Sunna - 01.01.1933, Blaðsíða 32

128
S U N N A
IV. „Unglingur“ er barnaskólablað á Akureyri. Hafa
»Sunnu« verið send nokkur blöð frá í fyrra og í vetur.
Hvert blað er 4 síður að stærð, í stóru broti, kemur út einu
sinni á hálfum mánuði og kostar 15 aura eintakið. í síðasta
tölubl. eru sögur eftir tvær stúlkur, nemendur skólans, auk
þess æfintýri, þýtt eftir eldri nemanda skólans. Þá er í
blaðinu íræðileg grein um fluglistina o. fl., skrítlur og smælki.
V. „Skóli og heimili“ er fjölritað málgagn kennarafélags
ísafjarðar. »Sunna« hefir fengið 5. og 6. tbl. I. árg., gefin út
í okt. og nóv. 1932. Hvert tbl. er 4 síður. — Blaðið flytur
ýmsar nytsamar greinar og er líklegt til þess að gera gagn,
auka skilning á skólastarfinu. — 380 börn eru nú í barna-
skóla Isafjarðar,
VI. „Þröstur“. »Sunnu« hefir einnig borizt jólablað
»Þrastar«, sem unglingafélagið »Þröstur« í Rvík gefur út.
Flytur blaðið jólasögur, þýddar og frumsamdar, þá ferðasögur
og eitt kvæði; ennfremur gátur, þrautir, skrítlur o.fl. — Blaðið
er 10 síður að stærð, með skrautlegri forsíðumynd, fjölritað.
VII. „Vorið“ er barnablað, sem prentað er og gefið út á
Akureyri. Er fyrsti árgangur þess kominn út (8 tölublöð).
Ritstjóri og útgefandi er Hannes J. Magnússon, kennari á
Akureyri. Er ritstjórinn einlægur bindindisvinur, enda leggur
»Vorið« þeim sérstakt lið, sem vilja berjast móti áfengisnautn
og tóbaksnotkun.
Desemberblað »Vorsins« getur þess, að »félag hafi verið
stofnað við barnaskóla Akureyrar, með þeim börnum, er
fullnaðarpróf tóku. Félagið hlaut nafnið Draupnir og starfar
í anda ungmennafélaganna, en hefir auk þess að höfuðverk-
efni, að hlynna að barnaskóla Akureyrar eftir megni*.
G. M. M.
Sunna kemur út mánaðarlega að vetrinum, 6 hefti á ári, 32 bls. hvert.
Árgangur kostar kr. 2,00 og greiðist fyrirfram. 50 aura heftið í lausasölu.
Ritstjórar: Aðalsieinn Sigmundsson og Gunnar M. Magnússon.
Utanáskrift: Pósthólf 406, Reykjavík.
Ríkisprentsmiöjan Gutenberg.