Dvöl - 01.10.1941, Blaðsíða 55

DVÖL
293
yrkju (hey, taómull). Gripirnir eru
af hreinræktuðum kynjum og hafa
þrásinnis fengið verðlaun á land-
búnaðarsýningum fylkisins.
í stjórn búgarðsins sitja formað-
ur, féhirðir og ritari, en bókhald og
endurskoðun hefir ríkisstjórnin
lagt til að þessu, enda haft vakandi
auga á öllu, sem fram fer. Stjórn
er kosin árlega. Á hverju ári eru
haldnir fjórir allsherjarfundir, þar
sem mál búgarðsins eru rædd.
Það verður enginn auðugur í
þessum félagsskap, en það er eins
og einn bóndinn sagði: „Maður
getur lifað góðu llfi.“ Með 65 doll-
ara mánaðarlaunum verða árs-
launin 780 dollarar. Þar dragast frá
24 dollarar vegna húsgagnaleigu,
60 dollarar fyrir vatn, gas og raf-
magn og 96—144 dollarar í húsa-
leigu. Húsaleigan hefir þó að mestu
verið endurgreidd þrjú síðustu árin,
vegna hagnaðar á búrekstrinum.
Þá er hagnaðurinn af því að fá
ýmsar vörur með heildsöluverði;
mjólkurpottinn á 5 cent, kjötpund-
ið á 15—20 cent o. s. frv. — Vafa-
laust finnst ýmsum ekki mikið til
um þessar tekjur, en sannleikurinn
er þó sá, að meðaltekjur amerísks
bónda eru töluvert lægri og lífs-
þægindi minni.
Nágrannabændurnir litu sam-
vinnubúgarðinn ekki hýru auga til
þess að byrja með. Hvers konar
lýður var þetta eiginlega? Zigaun-
ar og flökkufólk, bolsevikkar eða
eitthvað þaðan af verra? Skoðan-
ifnar breyttust þö skjött, þegar það
kom í ljós, að þetta var meinleysis-
og friðsemdarfólk; ameríkskar kon-
ur og menn eins og það sjálft. —
Smátt og smátt komust ýmsir
bændanna í skólanefnd og sveitar-
stjórn og voru þar með viðurkennd-
ir í mannlegu samfélagi.
Hefir svo þessi tilraun heppnazt?
Um það er of snemmt að dæma.
Eins og jafnan vill verða,hafa ýms-
ir ekki fellt sig við, að allir fengju
sömu laun þrátt fyrir misjafnan
dugnað. Aðrir erfiðleikar eru t. d.
það að halda við nauðsynlegum
aga og reglu. Sumir bændanna
hafa orðið þreyttir á skipulaginu
og horfið á braut. Þá hafa nýir
komið í staðinn. Meginþorrinn hef-
ir þó sætt sig við skipulagið, þótt
þeir gætu ekki safnað auði. Þeir
viðurkenna, að samvinnan hafi
veitt þeim möguleika til að lifa
þægilegra og öruggara lífi en áð-
ur var.
Neyttu ætíð matar þíns eins og
þú sætir við konungsborð.
Konfúslus.
Geta og nauðsyn eru nágrannar.
Pythagoras■
Fjórir eru þeir hlutir, sem aldrei
koma aftur: Töluð orð, skotin ör,
liðin æfi og töpuð tækifæri.
Anon.
Frelsisgyðjan er hæggeng,-en hún
snýr aldrei aftur. Lowell, •
Rétturinn til þess að vita, segja
og rökræða eins og samvizkan býð-
ur, er helgasti rétturinn. ......
Milton.