Dagblað - 30.05.1925, Blaðsíða 1
Laugardag
30. maí
1925.
I. árgangur.
98.
tölublað.
LAXVEIÐARNAR í Elliðaán-
um eru nú orðnar töluverð
tekjugrein fyrir bæinn og
má segja að margt haíi verið
ver ráðið, heldur en það, þegar
árnar voru keyptar.
Lengi voru þær eign útlend-
inga og höfðu bæjarmenn þá
engin not af þeim, nema út-
svarið sem lagt var á eigand-
ann, og sem oft urðu Hálfdánar-
heimtur á, einkum vegna þess,
að Mosfellingar gerðu einnig
kröfu til útsvarsálagningar og
stóð lengi í málaferlum og ýmsu
stímabraki milli þessara aðila út
af þvi. Nú eru árnar leigðar
fyrir 6000 kr. árgjald, og má
lelja það nægilega háa leigu
fyrir ekki meiri veiði en nú ér
þar.
Annað mál er það, hvort rétt
sé að leigja einstökum manni
árnar, því þótt hann hafl nokkra
menn í félagi með sér, þá er
öllum fjöldanum bægt frá þeirri
ánægiu, sem laxveiði er mörgum
mönnum, og sem gjarnan vildu
geta notið hennai', hér í nágrenní
sínu, þegar tækifæri gæfust til.
I*að er svo fátt sem þessi bær
getur boðið íbúum sínum annað
en útgjöld og álögur, að þess
ætti að mega vænta, að það fáa
sem hér gæti verið til dægra-
styttingar og ánægju, væri ekki
látið af hendi til örfárra manna,
sem þar með hafa einkarétt á
öllum afnotum þess.
Það ætti því vel að athugast,
áður en árnar verða oftar seldar
á leigu einstökum manni, hvort
ekki væri eins heppilegt að gefa
öllum bæjarbúum kost á að
Veiða þar innan ákveðinna tak-
tnarka um stangafjölda á degi
hverjum, eins og nú er og verið
hefir undanfarið. Auðvitað yrðu
ekki mörg veiðileyfi, sem hver
hæri úr býtum, þvi búast mætti
Við að aðsóknin yrði svo mikil,
^ð jafnvel gæti ekki allir kom-
>st að sem vildu. En þetta væri
sá jöfnuður, sem flestir mundu
hna vel við, og gæfi mörgum
kost á ánægjulegri veiðistund,
sem nú verða að vera án hennar.
Á síðustu árum nefir laxveiðin
nokkuð minkað í Elliðaánum,
og telja flestir það vera vegna
breytinga sem þar hafa orðið
vegna rafveitunnar. Raunar hefir
töluvert verið gert til að greiða
göngu laxins, en eins og allir
vita, kann hann illa við alla
nýbreytni og þykist sjálfsagt
ekki eins frjáls né komast eins
laugt upp eítir ánum og áður var.
Það væri mjög illa farið, ef
laxinn hætti að mestu að ganga
upp í árnar, og þarf því að
gera alt sem hægt er til að
tryggja það, að svo verði ekki.
Reykj avík.
ii.
Ef Reykvíkingar hugsuðu al-
ment lengra fram en um líðandi
stund, myndi umbygging bæjar-
ins vera það málið, sem mest
væri rætt og vandlegast.
Það sýnir bezt hve menn eru
áhugalausir um velferðarmál
þessa bæjar, að ekki skuli meira
hafa verið rætt um framtíðar-
skipulag hans en raun er á. —
Eftir hljóðleikanum að dæma,
sem verið hefir um þetta mál,
mætti virðast að flestum væri
sama um allar ákvarðanir því
viðvíkjandi og engu máli skifti
um framkvæmdirnar.
Hverju tjóni þetta sinnuleysi
hefir valdið bæjarfélaginu verð-
ur ekki með tölum talið, og
afleiðingar þess er ómögulegt að
reikna, svo nærri fari réttmæti.
Víst er það, að komandi kyn-
slóðir munu lengi búa að skamm-
sýni og fyrirhyggjuleysi þeirra,
sem ráðið hafa til lykta ýmsum
stærstu málum þessa bæjar og
gert það á hinn óheppilegasta
hátt.
Einstaka maður hefir samt
horft lengra fram en á líðandi
stund, og bent á ýms atriði til
umbóta, sem sjálfsagt hefði verið
að taka til greina áf þeim
mönnum, sem hér ráða mestu
um framkvæmdir bæjarmálanna.
En reynslan hefir sýnt, að þeir
sem vegna tilviljunar, en ekki
eigin verðleika hafa skipað
hér þær tignarstöður sem til eru,
hafa ekki verið þeir menn, að
taka tillit til bendinga annara,
hvað þá að þeir hafi tekið þær
svo til greina, að þeirra gætti í
framkvæmd málanna.
Afleiðingar þeirra óheppilegu
ráðstafana, sem hér hafa verið
framkvæmdar vegna skamm-
sýnis og skilningsskorts vald-
hafanna, munu lengi verða
Reykvíkingum erfiðar viðfangs
og tefja mjög fyrir eðlilegum og
nauðsynlegum umbótum.
Nú má ekki lengur dragast,
að hafin verði sú sókn, sem
dugar til betra viðhorfs en verið
hefir, um skipulag bæjarins og
allar framkvæmdir því viðvíkj-
andi. — Þeirri sókn verður að
fylgja fast eftir og linna ekki
fyr en samkomulag er fengið
um meginatriðin i framkvæmd
bæjarmálanna og full vissa um
ákveðnar úrlausuir.
— Skal nú vikið að einstök-
um atriðum sem nauðsynlegast
er að taka til glöggrar athugun-
ar þegar umbygging bæjarins
verður hafin. Mun þar reynt að
taka meira tillit til hagkvæmni
og batnandi útlits en virzt hefir
að þeir hafi gert sem hér hafa
mestu ráðið hingað til.
Mönnum þarf að vera það
ljóst að Reykjavík — sem höf-
uðborg íslands — á að standa
lengur en meðan sú kynslóð er
upp, sem nú lifir. Er því mjög
áríðandi að taka sem mest tillit
lil framtímans og reyna að búa
sem bezt í haginn fyrir eftirkom-
anda vora, í stað þess að gera
þeim alt til ógagns og erfiðleika.
-m. -n.