Nýja stúdentablaðið - 01.10.1957, Side 4

4
NÝJA STÚDENTABLAÐIÐ
l
Um
heimsmeistaramót
stúdenta í skák
Eins og kunnugt er, fór IV. Heims-
meistaramót stúdenta í skák fram
hér í Reykjavík, dagana 11.—26. júlí
s.l. Var mótið vel undirbúið og var
framkvæmd þess okkur íslendingum
til hins mesta sóma.
Að undanförnu hefur þess nokkuð
gætt að Vökumenn hafa viljað eigna
sér heiðurinn af því að mótið var
haldið hérlendis. Þess vegna er á-
stæða til að rekja hér lítillega for-
sögu málsins.
Það var í maímánuði 1955, sem
fyrst kom til tals að halda mótið hér-
lendis. Varpaði Jón Böðvarsson þess-
ari hugmynd fram í viðtali við full-
trúa I.U.S., Danielsen og Chandra,
sem hér voru þeirra erinda að ganga
frá aðild stúdentaráðs að I.U.S.
Voru upphaflega taldar litlar líkur
til að úr þessu gæti orðið sökum þess,
hversu kostnaðarsamt það yrði. Var
bent á að mjög fá stúdentasamtök í
Evrópu hefðu efni á að senda skák-
sveitir hingað, enda leiddu athuganir
í ljós að ekki fengist samþykkt fyrir
þessu, nema því aðeins að íslenzkir
aðilar greiddu mestan hluta ferða-
kostnaðar frá meginlandinu til Is-
lands og aftur til meginlandshafnar.
Stúdentaráð fól Jóni Böðvarssyni
að athuga, hvort nokkur tök væru
á að afla nægilegs fjár til þess að
unnt væri að ráðast í að halda mótið.
Tókst að fá vilyrði fyrir fjárstyrkj-
um frá ríkisstjórn og bæjarstjórn
Reykjavíkur og eftir ýtarlegar um-
ræður samþykkti stúdentaráð að
senda tilboð um að halda III. Heims-
meistaramót stúdenta í skák í
Reykjavík 1956 og kaus þriggja
þriggja manna undirbúningsnefnd. I
henni áttu sæti: Jón Böðvarsson,
form., Axel Einarsson og Björgvin
Vilmundarson.
Nefnd þessi sneri sér þegar til
I.U.S., en fékk þau svör, að FIDE
(Alþjóðaskáksambandið) hefði þeg-
ar ákveðið að taka boði Svía um að
halda mótið í Uppsölum. Hins vegar
kvaðst I.U.S. mundu beita sér fyrir
því að íslendingar fengju að halda
mótið 1957 ef þeir óskuðu og buðu
stúdentaráði að senda mann á sinn
kostnað til Uppsala til samninga um
þetta mál. Þessu boði var tekið og
varð að ráði að senda Jón Böðvars-
son.
I Uppsölum kom í ljós að þeir að-
ilar, sem skipuleggja þessi mót, Al-
þjóðaskáksambandið og IUS höfðu
vantrú á því að íslenzku stúdenta-
samtökin hefðu bolmagn til að taka
á sig þær fjárhagslegu skuldbinding-
ar, sem nauðsynlegar voru og settu
það skilyrði að Skáksamband íslands
yrði formlega sá aðili, sem fram-
kvæmd mótsins hvíldi á. 1 Uppsöl-
var gerður bráðabirgasamningur,
þar sem áveðið var:
1. að mótið skyldi haldið í júlímán-
uði 1957,
2. að fulltrúar frá FIDE og IUS
skyldu koma til Islands í október
1956 og skyldu þá teknar endan-
legar ákvarðanir í málinu.
Sumarið 1956 var að frumkvæði
stúdentaráðs sett á laggirnar 7
manna undirbúningsnefnd til að sjá
um framkvæmd mótsins. Áttu þar
sæti 2 fulltrúar frá stúdentaráði,
tveir frá Skáksambandi íslands, en
einn frá hverjum þessara aðila: Há-
skólaráði, ríkisstjórn íslands og bæj-
arstjórn Reykjavíkur.
Eftir stofnun þessarar nefndar
hafði stúdentaráð ekki lengur með
höndum undirbúning mótsins.
I október komu hingað til lands
þeir Jaroslav Saitar, varaforseti
FIDE og Kurt Vogel, fulltrúi IUS og
sömdu við áðurgreinda nefnd um
framkvæmd mótsins. Gengu samn-
ingar greiðlega, þegar búið var að
tryggja stuðning opinberra aðila. —
Fulltrúar stúdentaráðs í þessari
nefnd voru Jón Böðvarsson og Bjarni
Felixson.
Þannig var framgangur þessa máls
þegar tryggður, er Vaka náði meiri-
hlutaaðstöðu í stúdentaráði á síðasta
hausti.
Núverandi stúdentaráð hafði þau
ein afskipti af undirbúningi mótsins,
að staðfesta kosningu Jóns Böðvars-
sonar og Bjarna Felixsonar í fram-
kvæmdanefndina og að lána nefndinni
kr. 5000,00.
Framan af vetri var lítið aðhafzt,
en þegar undirbúningsstörf hófust
fyrir alvöru hætti fulltrúi Vöku-
manna öllum störfum og lét ekki sjá
sig á fundum nefndarinnar. Urðu
Vökumenn loks að skipta um mann
í nefndinni. Störf framkvæmdanefnd-
ar voru ólaunuð.
Hins ber að geta að Vökumenn
höfðu á boðstólum bæði mikið lið og
frítt, þegar að því kom að ráða þurfti
launaða starfsmenn til mótsins.
Stóðu þeir sig vel í ýmsum störfum
og áttu sinn góða þátt í því hve mótið
fór vel fram.
En aðalatriði í málinu eru þessi:
1. Fulltrúi Félags róttækra í stúd-
entaráði flutti tillöguna um að
mótið skyldi haldið hérlendis.
2. Sami fulltrúi vann einn að því að
FIDE og IUS samþykktu að
Heimsmeistaramót stúdenta í
skák skyldi haldið í Reykjavík.
3. Sami fulltrúi tryggði fjárhagsleg-
an styrk opinberra aðila til móts-
ins, kr. 40 þús frá ríkissjóði og kr.
20 þús. frá bæjarstjórn Reykja-
víkur.
4. Sami fulltrúi vann að stofnun
framkvæmdanefndar, sem tók við
undirbúningi mótsins af stúd-
endaráði.
Af þessu er Ijóst að það er fyrst og
fremst Félagi róttækra stúdenta að
þakka, að á) siðastliðnu sumri fór
fram í Reykjavík fyrsta alþjóðlega
stúdentamótið og fyrsta alþjóðlega
skákmótið sem hér hefur farið fram.
HEIMDALLUR EÐA VAKA?
Vökupiltarnir hafa löngum reynt að
draga gæru yfir úlfsásjónu sína, en nú
bregður svo við, að Heimdellingar skipa
flest sæti listans. Stendur þetta í nokkru
sambandi við „hörkuna“ í stjórnarand-
stöðinni?