Búnaðarrit - 01.06.1917, Blaðsíða 15
BÚNAÐARRIT
173
Annars má svo að orði kveða, að efnahagur flestra
búanna sé sæmilegur, og sumra þeirra alveg ágætur,
«ins og skýrslan hér á eftir ber með sér. Sum búin eiga,
auk skálans og áhaldanna, mjög álitlegan varasjóð.
Baugsstaða-smjörbúið er þar efst á blaði, með yfir
2000 kr. varasjóð. Þar næst er Hróarslækjar-smjörbúið
og Hvítárvalla, með á annað þúsund króna varasjóð,
o. s. frv.
Baugsstaðabúið á einnig mestar eignir skuldlausar, og
Hróarslækjarbúið er þar næst,. Þá er Deildárbúið og
Sandvikurbúið, með um 3000 kr. eign, og Fljótshlíðar-
búið þar nálægt. Þar næst er Hvitárvallabúið, svo
Svarfdæla o. s. frv.
Það skiftir miklu, hvernig búunum er stjórnað, eins og
gefur að skilja. Og það er engum vafa undirorpið, að
þessi bú, sem bezt eru efnalega á vegi stödd, eiga það
formönnunum að þakka, hvað efnahagur þeirra er góður.
Sum þessara smjörbúa, og enn fleiri, eiga einnig því
iáni að fagna, að hafa ekki skift um formenn, og notíð
þeirra krafta frá byrjun. Þegar formennirnir reynast vel
og láta sér ant um hag búsins, þá væri það líka frá-
leitur barnaskapur að skifta um, ef þeir annars eru fáan-
legir til þess að hafa þennan starfa á hendi. Ef valið á
nýjum formanni tækist miður vel, gæti það haft slæm
áhrif á vöxt og viðgang búsins og hnekt starfsemi
þess. — Bústýrurnar eiga einnig sinn þátt í því, hvernig
smjörbúunum vegnar. Þess vegna hefir það mikla þýðingu,
að þær reynist starfi sínu vaxnar.
Um fjárhagsástæður þeirra smjörbúa, er lagst hafa
niður, er mér ekki vel kunnugt. Þó veit eg það, að
sum þeirra voru allmikið skuldug, er þau lögðust niður.
Sennilega hafa skuldirnar, aðrar en það, sem eftir stóð
af viðlagasjóðslánum þeirra, verið greiddar um leið
eða eftir að búin „voru tekin til skiftameðferðar“,
og eignum þeirra komið í peninga, eftir því sem varð.
En um viðlagasjóðslánin er það að segja, að meira