Búnaðarrit - 01.01.1917, Blaðsíða 75
BÚNAÐARRIT
69
V. Meðalkýrnar í fjórðnngnnnm.
(Sjá skýrslu B).
Þegar árferðið er tekið til greina, sést að meðalkýrin
í fjórðungi hverjum heflr farið batnandi ár frá ári, og
sama er að segja um lands-meðalkúna. Sérstaklega er
betta greinilegt með feitimagnið, sem altaf er að hækka.
Á þessari skýrslu er:
1. Dálkur yfir ártal.
2. Dálkur yfir landsfjórðung.
3. Dálkur, er sýnir tölu bænda í félögunum í fjórð-
ungi hverjum það ár, sem stendur í fremsta dálki á
sömu línu.
4. Dálkur, er sýnir fjölda félaga í fjórðungi hverjum
sama ár.
5. Dálkur, er sýnir nythæð meðalkýrinnar í fjórðungi
hverjum. Hún er fundin með því að leggja saman nyt-
hæð allra kúa í fjórðungi hverjum og deila í summuna
með fjölda kúnna (fjölda talnanna, sem saman eru lagðar).
Allur fjöldinn af eftirlitsmönnunum finnur meðalkúna
í félagi sínu rangt. Þeir finna t. d. nythæð meðalkýr-
innar þannig: Leggja saman meðalnyt frá hverjum bæ
og deila síðan í summuna með tölu bæjanna. í stað
þessa eiga þeir að leggja saman mjólkurmagnið, sem
allar fullmjólkandi kýr í félaginu hafa mjólkað, og deila
í þá summu, er þeir þá fá, með fjölda kúnna. Á tilsvar-
andi hátt á að finna meðalfeiti, meðaltöðu o. s. frv.
Af þessu leiðir það, að margfalt meiri vinna er við að
leiðrétta þessar skýrslur en þyrfti að vera. Eftirlitsmenn-
irnir þurfa því að laga þetta.
Eins má ekki taka kvígur að fyrsta kálfi, eða kýr,
sem að eins mjólka hluta af árinu, til greina, þegar
rneðaltöl fullmjólkandi kúa eru reiknuð út, en það er
lika nokkuð, sem margir eftirlitsmennirnir gleyma. Ekki
fullmjólkandi kýr eiga aö fœrast sér á skýrslu.