Melkorka - 01.12.1959, Blaðsíða 4

SIGRÍÐUR SÆLAND LJÓSMÓÐIR SJÖTUG
AFMÆLISKVEÐJA FRÁ MELKORKU
Þá var morgunbirta
þá var miðsumar
og heiður var himinn
yfir háum tindum.
Þegar lítil stúlka
var í ljósheim borin
þar sem liljan vex blá
við lága strönd.
Við fjörðinn bláan
reis borgin unga.
Er fluttist hún þangað
þá flýðu skuggar.
Því hún bar höfuðið
hærra en aðrir,
hugrökk og sviphrein
eins og heiður morgunn.
Djarflynda kona!
þegar draumarnir rætast,
þínir frelsisdraumar
þá flýja skuggar.
Þá skín morgunbirta
yfir bláum tindum
og bláliljur vaxa
við brimsorfna strönd.
Sigríður Einars frá Munaðarnesi
Sigríður Eiríksdóttir Sæland átti sjötugsatraæli 12.
ágúst síðastliðinn. Hún er fædd á Vatnsleysuströnd en
fluttist 1907 með foreldrum sínum til Hafnarfjarðar og
hefur átt þar heima síðan. Hún hefur gegnt ljósmóður-
störfum síðan 1912 en þá fékk hún veitingu fyrir
Garða- og Bessastaðahreppi. Sigríður er gift Stigi Sæ-
land yfirlögregluþjóni í Hafnarfirði og eiga þau þrjú
mannvænleg börn uppkomin og eina fósturdóttur.
Sigríður á því langan starfsferil að baki ekki ein-
ungis sem starfandi ljósmóðir í áratugi og húsmóðir
á mannmörgu og gestkvæmu heimili, heldur einnig
sem ótrauð og fórnfús baráttukona fyrir hagsmunum
alþýðunnar. Hún hefur aldrei legið á liði sínu þcgar
góður málstaður var annars vegar og má í því sam-
bandi nefna starf hennar í Slysavainafélagi Hafnar-
fjarðar og á sviði bindindismála. Sigríður hefur verið
útsölumaður Melkorku síðan hún kom út og borið
hag tímaritsins mjög fyrir brjósti og þar unnið ómet-
anlegt starf. Melkorka óskar Sigríði sjötugri allra heilla.
68
MELKORKA