Sunna - 01.12.1932, Blaðsíða 28

92
S U N N A
konar fíflalæti, sem ég hló að. En þannig myndir gera mann
bara að fífli. Vilhelm Kristjánsson.
5. Kvikmyndir skemma sjónina, draga frá fólki peninga og
tíma. Á þeim tíma, sem fer í kvikmyndir, gætu menn lesið
góðar bækur eða unnið eitthvað heima við. Eg er búinn að
heita því að fara ekki á kvikmyndir í bráðina, heldur safna
til jólanna, til þess að geta glatt foreldra og systkini.
Ólafur Davíð Guðmundsson.
6. Veturinn 1930 sá ég mynd, sem mér þótti ákaflega góð
og fræðandi. Var hún um villimannalíf suður í Afríku. Var
þar sýnt frá veiðiaðferðum þeirra og hvernig þeir byggðu
kofa sína. En svo eru til lélegar og spillandi myndir, til dæmis
af »litla og stóra*. Þegar strákarnir koma úr kvikmyndahúsinu,
herma þeir eftir þeim. Gunnar Hjörvar.
7. Mér þykir leitt, að af þeim mörgu kvikmyndum, sem ég
hefi séð, eru aðeins fimm fróðlegar. Hinar allar hafa verið
kjánalega dónalegar. Álit mitt er, að kreppan sé komin af
ófyrirgefanlegri eyðslu í aðeins vitleysu. Mér finnst miklu
skemmtilegri myndir, sem eru fróðlegar, ekki alltaf byssuskot,
slagur, allt eyðilagt, sem fyrir verður. Hilmar Foss.
8. Ekki ætti alveg að hætta að sýna skopmyndir, því þær
létta mann stundum upp, þegar maður er í illu skapi. En
maður verður leiður á þessum eintómu skopmyndum.
jón Jðnsson.
9. Það væri bæði gaman og fróðlegt, ef teknar væru myndir
af íslandi og Islendingum og þær sýndar hér. Svo fara líka
oft miklir peningar, þegar fólk fer í kvikmyndahús, því fólk
kaupir oft mikið sælgæti og þá flytjast miklir peningar út úr
landinu. Sighvatur Bjarnason.