Sunna - 01.12.1932, Blaðsíða 24

88
S U N N A
K. Nei, bað er Iangt frá því, að þetta sé mont. Við fórum
líka inn í kvikmyndahúsin, þegar börnum var bannaður að-
gangur.
S. Hvernig gátuð þið það?
K. 0, við höfðum ráð undir hverju rifi.
S. Nefndu mér eitthvað, sem fullorðna fólkið sýndi ykkur?
K. Og ekki er ég að telja það upp. Það er nóg að heyra,
að þar voru okkur kennd mörg strákapör, og þar sáum við
hvað glæpamennirnir gera og hvernig þeir haga sér. En
segðu mér, Sveinn, af hverju er fullorðna fólkið að sýna börn-
um og unglingum þetta?
S. Það er að safna peningum, og því vitlausara og ljótara
sem sýnt er, þess fleiri koma.
K. Mér finnst fullorðna fólkið vera sekara en strákarnir.
S. Það finnst mér líka. Mallgrímuv Jónsson.
íslenzk glíma.
Drengir góðir!
Öllum hraustum og lífsglöðum drengjum er í blóð borin
þörfin að hreyfa sig, takast á og tuskast, reyna krafta sína
og þol sitt. Spriklandi æskuþrótturinn og fjörið þarf útrás.
Drengir og stúlkur þurfa að hlaupa og hoppa, ólmast og
leika sér. Það er dálítill vandi að leika sér, án þess að »Iáta
illa*. Sá, sem leikur sér fallega og drengilega, nýtur trausts
og vináttu, hvar sem hann kemur. Honum fylgir gleði og gæfa.
Ég veit, að þið viljið láta gleðina og gæfuna fylgja ykkur.
Sá einn er hamingjusamur, sem er lífsglaður.
Fallegir leikir og íþróttir eiga að hjálpa ykkur til þess að
verða hraust og lífsglöð, velja góða félaga og verða drengir
góðir.
Þjóðaríþrótt íslendinga, glíman, er mjög vel fallin til þess
að glæða margar drengilegar dyggðir. En það kostar góðan
og sterkan vilja að temja sig vel.