Sunna - 01.02.1933, Blaðsíða 30
158
S U N N A
Á skipinu leið okkur mætavel, vegna þess hve allir skips-
menn voru okkur hlynntir. Mörg okkar höfðu verið sjóveik,
en það lagaðist allt, er í land kom. Á Kópaskeri biðu okkar
þrjár bifreiðar. Áttu þær að flytja okkur að Efri-Hólum, sem
eru nokkuð í suður af Kópaskeri. Á leiðinni skemmtum við
okkur með söng o. fl. Veður var illt: rigning og þoka. Þótti
okkur verst af öllu að hafa ekkert útsýni. Á Efri-Hólum var
ungfr. Kristbjörg Jónatansdóttir, kennslukona frá Akureyri, til
að taka þar á móti okkur. Hafði faðir hennar, Jónatan Jó-
hannesson, verið okkur samferða frá Húsavík og ætlaði að
fara með til Kelduhverfis og verða þar eftir.
Á Efri-Hólum var okkur tekið ágæta vel. Þegar við vorum
búin að matast, lögðumst við til hvíldar, enda var þá liðið á
kvöldið. Sofnuðum við síðan, glöð og ánægð yfir hinum fyrsta
degi ferðarinnar. Snemma næsta morgun vöknuðum við og
klæddum okkur í snatri. Veður var hið sama og daginn áður:
norðankaldi, þoka og úrkoma. Laust fyrir hádegi stigum við
í bifreiðarnar, sem áttu að flytja okkur til Kópaskers. —
Frá Kópaskeri var lagt af stað eftir lítillar stundar bið. Síðan
fórum við í einum áfanga að Jökulsá í Axarfirði. Þar var
staðnæmzt og skoðuðum við brúna, sem okkur þótti mjög
tilkomumikil. Lítið útsýni var úr bifreiðunum á leiðinni, vegna
þokunnar, sem lá eins og meinvættur yfir láði og legi. En
þrátt fyrir það skemmtum við okkur hið bezta, en miklu meiri
skemmtun hefðum við samt haft, ef veður hefði verið gott.
Seinni hluta dags komum við að Meiðavöllum, sem eru
skammt frá Ásbyrgi. Var okkur þar tekið hið bezta og borð-
uðum við þar kvöldverð. Um kvöldið fór helmingur okkar til
Kelduness í Kelduhverfi og áttum við að vera þar um nótt-
ina. Á leiðinni til Kelduness lá vegurinn yfir djúpa gjá, sem
við veittum sérstaklega athygli. Sagði bifreiðarstjórinn að gjá
þessi héti Lambagjá og væri um 20 km. á lengd. — Morgun-
inn eftir var alveg sama veður og daginn áður, ef ekki verra,
þótt við hefðum heitið á Strandarkirkju daginn áður um gott
veður. Afráðið var að fara ekki til Ásbyrgis þenna dag, vegna
veðursins. Seinna um daginn fórum við í bifreiðunum til