Dvöl - 31.05.1935, Blaðsíða 12
12
D V Ö L
31. maí 1935
K V E Ð J A
Þú ert allt. sem ann ég heitast,
yndi mitt og sólargleði.
Þér vil ég öllu feginn fórna,
færa allt mitt líf að veði.
Þér brenna í augum eldar vorsins.
Æ,skan hlær á þínum kinnum.
Ég bið þér heilla í bæn og söngvum
og blessa nafn þitt hundrað sinnum.
Öll mín ljóð og ástarsöngvar,
öll mín þrá og dulinn tregi
falla þér að fótum, vina,
í fögnuði á nótt og degí.
Ég dái þig í draumi og vöku,
drottning glæst í huga mínum
Ég kysi fremur en konungsríki,
koss af heitum vörum þínum.
Má ég halla höfði að barmi.
hlusta á léttan andardráttinn?
Nema yl frá ungu brjósti,
öran finna hjartasláttinn?
Má ég kyssa mjúkar varir
meðan rökkrið færist yfir,
meðan svalir sunnanvindar
signa allt á jörð, er lifir?
Þó í skuggum skjótist vofur
skaí þig, vina, hvergi saka.
Ég skal öllu bægja burtu.
Blunda þú, en ég skal vaka.
Ég vef þig örmum, ef þér kólnar
og um þig sveipa skykkju minni.
Svo skulum við sofa saman
sæl og glöð í náttkyrrðinni.
Jón Helgason frá Stóra'Botni.