Sunna - 01.02.1933, Blaðsíða 31
S U N N A
159
Víkingavatns, sem er um stundarakstur frá Keldunesi. Feng-
um við að tala heim til Akureyrar, því að á Víkingavatni er
símstöð. Síðan fórum við til Kelduness eftir litla stund. Dag-
inn eftir var veðrið orðið mun betra og þá komið sólskin.
Var nú ólíkt að litast um og daginn áður, þegar þokan
hvíldi sem farg yfir öllu. Náttúrufegurðin fannst okkur nú
mörgum sinnum meiri en áður, þegar við sáum svo lítið fyrir
þoku. Um morguninn var lagt af stað til Ásbyrgis, hins mikla
og fagra staðar, og hlökkuðum við til að sjá hina miklu nátt-
úrufegurð, sem svo mikið var látið af. En þegar við komum
til Ásbyrgis, varð sjón sögu ríkari. Hamraveggirnir háir og
hrikalegir lykja um byrgið á alla vegu, nema að norðanverðu.
Þeir lykja um byrgið í lögun eins og skeifa. Utarlega í miðju
byrginu rís Eyjan, hár og mikill klettur, sem er lág yzt, en
hækkar meir eftir því sem sunnar dregur, og er margar mann-
hæðir syðst, þar sem himinhár hamraveggurinn gengur þver-
hníptur upp úr byrginu. Fyrir innan Eyjuna er byrgið allt
vaxið skógi. Mest er þar af birki, og reyniviðartré sjást hér
og hvar á stangli. Innst inni í Ásbyrgi slógum við tjöldum
hjá litlu og fallegu vatni. Nú var farið að dimma í lofti, svo
ekki sázt til sólar. Um daginn skoðuðum við byrgið og tókum
þar margar myndir. Seinni hluta dags lögðum við af stað út
úr byrginu. Var þá kominn norðanvindur og rigning.
Gengum við nú heim að Meiðavöllum. Fórum þar í bif-
reiðarnar og síðan var okkur öllum ekið til Kelduness. Um
kvöldið lögðumst við glöð og ánægð til svefns, yfir deginum,
sem hafði haft svo margt fagurt og nýstárlegt í för með sér.
Um kl. 10 morguninn eftir lögðum við af stað til Húsavíkur.
Á leiðinni fórum við fram hjá Garði, Víkingavatni og fleiri
bæjum. Uppi á Reykjaheiði borðuðum við miðdegisverð. Síðan
urðum við að ganga yfir mestan hluta heiðarinnar, því að
vegir voru nær því engir. Höfðu bifreiðarstjórarnir aldrei
farið þarna um áður og villtust út af réttri leið. Veður var
vont, þoka og rigning.
Um kvöldið komumst við loks til Húsavíkur, eftir margra
stunda erfiða ferð. Höfðum við þá verið um 8 stundir frá