Búnaðarrit - 01.08.1915, Blaðsíða 50

208
BÚNAÐARRIT
nicnn óviðbúna. Og svo má gæta þess, að engin 32 ár
munu hafa liðið svo, að iandsmenn hafi ekki mörgum
sinnum orðið fyrir minni háttar tjóni af heyskorti hér
og þar á iandinu, og stundum á stórum svæðum. En
slíkt gæti ekki komið fyrir, ef á hverju hausti væri bú-
ist við verstu harðindum, og sett á eftir því.
Eg ætla svo að enda þennan kafla með því að til-
færa hér nokkuð af ummælum Guðmundar landlæknis
Björnssonar um harðindin 1881—'881). Guðmundur
segir, að eg hafl metið alt tjónið af þessum harðindum
á 8 miljónir króna. Þykir honum það of lágt mat, og
segir að þroskahnekkirinn, sem þjóðin hafl beðið af
harðindunum, sé fráleitt of hátt metinn á 20 miljónir
króna. Eg er G. B. fullkomlega samdóma um þetta,
og munurinn á milli okkar kemur einkum af því, að eg
lagði ekki annað tjón í krónur en það, sem teija mátti
saman eftir landshagsskýrslunum að orðið hefði á sauðfé
og hrossum. Það er víst alveg óhætt að fullyrða, að
alt tjónið, sem þjóðin hafði af harðindunum 1881—
’88, liaii verið 20 miljónir króna eða meira.
Svo segir G. B. ennfremur: „Þess ber nú vel að
gæta, að árferðið í síðustu harðindunum var aldrei eins
og það getur verst orðið. Það komu t. d. háskalegri
ár 1688—1700, 1751—58 og 1779—1785. Háskinn
getur því orðið miklum mun meiri í næstu harð- •
indum en hann var 1881—’88, og það því fremur sem
við erum að mörgu leyti ver viðbúnir, haustbirgðir
bænda og kaupmanna miklu minni, og þurrabúðarmenn
á Norðurlandi margfalt fleiri en þá gerðust".
Þessi viturlegu ummæli G. B. ættu allir að festa í
minni, og ekki sízt þingmenn okkar. Það er mjög komið
undir tillögum þingmanna framvegis, hve mörg ár enn
þá þjóðin á að halda áfram gamla heyásetningslaginu,
og hvort hún á að bíða aðgerðalaus eftir því, að fá aftur
r) Næstu harðindin, bis. 48.