Búnaðarrit - 01.06.1917, Blaðsíða 21
BÚNAÐARRIT
179
vatn er jafnvel betra en nokkurt annað vatn til
notkunar við smjörgerðina.
6. Að eldfærin séu góð. Bezt er að nota „uppmúraðan"
pott. Reykjarsvæla er mjög skaðleg smjörgerðinni.
7. Að rjómapóstarnir, misjafnlega til reika, séu ekki
iátnir vaða inn um allan skála, því að slíkt veidur
óþrifum í skálanum, spillir ef til vill smjörgerðinni
og eykur ræstingarstarfið.
8. Að rjóminn frá hverju heimili sé nákvæmlega at-
hugaður með því að lykta af honum, skoða hann
og bragða á honum. Slæman rjóma á að senda
heim aftur.
9. Að öllum ílátum og áhöldum búsins sé haldið vel
við, og að þau séu þvegin vandlega eða ræst að
loknum búverkum. Þegar áhöldin fara að slitna og
ganga úr sér, og rjómabrúsarnir að ryðga, verður
að skifta um og fá nýtt í staðinn.
10. Að gætt sé allrar hirðusemi og reglu í störfum
búsins, og að áhöld þess og aðrir munir fari ekki
forgörðum fyrir hirðuleysi og trassaskap. Hver hlutur
á að vera á sínum stað, og staður fyrir hvern hlut.
Þetta veit eg nú að allir þykjast vita, og víst er um
það, að sumir formenn búanna og sumar bústýrurnar
gera skyldu sína í þessu efni. Það er ekki nema rétt
og sjálfsagt að kannast við það. En sumstaðar er „pottur
brotinn" í þessu efni; þvi er ekki að leyna. Hins vegar
vænti eg þess, að reynt verði að bæta úr göllunum, hvar
sem þeir eru, og eftir því sem hægt er. Þá er strax
mikið unnið. Og batnandi er manni bezt að lifa.
Sigurður Sigurðsson.
12*