Sunna - 01.11.1932, Blaðsíða 14

46
S U N N A
hver einstaklingur gæti fengið sitt eintak af skólablaðinu, haft
það heim með sér og átt það um aldur og æfi. Þetta er
vel hægt, án mikils tilkostnaðar, með því að „hektógrafera“
blaðið. Þá er það skrifað eða teiknað á hálan pappír, með
sérstöku bleki (»hektógrafbleki«). Síðan er pappírnum hvolft
á »hektógrafplötu«, letrið færist yfir á hana og má fá það af
henni á 50—60 blöð. Sæmileg »hektógraf«-tæki kosta 10—20
krónur, svo að engum skóla ætti að vera ofvaxið að eignast
þau. Sunna getur útvegað þau. Kannske þið getið líka eignazt
þau sjálf og selt svo nokkur eíntök af skólablaðinu ykkar,
til þess að fá upp í kostnaðinn?
Enn betra er að fjölrita skólablöðin. Með þeirri aðferð má
fá nokkur hundruð eintök, með skýru ritvélarletri. Hægt er
og að fjölrita teikningar. En til fjölritunar þarf ritvél og fjöl-
rita, og er hvort tveggja nokkuð dýrt, svo að skólabörn og
fátækir skólar hafa ekki ráð á að eignast þau tæki. Á ein-
staka stað er kannske hægt að fá þau lánuð, eða fá blöðin
fjölrituð og selja upp í kostnaðinn.
Sumir erlendir barnaskólar eiga sjálfir litlar prentsmiðjur
og í þeim prenta börnin skólablöðin sín og ýmislegt smávegis,
sem prenta þarf fyrir skólann. Hér á landi er engin slík
prentsmiðja til.
Sunnu langar til að frétta, hvernig blaðaútgáfan gengur hjá
ykkur. Og ósköp hefði hún mikið gaman af að fá að sjá eitt-
hvað af blöðum, sem þið gefið út. A. S.
Kvikmyndarinn: Bíddu við, svo að ljónið komist nær. Ég næ yltkur
ekki báðum.