Búnaðarrit - 01.01.1923, Blaðsíða 29
BÚNAÐARRIT
13
framlögum, en það heflr sjeð um fyrirkomulag og fram-
kvæmd verksins.
Til jarðyrkjutilrauna verja Danir nú miklu fje, eða
um 1,8 milj. króna árlega, enda eru tilraunastöðvar
þeirra margar og stórar. Á fjárlögum 1922—’23 ætla
þeir 4,8 milj. króna til jarðræktar, þar af V2 milj. til
saudgræðslu og nær 1 milj. til skóggræðslu, hitt ætla
þeir að mestu til áburðarkaupa við nýyrkju.
„yil(linOsen“. Á Norður-Jótlandi er mýravflói einn,
sem í ómunatíð heflr legið ónotaður. Flóinn heitir „Vild-
mosen“. Hann er 100 km2 á stærð. Árið 1920 skipaði
danska stjórnin nefnd til að rannsaka og koma með til-
lögur um, á hvern hátt hann yrði best hagnýttur,
t. d. mór og ræktunarmöguleikar 0. s. frv. Síðan nefndin
var sett á stofn, hefir hún unnið ósleitilega að þessum
rannsóknum, og starfar að þeim enn. Það er þegar búið
að ræsa mikið af flóanum. Móverksmiðja er komin
þar á fót, og 2800 ha. er verið að undirbúa til rækt-
unar. Þeir eru unnir með „þúfnabana". Á þessu svæði
er ráðgert að reisa nýbýli. Alt er þetta gert á kostnað
ríkisins.
Það yrði of iangt mál að telja upp alt, sem Danir
hafa gert til eflingar búnaði sínum, vjer látum þessar
almennu athugasemdir nægja, en snúum oss nú að
nýbýlamálinu.
Nýbýli. Nýbýlum (Husmandsbrug) hefir fjölgað mjög
i Danmörku siðan 1899, en þá voru gefln út lög um
stofnun þessara nýbýla, sem síðan hafa verið endur-
skoðuð á 5 ára fresti.
Lög um „Oprettelse af Husmandsbrug“ eru til frá:
24. mars 1899, 22. apríl 1904, 30. apríl 1999, 22. júní
1912, 13. júní 1914, 14. april 1920 og 6. maí 1921.
Aðalefni nýbýla-laganna er:
1. Sjerstakri nefnd í hverju amti er falið að sjá um
eftirlit og framkvæmd laganna.