Búnaðarrit - 01.01.1923, Blaðsíða 26
10
JBÚNAÐARRIT
þessar eru taldar 180.000 ha. að stærð, en það er 25°/o
af flatarmáli hjeraðsins. Það er sagt að um 1784 hafi
verið nær 200 býli á mýrum þessum. Þau höfðu verið
reist án tilhlutunar hins opinbera. Um miðja 18. öld
setti stjórnin í Hannover nefnd, til að rannsaka mögu-
leika fyrir ræktun og búsetu á mýrunum. Nefnd þessi
starfaði lengi. Árangurinn af starfl hennar varð sá, að
menn lærðu smátt og smátt, hvernig fara ætti að, til
þess að koma mýrunum í rækt. Nefndin hafði fundi og
ferðaðist um mýrarnar árlega. í nefnd þessari var ætíð
einn þingmaður, sem svo bar tillögur nefndarinnar fyrir
þing og stjórn. Sá hjet Findorfs, er aðallega stóð fyrir
mýraræktinni, en hann vann að henni nær 40 ár. Þjóð-
verjar kalla hann: „Vater aller Moorbauern, der freund
aller, die ihn kannten" (Föður mýrabændanna og vin
allra, sem þektu hann).
Á mýrunum risu nú upp þorp, í hverju þeirra voru
um 40 bæir. í hverju þorpi var landareign bæjanna jafn
stór, þetta frá 7xh—15 ha. að stærð. Árið 1834 var
tala mýraþorpanna 90, í þeim voru 1834 býli með 12.000
íbúa.
Eftir 1830 verður hvild í nýbýlastofnun, þar til í lok
19. aldar, að aftur fer að lifna á því sviði. Enda var þá
afstaðan önnur. Þekking á mýrarækt hafði aukist, og því
auðveldara við það að fást. Um miðbik 19. aldarinnar
voru grafnir nokkrir skipaskurðir í mýraflóana milli
Weser og Elben. Þessir skurðir voru einnig notaðir sem
aðal-framræsluskurðir mýranna. Um sama leyti var farið
að nota tilbúinn áburð; en þá var rutt úr vegi þeim
erfileika, sem mestur haíði verið við mýraræktina —
áburðarskortinum. Grasræktin á mýrunum tók nú að
aukast. Grasið spratt vel að eins með fosforsýru og kalí-
áburði. í akurlandiö var þá notaður búpeningsáburður.
Um 1876 var sett á laggirnar einskonar miðstjórnar-
nefnd fyrir alla mýrarækt í Þýskalandi, og ári síðar var
mýraræktarstöðin í Bremen stofnuð. Mýraræktarstöðin í