Búnaðarrit - 01.01.1917, Blaðsíða 124

118
BUN4ÐARRIT
af duftinu og hræra það út í 20 lítra af vatni“. í þess-
um reglum er talað um að hafa þvælið í pottinum 20—
30 mínútur. Þessar leiðbeiningar hafa nú verið sendar
út um alt land. Hitinn í pottinum á að vera nálægt
60° C., og ekki heitara en það, að kvenfólkið — sem
þolir betur heitt vatn á hendurnar en karlmenn — þoli
að eins að vera með hendurnar niðri í pottinum. Mörg-
um konum — sem vilja vanda ullarþvottinn — tekst
það mjög vel, enda þótt þær fylgi ekki allar sömu reglum
við þvottinn. í vor sem leið sá eg nýþvegna og þurkaða
ull hjá Þórunni Richardsdóttur í Höfn. Yar sú ull al-
þvegin, þannig að hún var vel tæk tii tóvinnu í verk-
smiðju án þess að þvo hana betur. Frú Þórunn kvaðst
þvo ullina þannig, að í pottinum hefði hún um 2/s keytu
og 8/5 vatns og auk þess ögn af ullarþvottasóda eða
sem svaraði 9 lóðum í 4 fötur í blöndunni í pottinum.
Hitann í pottinum kvaðst hún hafa þannig, að hún að
eins þyldi að vera niðri í honum með hendurnar — en
það eru sennilega rúmar 50° C.
Einnig hefl eg séð mjög vel þvegna ull hjá húsfrú Sigur-
laugu Jónsdótt.ur á Glerá við Eyjafjörð. Hún kveðst oft þvo
ullina þannig, að hafa 1 pd. sóda, 1 pd. sápu og V2 pd.
„lcvillayabörlc* á hver 40 pd. ullar. Börkinn kvaðst hún
sjóða í 15 mínútur áður og nota seyðið af honum.
Stundum kvaðst hún hafa vanalegan keytuþvott, en hitt
væri betra. Hitann í pottinum kvaðst hún hafa 50—55° C.
Sé hitinn hafður of mikill, eða alt að suðuhita, getur ullin
skemst mikið — tapað styrkleika — og verður þá létt.
Eg hefi séð alþvegna ull hjá dönskum bændum, og
kváðust þeir hafa þessa aðferð: I 10—15 potta af vatni
er haft 1 kg. af soda; í þessari blöndu er ullin látin
liggja í stórum stömpum nokkrar klukkustundir og síðan
skoluð í hreinu volgu vatni. í sódavatninu er hitinn
haíður um 55° C. Sumstaðar í Danmörku er ullin þvegin
í sápnvatni á fénu skömmu fyrir rúningu.