Skutull


Skutull - 10.06.1949, Blaðsíða 1

Skutull - 10.06.1949, Blaðsíða 1
XXVII. árg. Isafjörður, 10. júní 1949. 18. tölublað. Bæjarstjórn ræðir um F j arðar str ætisíbú ðirnar Meirihlutinn þverskallast ennþá við að framkvæma lög- in um útrýmingu heilsuspillandi íbúða. Bæjarstjóri vill ekki láta úthlutun íbúðanna fara fram fyrr en í haust, þ.e. skömmu fyrir kosningar. Vill gefa öllum bæjarbúum jafn- an köst' á að sækja um íbúðirnar til leigu eða sölu. I fundargerð bæjarráðs frá 27. maí s.I., sem lá fyrir bæjarstjórn 1. þ.m., voru bókaðar 14 umsóknir um íbúðir í nýju byggingunni við Fjarðarstræti og voru 9 af þessum umsóknum frá fólki, sem býr í í- búðum, er skoðaðar voru af heil- brigðisnefnd 1946, og þá dæmdar beilsuspillandi. Bæjarfulltrúi, Birg- ir Finnsson, sem lagði þessar um- sóknir fram í bæjarráði f.h. um- sækjenda, lagði þar til, að þeim yrði vísað til heilbrigðisnefndar, og henni falið að athuga húsnæði við- komandi manna með tilliti til út- hlutunar íbúða í Fjarðarstrætis- byggingunni, og ennfremur lagði hann til, að öðrum umsóknum, er fyrir kynnu aðliggja, yrði vísað sömu leið. Bæjarráðið allt lagði til, að um- ræddar umsóknir, ásamt þeim, er síðar kynnu að berast, yrðu lagðar fyrir heilbrigðisnefnd til athugun- ar. Þegar á bæjarstjórnarfund kom lagði bæjarstjóri fram svohljóðandi viðbótarlillögu við þær tillögur, er að framan hefir verið getið: „ En jafnframt samþykkir bæjar- stjórn, að íbúðirnar í Fjarðarstræt- isbyggingunni verði auglýstar til umsóknar, annað hvort til leigu eða sölu, eftir því sem bæjarstjórn kann að ákveða á sínum tíma, þeg- ar þeim er að fullu lokið, eða því sem næst, og verði í þeirri aug- lýsingu gerð grein fyrir leigu- eða söluskilmálum. Umsóknir um íbúð- irnar, sem borizt hafa bæjarstjórn áður en framangreind auglýsing hefur verið birt, verða því aðeins teknar til greina við úthlutun íbúðanna, að þær verði endurný.j- aðar eftir birtingu þeirrar auglýs- ingar." Siguröur Halldórsson. Þessu tillöguskrípi sínu lét baej- arstjórK fylgja þær skýringar, að ekkert lægi á 'að úthluta íbúðunum vegna þess, að þær yrðu ekki til- búnar fyrr ení haust. Það yrði að . gefa öllum bæjarbúum jafnan kost á að sækja um íbúðirnar, sagði hann. Ef íbúðunum yrði úthlutað nú mundu húsasmiðirnir verða fyr- ir átroðningi og afskiftasemi vænt- anlegra íbúa. Ekkert kvað bæjar- stjóri hafa komið fram, sem gæfi áslæðu til að ætla, að meirihlutinn mundi úthluta þessum íbúðum á annan hátt, en lög mæla fyrir. Þetta mælti hann með barnslegum sak- leysissvip. Bæjarfulltrúar Alþýðuflokksins bentu á, að það er hreinasta fjar- stæða að ætla sér að. gefa öllum bæjarbúum kost á að sækja um þessar íbúðir. Eingöngu þeir, sem í heilsuspillandi húnsæði búa, að dómi heilbrigðisnefndar, hafa, lög- um samkvæmt, rétt til þessara í- búða. Aðrir koma þar ekki til greina. Ekki er heldur hægt að á- kveða sölu á íbúðunum að svo stöddu, því skylt er að hleypa þvi fólki, sem í heilsuspillandi íbúðum býr, í hinar nýju íbúðir, án tillits til þess, hvort það hcfir efni á að kaupa þær eða ekki. Heldur létt- væg þólti sú röksemd bæjarstjóra, áð hiisasmiðirnir mundu verða fyr- ir átroðningi, og ekki þótti það bera vott um mikla liðvikni, að vilja ekki lofa væntanlegum ibúum að ráða t.d. lit á íbúðunum. Þá töldu bæjarfulltrúar Alþýðu- flokksins eftirfarandi atriði gefa fyllstu ástæðu til tortryggni gagn- vart meirihlutanum í sambandi við löghlýðni hans og úthlutun íbúð- anna. 1. Fyrirmælum félagsmálaráðu- ráðuneytisins frá því í haust, um að úthluta íbúðununi, hefir ekki verið hlýtt enn þá, en félagsmála- ráðuneytinu ber vitanlega að hafa eftirlit og íhlutun um það, að íbúð- arhúsnæðislöggjöfimii sé réttilega framfylgt. 2. Tillögum bæjarfulltrúa Al- þýðuflokksins frá því í vetur, um að fela heilbrigðisnefnd að gera tillögur um úthlutunina, var vísað frá, og er sú málsmeðferð einstök í sinni röð í bæjarstjórn. 3. Hannibal Valdimarsson upp- lýsti það, að menn hefðif"komið til sín, sem ekki búa í heilsuspillandi íbúðum, en eru í húsnæðishraki með nýstofnaðar fjölskyldur, tjáð sér að þeir hefðu stuðning meiri- hlutans til að fá íbúðir í Fjarðar- stræti, og óskað eftir, að hann lið- sinnti þeim einnig í þessu máli. Þessari liðsbón neitaði Hannibal. I samræmi við þau rök, er nú hafa verið talin, fluttu þeir Hanni- bal og Birgir eftirfarandi tillögu: „Bæjarstjórn samþykkir að aug- lýsa eftir umsóknum um íbúðirnar í Fjarðarstræti samkvæmt III. kafla laganna um opinbera aðstoð við byggingu íbúðarhúsa. Umsóknar- frestur verði til 15. júní. Aðurframkomnar munnlegar um- sóknir verði endurnýjaðar. Að umsóknarfresti liðnum verði öllum framkomnum umsóknum SKUTULL kom ekki út í s. 1. viku vegna rafmagsskorts. Lausasöluverð Skutuls er 50 aurar vísað til heilbrigðisnefndar til rannsóknar og úrskurðar." Birgir Finnsson Hannibal Valdimarsson. Þessi tillaga var felld, en tillög- ur bæjarráðs og tillaga bæjarstjóra samþykktar. Meirihlutinn situr því ennþá við sama heygarðshornið í þessu máli, eftir að hafa afgreitt það á þann hátt, sem gert var með því að sam- þykkja tillögu Sigurðar Halldórs- sonar. Þeir segjast ætla að fram- fylgja réttum lögum, en vilja ekki sýna það í verki, og það er þessi þvermóðska, og ekkert annað, sem e.t.v. veldur töfum við bygginguna í Fjarðarstræti. Hvað sem talsmenn og skriffinnar meirihlutans segja um félagsmálaráðuneytið og minni- Færeyjaför ísfirzkra íþróttamanna Landslið Færeyja 1948. Knattspyrnumennirnir eru úr félögunuum B. 36 (sem kross- inn er við) og H. B., sem sjá um móttökur ísfirSinganna. Eins og kunnugt er ætla félögin hér Hörður og Vestri að senda frjálsíþrótta- og knattspyrnumenn til Færeyja í næsta mánuði. Keppt verður við félögin í Þórs- höfn í frjálsum íþróttum og knatt- spyrnu. 1 frjálsum íþróttum verður keppt í sömu greinum og við Sigl- firðinga, nema í þrístökki. 1 þess stað verður keppt í stangarstökki. Ekki er ákv. hve knattspyrnuleik- irnir verða margir, en sennil. verða þeir tveir eða þrír, Félögin B.36 og H..B. í Þórshöfn munu sjá um móttokur og veru flokksins í Fær- eyjum. Frjálsar íþróttir hafa verið lítið iðkaðar í Færeyjum, aftur á móti hafa Færeyingar stundað knattspyrnu í 50 ár og eru allgóðir knattspyrnumenn. Það má því ganga út frá því, að þeir verði all- skæðir keppinautar, og verða Is- firzkir knattspyrnumenn því að stunda vel æfingar þann stutta tíma sem eftir er. Því miður hafa æfingar ekki verið vel sóttar hing- að til. Tíðarfar og viðgerðir á vell- inum hafa gert sitt til að æfingar hafa ekki verið sóttar sem skyldi. Nú er völlurinn kominn í sæmilegt lag og vonandi fer tíðarfar að batna, og eru því engar afsakanir fyrir því að sækja ekki æfingar nú. Knattspyrnumenn verða því að láta æfingar sitja fyrir öllu öðru þennan stutta tíma sem eftir er. Það má ekki ske að farið sé til útlanda með illa samæft lið til keppni, þá 'er betra að hætta við slikt' ferðalag. Um 20. júní mun verða ákveðið hverjir verða teknir með í þessa ferð. Það ætti að vera metnaðarmál hvers ísfirzks íþróttamanns, að reyna að komast í þessa fyrstu ut- anför ísfirzkra íþróttamanna, því sumarleyfinu verður ekki betur eða ódýrara varið. S.G.

x

Skutull

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Skutull
https://timarit.is/publication/626

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.