Nýja stúdentablaðið - 01.10.1957, Blaðsíða 7
NÝJA STÚDENTABLAÐIÐ
7
Verkin tala
Á þingi Cosec í september s.l. mættu sem fulltrúar S.H.Í.
þeir Benedikt Blöndal og Kristján Baldvinsson. Var þessi
ferð Kristjáns það eina, sem frjálslyndir stúdentar lögðu
að mörkum til starfsemi stúdentaráðs s.l. ár. Áttu þeir þó
kost á því, að taka sæti í stúdentaráði og koma áhugamál-
um sínum í framkvæmd, hvenær sem einhver fulltrúi vinstri
félaganna forfallaðist. En þegar til kom virtust frjálslyndir
engin áhugamál hafa og mættu ekki á fundi í ráðinu allan
veturinn.
Eitt aðalerindi fyrrnefndra fulltrúa á þing Cosec var að
skýra frá úrsögn S.H.Í. úr I.U.S. En svo hrapallega tókst til,
að þrátt fyrir ítrekaðar tilraunir, fengu þeir aldrei áheyrn
og tókst því ekki að koma tilkynningu um þetta á framfæri.
Engu að síður virðist þingið hafa fjallað um ýmis merk mál.
T. d. hefur Benedikt skýrt svo frá, að í nefnd einni hafi
verið rifizt í fjóra klukkutíma um það, hvort gera ætti
spænska þýðingu á leiðarvísi um alþjóðlega stúdentagarða!
Benedikt kvað þá félaga hafa verið algjörlega sammála
um afstöðu til mála á þinginu, enda hafa íhald og Fram-
sókn löngum getað unnið saman. Þó taldi hann, að Kristján
hefði verið „meiri Bretavinur“.
Báðir greiddu þeir félagar atkvæði gegn danskri tillögu
þess efnis, að Cosec sendi stúdentasendinefnd til Austur-
Evrópu til að kynna sé aðbúð stúdenta þar. Verður því
ekki sagt að þeir hafi farið erindisleysu!
Um aðild H.S.Í. að Cosec er það annars bezt að segja, að
stúdentaráð hefur enn ekki hirt um að útvega svonefnd
International identification cards, sem veita stúdentum
margvísleg fríðindi erlendis. Árgjöld til Cosec hefur S.H.Í.
ekki greitt í þrjú s.l. ár, en þar er þó sú bót í máli, að sam-
bandið nýtur fjárhagslegs stuðnings Rockefeller & Ford
foundation og fer því vonandi ekki á hausinn þrátt fyrir
vangoldnar skuldir uppi á íslandi.
Útgáfustarfsemi Vökumeirililutans.
í marzmánuði síðastliðnum var samþykkt í stúdentaráði
tillaga frá meirihlutanum um að hefja útgáfu Stúdenta-
blaðsins og skyldi blaðið einkum flytja bókmenntalegt efni,
fréttir frá stúdentaráði o. fl. í ávarpi sínu í I. tbl. segir
ritstjórinn Magnús Þórðarson: „Blaðið verður að byggjast
á því, sem við eigum sameiginlegt, ekki því, sem illu heilli
klýfur okkur í fjandsamlegar fylkingar11 og nokkru síðar
„ — en stjórnmáladeilum vildi ég reyna að stýra framhjá
9túdentablaðinu.“ Eru þetta eðlilegar yfirlýsingar, því
blaðið er kostað af fé stúdenta og því alls ekki til þess
ætlazt að það sé notað í pólitísku augnamiði fyrir meiri-
hlutann hverju sinni. En hvernig urðu efnir þessara frómu
loforða?
Næstum helmingur 1. tbl. er greinagerðir vegna úr-
sagnar Stúdentaráðs úr I.U.S. og löng athugasemd frá for-
manni stúdentaráðs við greinagerðir minnihlutans. Eru
greinagerðirnar með smáu letri en athugasemdin með stóru.
Er engin furða að ritstjórinn skuli kvarta yfir tregri sölu
í næsta tbl. og talar hann þar um „hina örfáu stúdenta sem
tímdu að kaupa síðasta blað.“
Enda þótt gjaldkeri ráðsins kvartaði stöðugt um slæman
fjárhag og áhugaleysi ríkissjóðs fyrir fjárþörf stúdenta-
ráðs virtist nú ekki skorta fé til stórræðanna og hiklaust
gefið út annað tölublað. Hefst það á frétt um álit danskra
stúdenta á forráðamönnum austurevrópskra stúdenta. Margt
fleira fróðlegt og skemmtilegt er í ritinu t. d. árás á nýju
fræðslulöggjöfina eftir Sverri Bergmann annan mann á
lista frjálslyndra og svífúr andi Jónasar frá Hriflu þar yfir
vötnunum. Einnig er í blaðinu athugasemd við athugasemd
í síðasta tbl. og athugasemd við þá athugasemd eftir rit-
stjórann, sem hafði byrjað með því að frábiðja sér allt
pólitískt þras. Tvær greinar í þessu tölublaði eru svar-
greinar við ýmsum skætingi sem birzt hafði í kratablaðinu
nokkru áður.
Þótti nú nóg komið af svo góðu og margt þarfara við fé
stúdenta að gera en eyða því í áróðurskrif fyrir Vöku og
báru fulltrúar róttækra fram tillögu um að hætta þessari
útgáfustarfsemi og var fallizt á það. Ekki var meirihlutinn
þó af baki dottinn og samþykkti nokkru síðar að gefa út
,,hátíðablað“ 17. júní. Aðalgreinin í því blaði er viðtal við
ungverska stúdenta og er það vafalaust skýringin á því
að fé skyldi hent í þetta fyrirtæki, en blaðið seldist mjög
illa, sem hin fyrri og varð einnig mikið tap af því.
„Ég skal gefa tíkall“.
í umræðum um happdrætti í stúdentaráði kom í ljós að
ágóðann skyldi nota til að greiða skuldir garðanna, en fyrr
en að það hefur verið gert mun ekki grundvöllur fyrir
byggingu hjónagarðs. Fulltrúi Stúdentafélags lýðræðissinn-
aðra sósíalista var stöðugt á varðbergi með raunhæfar til-
lögur í hagsmunamálum stúdenta eins og tillaga hans um
herferðina gegn mölflugunni ber glöggt með sér. Lagði
hann fram tillögu um að stofnaður skyldi „Hjónagarðssjóð-
ur“ bara svo hann væri til „alltaf gæti safnazt í hann“
sagði fulltrúinn, „ég skal meira að segja sjálfur gefa tíkall
strax“!
Síðustu tillögurnar?
Mjög virðast kratar áhyggjufullir vegna kosninganna,
sem í hönd fara. Virðist svo sem þeir geri alls ekki ráð fyrir
að fá kosinn fulltrúa , næsta ráð a. m. k. létu þeir fulltrúa
sinn í fráfarandi stúdentaráði Unnar Stefánsson bera upp
margar tillögur í hagsmunamálum stúdenta á síðasta fundi
ráðsins s.l. sunnudag, eins og hér væri síðasta tækifæri til
að láta ljós sitt skina á þeim vettvangi. Báru tillögurnar vott
um mikla snilli og hugvit eins og sú fyrsta sem er á þessa
leið: „Stúdentaráð skorar á stjórn stúdentagarðanna og for-
ráðamenn þeirra að beita sér fyrir því að nú þegar verði
hafizt handa um að gera árangursríkar ráðstafanir til að
útrýma af görðunum möl sem mjög hefur orðið vart við að
undanförnu.“
í umræðum um tillöguna upplýsti Unnar, að ýmsir vá-
gestir hefðu herjað á Görðunum m. a. rússnesk veggjalús,
sem þó hefði tekizt að vinna bug á, en alvarlegasta hliðin
á mölmálinu væri sú að smókingar Garðbúa lægju undir
skemmdum.
r---------------- --\
Nýja stúdentablaðið
Útgefandi: Félag róttækra stúdenta
Ritstjorn: Sigurjón Jóhannsson, stud oecon. (ábm.), Guð-
mundur Guðmundsson, stud med. og Kristinn
Kristmundsson, stud. mag.
PienísmiÖja Þjóðviljans h.f.
V_______________________________________________________/