Búnaðarrit - 01.01.1917, Blaðsíða 140
134
BÚNAÐARRIT
dugnaðarmaður til laDds og sjávar, reist veglegt stein-
steypuhús, tvilyft, 11X8 metra að stærð. Húsfreyjan á
Dröngum, Anna Jakobína Eiríksdóttir, heíir einnig komið
upp, með aðstoð sona sinna, vönduðu íbúðarhúsi úr steini,
9x6x/2 m. að stærð.
Þótt Árneshreppur sé afskektur, og erfitt þar um allar
samgöngur, og sumir telji hann með Hornströndum, þá
verður þess þó enginn var, sem ferðast þar um, að þar
sé lakar ástatt um manndóm og menningu, en gerist og
gengur í öðrum sveitum. Fólkið er þar yfir höfuð, eins
og í allri Strandasýslu, serstaklega gott, gestrisið og
viðkunnanlegt. Þrifnaður er þar alment í góðu lagi, og
sum heimilin eru á borð við beztu heimili í öðrum hér-
uðum landsins.
II. Jarðræktin.
Búnaðarfélög eru 6 í sýslunni, en hrepparnir eru 7.
Eitt búnaðarfélagið tekur yfir 2 hreppa. í öllum félög-
unum er unnið nokkuð flest árin að jarðabótum, en þó
einna mest í Bæjarhreppsfélaginu. Jarðabæturnar eru
aðallega túnasiéttur, túngræðsla og girðingar um tún og
nátthaga. Áburðarhúsi og for hefir verið komið upp á
mörgum bæjum í Bæjar hreppi og Kirkjubóls. í þeim
fyrtalda eru áburðarhús á 10 bæjum, á 8 eða 9 bæjum
í þeim síðarnefnda, og auk þess steyptar forir á 4
heimilum.
Tún eru víða girt í sýslunni. Frá botni Steingríms-
fjarðar, að Staðardalnum þó sleptum, og inn í Hrúta-
fjarðarbotn — en það er allur syðri hluti sýslunnar, 4*/«
hreppur — eru tún að eins ógirt á 3 bæjum. Það sem
einkennir túngirðingar Strandamanna er það tvent, að
meira er þar um grjótgarða en gerist annarsstaðar, og
að þar sem gaddavír er notaður er nálega alstaðar lilaðið
undir vírinn, annaðhvort með grjóti eða torfi. Girðing-
arnar að öðru leyti víða vel gerðar. Túnin þar eru óð-