Búnaðarrit - 01.01.1917, Síða 65
BÚNAÐARRIT
59
Y. Félagsskapur og samtök rarpkænda.
Um 1880 var stofnað félag á Breiðafirði fyrir forgöngu
Péturs Eggerz í Akureyjnm, sem hafði mjög mikinn á-
huga á efling æðarvarpsræktarinnar. Félag þetta hét
Æðarvarpsræktarfélag Breiðafjarðar og Strandasýslu.
Tilgangur þess var einkum að koma á lögbundnum sam-
tökum meðal varpbænda til þess að eyða flugvargi, einkum
svartbaki, sem lengi hafði verið þar einn skæðasti óvinur
æðarvarpsins. Félagið hafði sjóð af tillögum félagsmanna,
er verja skyldi til verðlauna fyrir eyðing flugvargsíns.
Fyrir forgöngu félags þessa var sýslunefndum Dala,
Barðastrandar og Stranda sýslna með lögum 8. júní 1886
veitt heimild til að taka alt að 10000 kr. lán úr við-
lagasjóði til eflingar æðarvarpsræktar. Með lögum 4. des.
s. á. var sú breyting á ger, að amtsráði Vesturamtsins
var veitt lánið. Lán þetta var veitt til 28 ára, og var
því jafnað niður á varpjarðir á Breiðaflrði og Strandaflóa.
Fé þetta dugði þó ekki, og veitti alþingi 1891 heimild
til nýrrar lántöku, 5000 kr., í sama augnamiði. Var fé
þessu einnig eytt, og um sama leyti og það var búið
eða litlu síðar, dó þessi félagsstofnun út. Sjálfsagt heflr
nokkuð áunnist í svip til eyðingar flugvarginum með
þessu fé, en miklu minna en forgöngumenn félagsins
höfðu gert sér vonir um. En víst er um það, að til-
gangurinn náðist ekki, flugvargurinn lifði góðu lífl eftir
sem áður, enda höfðu sumir eigendur svartbaksvarpanna
á Breiðafirði lagst á móti þessum félagsskap. Árangurinn
varð því lítill annar en sá, að varpbændur á þessu svæði
urðu að greiða skatt af hverju dúnpundi til vaxta og
endurgreiðslu lánsins í 28 ár.
Æðarvarpsræktarfélagið mun vera sá eini félagsskapur
meðal varpeigenda til eflingar æðarvarpinu, að undan-
teknum samtökum varpbænda í stöku héruðum til að
eyða vargi, sem flest hafa staðið örskamma stund.