég vil fullyrða að með
brottför Magnúsar E. Guðjóns-
sonar hafi Akureyrarbær misst
bezta manninn sem gegnt hefur
bæjarstjórastarfi á Akureyri.
Verkamaður.
HVORA LEIÐINA FÓR
SJÚKRABfLLINN?
í þessum þætti þínum var
fyrir nokkru síðan sagt frá því,
að nær engu hefði munað að
sjúkrabílnum hefði verið ekið í
klessu inn í Hafnarstræti, þá er'
ökumaður bílsins var að flýta
sér á slysstað. Mig langar til að
spyrja. Hvaða leið ók bíllinn?
Fór hann suður Hafnarstræti
eða Skipagötu? (þ. e. veginn
sem liggur austan við POB). Ég
er ekki fyllilega ánægður með
svar slökkviliðsstjóra í síðasta
blaði. Graseyjan þarna finnst
mér ekki eiga sök á því að veg-
urinn getur verið þarna hættu-
legur, hún er fyrst og fremst
ætluð til að „bremsa“ af um-
ferðina — og þarna ætti að setja
upp biðskyldumerki.
Hafnarstrætisbúi.
EFTIRMÁLI.
Sjónarvottar segja að sjúkra-
bíllinn hafi ekið Skipagötuna í
umræddri ferð.
ENN ER SPURT.
Hvenær má vænta opinberrar
greinargerðar frá Arnþóri Þor-
steinssyni verksmiðjustjóra um
þjófnaðarmálið á Gefjun í vor.
Er rannsókn enn ekki lokið í
málinu? En ef svo er, hvað tef-
ur þá verksmiðjustjórann að
hreinsa þá menn sem saklausir
eru af bæjarslúðrinu í sambandi
við þetta mál? Þeir eiga rétt á
því og það ætti verksmiðju-
stjórinn að skilja.
Einn sem hefur
lilustað á bæjarslúðrið.
ÞAKKIR — ÆSKAN
HUGSAR.
Ég vil senda þér mínar hjart-
ans þakkir fyrir það að þú birt-
ir bréf mitt og þau ummæli þín
í öðru blaði í sambandi við kinn
hestana og ósvífin orð, er ég
hlaut að launum fyrir að gæta
bús og barna á meðan foreldrar
mínir voru úti að skemmta sér.
Ég átti lengi í harðri baráttu við
sjálfan mig að skrifa þetta og
fara svo með það sjálf til þín.
Víst horfðir þú lengi rannsak-
andi á mig, en það var engin
kvöl að standast augnaráð þitt
— því ég sagði sannleikann —
og ég veit að þú sást tár mín,
er þú sagðist trúa mér — og það
var gott að finna skilning, vel-
vild og hlýju. Ég fann að ein-
hver skildi að æskan hugsar og
finnur til sársauka og gleði. —
Þann skilning vantar svo mikið
hjá hinum eldri — og við svo
ásökuð fyrir þá spillingu og
lesti, sem eldri kynslóðin lætur
okkur krakkana horfa upp á
nær daglega hjá sjálfri sér. Ég
finn ennþá sársauka í hjartanu,
eða á ég heldur að segja sálinni,
er framkoma foreldra minna
ullu mér, en vonandi hverfur
hann með árunum. — Fyrir-
gefðu svo párið.
Barnfóstran er hlaut
snoppunga að launum.
(Framhald af blaðsíðu 8).
líkur benda til að sá tími sé
skammt undan að raforka verði
tekin til húsahitunar í ríkum
mæli á öllum þeim stöðum, sem
eicki hafa aðstæður til hita-
veitna, og blandast engum hug-
ur um hversu mikilvægt þjóð-
hagslegt atriði slíkt er.
Þá er ekki nema eðlilegt og
sjálfsagt að fullnægt verði öðr-
um kröfum um raforku til
heimila og munu allir íbúar á
orkuveitusvæði Laxárvirkj unar
vera sammála um þá þörf og
kröfur, hvort sem þeir búa í
strjál- eða þéttbýli.
Jafn brýna nauðsyn ber til að
auka iðnað til að fullnægja at-
vinnuþörfum svæðisins og
stuðla að fólksfjölgun þar og
tálma jafnframt fólksflótta úr
landshlutanum.
En höfuð atriðið fyrir því að
þessar aðgerðir geti komið að
tilætluðum notum, er að orkan
geti orðið sem ódýrust.
Þessum staðreyndum verður
ekki mótmælt enda ekki um
þær deilt. Á þessum forsendum
hafa rannsóknir farið fram og
þær verið framkvæmdar af hin-
um færustu sérfræðingum, sem
völ er á.
En nú á þessu ári hefir risið
upp hópur manna til að mót-
mæla þessum aðgerðum á þeirri
forsendu, að hér sé hagsmun-
um um 300 bænda stefnt í
hættu. Hafa forsvarsmenn þess
arar hreyfingar bæði tekið upp
viðræður við ríkisstjórn og not-
að fjölmiðlunartæki landsins,
blöð og sjónvárp, til þess að
reka áróður gegn því að fram-
kvæmd verði sú virkjun Laxár,
sem að dómi allra sérfræðinga
er hagkvæmust og ódýrust svo
að miklu munar. Ekki eru þó
mótmælin reist á rannsókn,
heldur einungis á getgátum.
Þar sem ætla má að slíkur
áróður geti: fengið nokkurh.
hljómgrunn meðal ókunnugra,
og að tilfinningasemi verði lát-
in ráða dómum, en ekki fræði-
legar forsendur, sér stjórn Lax-
árvirkjunar sér ekki annað
fært en að leggja fram þær stað
reyndir, sem fyrir liggja.
Síðan færir Laxárvirkjunar-
stjórn rök að því að landspjöll
í sambandi við Gljúfurvers-
virkjun séu hverfandi lítil í
samanburði við það er andstæð
ingar virkjunarinnar í Þing-
eyjarþingi vilji halda fram í
áróðri sínum gegn þessum
virkjunarframkvæmdum. Fara
hér á eftir lokaorð greinargerð-
arinnar.
HAGSTÆÐASTA VIRKJUN
Á ÍSLANDI.
Laxárvirkjunarstjórn er þess
fullviss, að þær virkjunarfram-
kvæmdir, sem hér um ræðir dg
gefa munu um 55 þús. kw. og
um 330—340 millj. kwst. á ári á
um 24 aura/kwst., sem er eitt
það hagstæðasta raforkuverð,
sem nú er fáanlegt, verði iðn-
aði, svo og íbúum öllum á orkuf
veitusvæði Laxárvirkjunar mik
il lyftistöng í framtíðinni og það
tjón, sem þessar framkvæmdir
vissulega kynnu að valda, t. d.
í Laxárdal, sé fyllilega réttlæt-
anlegt þegar litið er til þess
hagnaðar, sem framkvæmdirn-
muni skila og þeirrar nauðsynj-
ar að sjá stórum landshluta fyr-
ir ómissandi orku. Eins og stað-
reyndir þær, sem fyrir liggja,
sýna, er sú hætta, sem stafa
kann af fyrirhugaðri mann-
virkjagerð, hverfandi lítil. Hins
vegar er Ijóst, að jafnódýr orka
og fengist getur með þessu
móti, er þjóðhagslega mikilvæg
og skapar betri lífsskilyrði fyrir
þúsundir manna, sem á orku-
veitusvæði Laxár búa, Þingey-
inga ekki síður en aðra.
7
Innilegar þakikir fyrir anðsýnda samúð og vinar-
hug við andlát og jarðarför
TÓMASAR JÓNSSONAR, Ægisgötu 1.
Sérstakar þakkir viljum við færa starfsfólki
Mjólkursamlags KEA, söngfólögum úr Geysi og
Ingibjörgu Magnúsdóttur forstöðukonu Fjórð-
ungssjúkrahússins á Akureyri, fyrir ómetanlega
hjálp og aðstoð.
Fyrir okkar hönd og annarra vandamanna,
Hrefna Jónsdóttir,
Guðrún Jónsdóttir, Magnús Sigurjónsson.
Alþýðuinannimi
VANTAR DUGLEGT OG ÁBYGGILEGT
BARN TIL AÐ BERA ÚT BLAÐIÐ í HVERFI
Á YTRI-BREKKUNNI (neðri lduta).
Upplýsingar í síma 1-13-99.
VÖRUR
til sláturgerðar
RÚGMJÖL - HAFRAMJÖL - SALTPÉTUR
SLÁTURGARN - VAMBAKALK
RÚLLUPYLSUKRYDD - RÚSÍNUR
NEGULL - PIPAR
PLASTPOKAR - PLASTSLÖNGUR o. fl.