Melkorka - 01.12.1951, Blaðsíða 8

kennt er, að sízt séu of háar, upplýsa okkur
m. a. um það, að i Italíu einni, eru nú 35
þúswid örkumla börn af völdum síðustu
liéimsstyrjaldar. En af þessum 35 þúsundum
örkumla börnum séu 94% umhirðulaus
með öllu. Ennfremur segja þessar sömu
skýrslur okkur, að í Indlandi deyji árlega
tvær og hálf milljón barna undir 5 ára aldri.
í rykugum og daunillum verksmiðjum er-
lendra auðhringa, þar sem indverskar mæð-
ur vinna dag og nótt við hin ómannúðleg-
ustu kjör, veslast börn þeirra upp á unga
aldri. í hinu umdeilda ríki Persa (íran) er
barnadauðinn, samkvæmt skýrslum Sam-
einuðu þjóðanna, 80%. í illa upplýstum
teppaverksmiðjum sitja lítil persnesk börn,
bogin yfir vefstólnum við framleiðslu á hin-
um þekktu og dýru persnesku teppum, sem
prýða oft stofugólf efnamanna um heim all-
an og oft hafa þessi fallegu teppi kostað lít-
inn dreng eða telpu lífið. Á Spáni eru nú
yfir 20 þúsund konur, margar þeirra ásamt
börnum sínum, lokaðar inni í fangelsum
Francos. Svona mætti lengi telja. En öll er
þessi harmsaga ýmist afleiðing af undan-
förnum styrjöldum og núverandi stríðsund-
irbúningi, samfara því mannúðarleysi, sem
kaldrifjaðir heimsvaldasinnar beita alþýðu
nýlendulandanna og þeirra landa, sem enn
stynja undir nýlenduokinu, þrátt fyrir frels-
ið á pappírnum.
Þessar hörmungar allar eru svo fjarri okk-
ur sem búum hér. á útkjálka veraldar og auk
þess allt gert til þess að fela fyrir okkur þessa
ljótu sýn. En minna má á þá staðreynd, að
þær íslenzku eiginkonur og mæður eru til,
sem enn bera sár eftir síðustu heimsstyrjöld
og eins það, að manntjón okkar íslendinga
var á stríðsárunum jafnmikið og manntjón
Bandaríkjamanna, miðað við mannfjölda
þjóðanna. En það tjón, sem íslenzka þjóðar-
sálin beið af völdum langvarandi hernáms
landsins er enn ómœlt.
Með hverjum deginum sem líður fer vax-
andi sá skilningur hjá konum allra landa
heims, að sameinaðar eru þær máttugt afl,
ekki aðeins í baráttunni fyrir auknum rétt-
indum sér til handa, heldur einnig í hinni
miklu og fórnfúsu baráttu, sem nú er háð í
heiminum fyrir friði og sönnu lýðræði.
Á Norðurlöndum er þátttaka kvenna í
alheimsfriðarsamtökunum mikil og fer stöð-
ugt vaxandi. En sú Norðurlandaþjóðin, sem
um langan aldur hefur haldið liæst á lofti
merki friðarins, hefur þó enn ekki sýnt sem
skyldi þann áhuga og skilning á þessu þýð-
ingarmesta máli mannkynsins — varðveizlu
friðarins.
Á þeim hættutímum, sem nú bíða ís-
lenzku þjóðarinnar, vegna setu erlends hers
í landinu og þeirrar hættu, sem bíður okkar
allra ef til þriðju heimsstyrjaldarinnar kem-
ur, er það heilög skylda hverrar íslenzkrar
konu og móður, að standa vörð um æsku
landsins, menningu og tungu þjóðarinnar
— og vinna að því af öllum mætti, að endur-
heimta þann öndvegissess, sem fslendingar
hafa fram að þessu skipað í friðannálum
heimsins.
---------------------------------------
Ditta mannsbarn
eftir
Martin Andersen Nexö
er saga konunnar á öllum öldum, saga a£ lí£s-
baráttu hennar, sigrum og ósigrum og framar
öllu fórnarlund liennar.
Fáar persónur heimsbókmenntanna hafa orðið
eins vinsælar og Ditta. Hún hefur farið sigur-
för um heiminn.
Allar konur ecttu að lesa þessa einstœðu
fögru skáldsögu.
Bókaútgáfan Heimskringla
54
MELKORKA