Sunna - 01.11.1932, Blaðsíða 13

S U N N A
45
Skólablöð.
Því var lofað í 1. hefti Sunnu, að birta hér Ieiðbeiningu
um blaðaútgáfu skólabarna. Nú koma efndirnar.
I öllum skólum geta börnin gefið út handskrifuð blöð, ef
þau vilja. Bezt er þá að fá sér stóra, bundna pappírsbók,
skrifa blöðin inn í hana jafnóðum og þau koma út og Iesa
síðan upp í kennslutímum eða á skólafundum. Hvert tölublað
þarf að vera 2 eða 4 blaðsíður og nýtt tölublað að byrja á
hægri handar síðu. Nafn blaðsins er skrifað eða teiknað með
stóru fallegu letri efst á fyrstu síðu hvers tölublaðs. Ef blað-
síðurnar eru stórar, er betra að hafa lesmálið tvídálkað. Fyrir-
sagnir eru með stærra letri en meginmál og fer vel, að þær
séu undirstrikaðar. Sjálfsagt er að velja blaðinu vandvirkan
skrifara.
Efni blaðsins verða börnin auðvitað að semja sjálf, og
tjáir ekki, að það sé tekið úr bókum né öðrum prentuð-
um heimildum. Þar á við að birta vísurnar, sem þið yrkið,
sögur, sem þið skáldið, frásagnir af daglegu lífi ykkar og rit-
gerðir um áhugamál ykkar.
Bækur og blöð eru miklu fallegri og skemmtilegri, ef þau
eru með myndum. Þess vegna er sjálfsagt að reyna að hafa
myndir í skólablaðinu ykkar. Þeir, sem bezt teikna, geta
teiknað einfaldar myndir inn í lesmálið. Einnig má líma ljós-
myndir inn í blaðið, og getur t. d. verið gaman, að hafa í
ferðasögu myndir úr ferðinni. Skipa þarf myndunum þannig
niður, að vel fari á blaðsíðunni, og bezt að líma þær inn,
áður en skrifað er í kring.
Ef bundin bók er ekki til að skrifa blaðið inn í, má skrifa
það á lausar arkir og festa síðan inn í lausblaðabindi. Mætti
t. d. nota til þess vinnubókapappír og bindi.
Sá mikli galli er á handskrifuðu blaði, að ekki er til af
því nema eitt eintak. Auðvitað væri miklu meira gaman, ef