Dvöl - 01.09.1937, Blaðsíða 22

284
D V ö L
ið nú daglega færir þeim inn á
sjálf heimilin? En við nánari at-
hugun hygg ég þó, að finna megi
nokkra afsökun fyrir þessu tóm-
læti almennings nú. Viðtækin eru
enn of óvíða, einkum í sveitunum.
Ut um landið víða nokkrir örðug-
leikar að ná í kennslubækur nema
með löngum fyrirvara, en síðast
og ekki sízt, vantandi skipulags-
bundna starfsemi í þá átt að
hvetja unglingana og hjálpa þeim
til að hagnýta sér þessa nýjung á
kennslusviðinu, sem útvarpið er. Á
þessu þarf að ráða bót. Og hér
gætu fræðsluskólar á sunnudögun-
um komið að ágætu liði. Forstöðu-
maður slíks. skóla mundi safna
nemendum að haustinu og útvega
þeim þær námsbækur, er útvarpið
notar við kennsluna. Og áhugan-
um á útvarpsnáminu yrði svo hald-
ið vakandi með því að fara með
nemendunum í sunnudagaskólun-
um yfir þá kafla, er útvarpskenn-
arinn hefði haft til meðferðar um
vikuna, hið torskildasta rifjað
upp og skýrt á ný og meira heild-
aryfirlit gefið yfir námsefnið. Á
þenna hátt virðist mér að útvarp
og sunnudagaskóli gætu stutt
hvort annað, og á ódýran og hag-
kvæman hátt stuðlað að aukinni
menningu þjóðarinnar og hollari
og heilnæmari notkun sunnudags-
ins fyrir æsku landsins. Ég bendi
á þetta sem leið, er mér virðist
fyllilega þess verð að sé rækilega
athuguð, og . tijraunir gerðar til
þess að skera úr því, hvort hún sé
fær og heppileg.
En það eru einnig til óteljandi
fleiri leiðir og fleiri möguleikar til
þess að gjöra sunnudaginn
skemmtilegri, hollari, bjartari og
betri en nú er hann. Er til nokkur
gróðrarstöð í sveitinni þinni eða í
kauptúni, sem þú býrð í? Er til
trjágarður við bæ þinn eða hús?
Fátt er meiri prýði á heimili en
smekklegur og vel hirtur skrúð-
garður, og fátt veitir manni jafn-
heilbrigða nautn og hreina ánægju
eins og að annast slíkan stað,
prýða hann og hlúa að honum. Hér
er mjög tilvalið sunnudagastarf að
sumrinu og ég vil segja sunnudaga-
skemmtun fyrir unga fólkið að.
koma slíku á fót og annast um
það.
Hvernig er það með kirkjugarð-
inn hjá ykkur ? Er hann ekki í van-
hirðu? Væri nú ekki þarft verk og
gott að taka sig til einhvern
sunnudaginn mörg saman og laga
hann og prýða?
Er nokkur garður í sambandi
við barnaskólann hjá ykkur, þar
sem skólabörnin geta að vori og
sumri sjálf numið í verki frum-
atriði matjurta- og garðræktarinn-
ar? Skólanefndir og hreppsnefnd-
ir eru víða seinar til slíks fram-
taks. En ef þið sjálf eruð sannfærð
um, að þetta sé nauðsynlegtverkog
gott, og ég veit, að svo muni verða,
ef þið bara hugsið um það, því þá
ekki að taka sig saman einhvern