Skutull - 01.05.1952, Qupperneq 1
ísfirðinga
ÍSFIRÐINGAR!
Um síðustu áramót andaðist
Finnur Jónsson, þingmaður Is-
firðinga. Alþýðuflokkurinn og
öll alþýða þessa lands átti þar
á bak að sjá ötulum og giftu-
drjúgum umbótamanni og
brautryðjanda, svo að af bar.
Það er því engin tilviljun, að
Finnur heitinn Jónsson skuli
hafa verið þingmaður þessa
bæjar óslitið frá árinu 1933 til
dauðadags — eða 18 ár sam-
fleytt.
I 18 ár hefur því Alþýðu-
flokkurinn á lsafirði ekki þurft
að svipast um eftir nýjum
mönnum til þess að vera hér í
kjöri fyrir flokkinn í þingkosningum.
I 18 ár hefur flokkurinn aldrei verið í efa um frambjóðanda
sinn á Isafirði, — enginn gat komið þar til greina annar en
Finnur Jónsson.
En nú stendur Alþýðuflokkurinn á fsafirði í nýjum sporum.
Strax eftir fráfall Finns heitins Jónssonar var vitað að fram
mundu fara aukakosningar til alþingis hér í bænum. Hlaut því
Alþýðuflokkurinn að hefja leit að nýju þingmannsefni fyrir bæ-
inn. Sú leit varð samt hvorki löng né erfið. Ennþá var Alþýðú-
flokkurinn á fsafirði viss í sinni sök og fjarri öllum efa.
Þegar minnzt hefur verið á framboð flokksins, hafa allir kjós-
endur hans lokið upp einum mimni um það, að Hannibal Valdi-
marsson væri maðurinn, sem taka ætti við merki hins fallna
forystumanns — þingmennskunni og baráttunni fyrir heill þessa
bæjar. Það má reyndar segja, að þetta sé einróma álit bæjarbúa
almennt, því að andstæðingar Alþýðuflokksins hafa einnig talið
það víst, að Hannibal Valdimarsson yrði fyrir valinu sem fram-
bjóðandi flokksins við aukakosningar þær, sem fram eiga að fara
hér í bænum 15. júní í sumar.
Nú hefur Alþýðuflokkurinn gengið formlega frá vali fram-
bjóðanda síns, — hann hefur valið Hannibal Valdimarsson.
Hvers vegna hefur nú Hannibal orðið svo cinróma og tvímæla-
laust fyrir valinu? Þeirri spurningu er ekki vandsvarað. Hér skal
aðeins talið fátt eitt af því helzta, er skapað hefur það almenna
traust, sem Hannibal Valdimarsson hefur aflað sér:
VERKALÝÐSLEIÐTOGINN.
Hann gerðist ungur einn ágætasti liðsmaður vestfirzkrar
verkalýðshreyfingar, einmitt á þeim árum, þegar hún í smá-
þorpunum var að stíga sín fyrstu skref, — veikbyggð og hik-
andi. Einmitt þá þurfti hún á einörðum og ósérplægnum liðs-
mönnum að halda.
Framhald á 3. síðu.
Ávarp til
Hannibal Valdimarsson.
Þingmenn ísfirð-
inga í 25 ár.
Vorið 1927, fyrir réttum 25 ár-
um síðan var Haraldur Guðmunds-
son kosinn þingmaður ísfirðinga.
Segir í Skutli frá þeim tíma, að
Fulltrúaráð verkalýðsfélaganna og
stjórn Verkalýðssambands Vestur-
lands, sem nú heitir Alþýðusam-
band Vestfjarða, hafi ákveðið, að
Haraldur yrði í kjöri fyrir AI-
þýðuflokkinn.
Vann Haraldur hinn glæsilegasta
sigur í þessum kosningum, fékk
510 atkvæði, en andstæðingur hans
ekki nema 360, eins og frá er skýrt
á öðrum stað í blaðinu.
Alla tíð síðan, eða um aldar-
fjórðungs skeið, hafa alþýðuflokks
menn farið með þingmannsumboð
fyrir ísafjarðarbæ.
Við næstu kosningar, sumarið
1931, fékk Haraldur Guðmundsson
áskoranir frá fjölda manns um að
bjóða sig fram austur á Seyðis-
firði. Varð Haraldur við þeim ósk-
um, þótt tvísýnt þætti að hann
gæti náð þar kosningu, þar sem
Seyðfirðingar höfðu þá um langt
skeið kosið íhaldsmann á þing og
það með allsterkum meirihluta
atkvæða. En för Haraldar til Seyð-
isfjarðar varð hin gifturíkasta.
Seyðfirðingar gerðu hann að þing-
manni sínum, en Vilmundur Jóns-
son var kosinn þingmaður ísfirð-
inga.
Við næstu Alþingiskosningar
bauð Vilmundur sig fram í Norð-
ur-ísafjarðarsýslu og hlaut þar
kosningu, og Finnur Jónsson var
kjörinn þingmaður Isfirðinga. Var
hann ávallt endurkjörinn síðan,
eins og kunnugt er, og var þing-
maður ísfirðinga til dauðadags.
Haraldur Guðmundsson á þann-
ig 25 ára þingmannsafmæli á
þessu vori. Eiga fáir þingmenn
glæsilegri stjómmálaferil að baki
Hann hefur ávallt verið viður-
kenndur einhver mesti ræðumaður
á þingi. Hann hefir verið þingfor-
seti. Hann var fyrstí ráðherra Al-
þýðuflokksins, og hann hefur bor-
ið gæfu til að koma fram meiri
réttarbótum fyrir alþýðu manna,
en nokkur annar íslendingur fyrr
eða síðar. Á ég þar við Almanna-
tryggingarnar, sem eru hans verk
fremur en nokkurs eins manns
annars.
Haraldur Guðmundsson,
þingmaður lsfirðinga
1927—1931.
Vilmundur Jónsson,
þingmaður lsfirðinga
1931—1933.
Finnur Jónsson,
þingmaður lsfirðinga
1933—1951.
Framhald á 3. síðu.