Sunna - 01.11.1932, Blaðsíða 29

SUNNfl
61
eintak kostar fimmtíu aura og er það ekki svo mikið. Teikn-
ing er á fremstu síðu eftir Sverri Bergsson fjórtán ára, og
er hún heldur lagleg. Teikningin er af dreng, sem er á skíð-
um, og svo eru aðrir sem eru að renna sér á skautum og
er það einnig laglegt. Vísa er á fremstu síðu fyrir neðan
teikninguna, vísan er eftir Halldór Grímsson, 12 ára. Vísan
er góð, því drengurinn er svo ungur, þegar hann skáldar
hana. Saga er á bls. 19, sem heitir vorgróður og er sú saga
sögð vera eftir Sigríði Ingimarsdóttur 8 ára, Arnessýslu, ef
það er satt og telpan hefir einnig ritað söguna, er sagan
snilldarverk hjá henni. Bls. 21 er vísa með þremur erindum,
og er vísan eflir Sigríði Björnsdóttur 10 ára, R.v.k. Bls. 23
]ón Pétur á klakanum eftir Þórð ]. Pálsson 11 ára Eyrar-
bakka, það þykir mér heldur gott, því að hann er ungur, er
hann ritar söguna. í Sunnu er grein um leir, í greininni er
villa, það er okkur en á að vera oss. Eg er viss um, að ég
sendi Sunnu aldrei grein í blaðið.
Sigríður Kjaran, 8. bekk A; Miöbæjarsk. Rvíkur.
Leikir.
3. Héraleikur.
Þátttakendur þurfa að vera nokkuð margir, helzt ekki færri
en 15. Þeir skiptast í hópa og eru fjórir í hverjum, en tveir
þurfa að vera utan við, eins og síðar segir. Þrír í hverjum
hópi taka höndum saman og mynda hring, sem táknar bæli
hérans, en sá fjórði er héri og stendur inni í hringnum. Tals-
vert bil verður að vera milli »bælanna«. Annar þeirra, sem
Utan við eru, er héri, en hinn tóa. Hún eltir hérann, en hann
flýr sem fætur toga og skýzt inn í eitthvert hérabæli. Sá, sem
har er fyrir, flýr undan tóunni í næsta bæli, og svo koll af
holli. Ef tóan getur náð (klukkað) héra, skipta þau um hlutverk.
Ef tala þátttakenda er ekki hæfileg í leik þenna, eins og að
harnan er lýst, má búa til eitt eða tvö »bæli« úr fjórum mönnum.