Skutull - 01.05.1952, Blaðsíða 3

S K U T U L L
3
ÁVARP TIL ISFIRÐINGA.
Framhald af 1. síðu.
Hannibal reyndist ekki einungis
ágætur liðsmaður heldur miklu
fremur fágætur forystumaður.
Undir leiðsögn hans verða t.d.
verkalýðsfélögin í Súðavík og Bol-
ungavík að öruggu vígi verka-
fólksins til sóknar og varnar.
Verkalýðsbaráttan á Vestfjörð-
um átti því snemma góðan hauk í
horni, þar sem Hannibal Valdi-
marsson fór. Enda má með sanni
segja, að áhugi hans og fórnfýsi
fyrir málefnum alþýðunnar hafi
fram á þennan dag gengið sem
rauður þráður gegn um allt líf
hans og starf.
Þegar hann flyzt hingað til ísa-
f jarðar, tekur hann strax ótrauð-
ur þátt í verkalýðsmálum bæjar-
ins, og er sá þáttur ísfirzkum
verkalýð að góðu kunnur. Þá hef-
ur hann um langt skeið verið for-
seti Alþýðusambands Vestfjarða.
Á síðasta þingi sambandsins baðst
hann mjög eindregið undan endur-
kosningu, en fulltrúar vestfirzkra
verkalýðssamtaka vildu allir sem
einn mega hlíta forystu hans enn
um skeið og kusu hann áfram for-
seta sambandsins.
SAMVINNUMAÐURINN.
1 beinu framhaldi af starfi sínu
í verkalýðssamtökunum fyrir bætt-
um kjörum alþýðunnar hefur
Hannihal bundizt neytendasam-
tökum hennar — samvinnufélags-
skapnum — órjúfandi böndum.
Einnig þar hefur hann ótrauður
lagt hönd á plóginn í þágu þess
mikla fjölda, sem veit, að félags-
verzlun er einn hyrningarsteinninn
undir efnahagslegri hagsæld fólks-
ins.
Hann hefur nú um langt skeið
verið formaður Kaupfélags ísfirð-
inga, stærsta verzlunarfyrirtækis-
ins á Vestf jörðum, og má þar einn-
ig marka það traust og álit, sem
hann nýtur hvarvetna meðal sam-
starfsmanna sinna og félaga.
BINDINDISMAÐURINN.
Þá hefur Hannibal Valdimarsson
írá öndverðu verið skeleggur tals-
maður bindindishreyfingarinnar og
er skemmst að minnast afstöðu
hans til ölfrumvarps Sigurðar
Bjarnasonar. Bindindisfólk og aðr-
ir þeir, sem telja hina miklu á-
fengisneyzlu þjóðarinnar alvarlegt
vandamál, munu vera á einu máli
um það, að einnig þar sé gott að
njóta liðveizlu Hannibals.
AIÞINGISMAÐURINN.
Svo sem kunnugt er hefur Hanni-
bal Valdimarsson tvívegis verið í
kjöri fyrir Alþýðuflokkinn í N-
lsafjarðarsýslu. 1 bæði skiptin jók
hann fylgi flokksins í sýslunni og
hlaut kosningu sem landkjörinn
þingmaður flokksins.
Á Alþingi hefur hann ekki ein-
ungis reynzt ötull þingmaður fyrir
Norður-fsfirðinga, heldur jafn-
i'ramt alhliða og dugandi starfs-
ínaður þingsins og tvö síðustu ár
átt sæti i umsvifamestu nefnd
þingsins, — fjárveitinganefnd.
Hannibal Valdimarsson er fyrir
löngu orðinn þjóðkunnur maður
bæði sem alþingismaður og einnig
fyrir margháttaða þátttöku sína í
öðrum opinberum málum svo sem
áður er sagt.
Alþýðufloklturinn á þar á að
skipa hugdjörfum og einörðum
baráttumanni, sem aldrei hefur
gefið deyfðinni og kyrrðinni grið í
þeim tilgangi að geta sjálfur átt
náðuga daga. Lognmollan og á-
hugaleysið er honum sízt að skapi.
Og fyrir löngu síðan hefur hann
sagt afturhaldinu og athafnaleys-
inu stríð á hendur.
Dugnaður Hannibals Valdimars-
sonar er með öllu óvéfengjanlegur,
enda hafa andstæðingar hans
marg oft viðurkennt hann sem
harðskeyttan en drengilegan mála-
fylgjumann.
Það er skemmst fyrir fsfirðinga
að minnast þess, er hann á síðasta
þingi í sambandi við umræður um
f járveitingu til viðreisnar atvinnu-
málum Siglfirðinga fékk því til
vegar komið, að ísfirðingar nytu
í því efni einnig sama stuðnings.
Hitt er aftur á móti önnur saga,
að fhaldsráðherrarnir hafa enn
eigi látið að vilja þingsins í þessu
efni og hvorki afgreitt f járveiting-
una til Siglufjarðar né fsafjarðar.
GÓÐIR ISFIRÐINGAR!
Innan skamms gangið þið enn á
ný til kosninga hér á fsafirði.
Enn sem fyrr verða átökin hér
á milli lýðræðisjafnaðarstefnunnar
og íhaldsstefnunnar.
Hver einasti kjósandi í landinu
mun fylgjast með þeim úrslitum
af áhuga og mikilli athygli.
Ástæðan er sú, að þessar auka-
kosningar eru ekki einungis venju-
leg könnun á fylgi flokkanna, held-
ur jafnframt og ef til vill miklu
fremur prófsteinn á afstöðu kjós-
endanna I landinu til þeirrar
ílialdsstjórnar, sem nú situr að
völdum.
Ef frambjóðandi íhalds fengi
brautargengi hér í kosningunum,
væri það hrein traustsyfirlýsing
við íhaldið, sem öllu ræður í iiú-
verandi ríkisstjórn og markað hef-
ur stefnu hennar.
Þeir kjósendur, sem ánægðir eru
með hið skefjalausa verzlunarok-
ur, kjósa auðvitað íhaldsmanninn.
Sama gera þeir einnig, sem vilja
vaxandi atvinnuleysi og síauknar
drápsklyf jar dýrtíðarinnar.
Þeir, sem eru óánægðir með
þetta allt, þeir kjósa auðvitað
frambjóðanda Alþýðuflokksins,
Hannibal Valdimarsson, hinn
djarfa og skelegga andstæðing
þeirrar óheillastefnu íhaldsins,
sem nú hvílir eins og svört loppa
á alþýðu þessa lands.
Það eru allir óánægðir með
Heiðnabergsloppu ihaldsins — all-
ir óánægðir, nema sjálfir berg-
þursarnir. Þess vegna munu allir
ísfirzkir kjósendur fylkja sér um
stefnu Alþýðuflokksins og fram-
bjóðanda hans, ' verkalýðsléiðtog-
ann og samvinnumanninn Hanni-
bal Valdimarsson.
FULLTRÚ ARÁÐ
ALÞÝÐUFLOKKSINS
Á ISAFIRÐI.
--------0-------
ÞINGMENN ÍSFIRÐINGA.
Framhald af 1. síðu.
Nú er Haraldur kominn í bæinn
sem gestur Alþýðuflokksins. Og
erindi hans hingað er það, að
minnast hér með gömlum vinum
og yngri flokkssystkinum þess
glæsilega sigurs, sem hann og Al-
þýðuflokkurinn unnu hér á ísafirði
fyrir 25 árum síðan. En Haraldur
er ekki aðeins hingað kominn til
að minnast hins liðna. Hann er
hingað kominn jafnframt, og eigi
síður, til að ræða um framtíðina.
Hann er hingað kominn til að
eggja okkur lögeggjan og hvetja
okkur til dáða í þeirri baráttu, sem
Alþýðuflokkurinn á ísafirði er að
hefja frá og með deginum í dag —
fyrsta maí — að telja.
Vert þú velkominn til ísaf jarðar
í þitt gamla kjördæmi, Haraldur
Guðmundsson! Við flokkssystkini
þín erum þér innilega þakklát fyrir
komuna, þakklát fyrir 25 ára þýð-
ingarmikið starf og glæsilega bar-
áttu. Og við heitum því að halda
upp á aldarfjórðungsafmæli þitt
sem alþingismanns með því að
vinna að glæsilegum sigri Alþýðu-
flokksins á ísafirði við aukakosn-
inguna 15. júní næstkomandi.
Hannibal Valdimarsson.
--------O-------
Skemmtanir í bænum.
URSUS,
öðru nafni Gunnar Salómonsson
hafði hér aflraunasýningu s.l.
þriðjudag, og þótti mönnum mikið
til um krafta hans, og fjölmenntu
á sýningarnar. Gunnar hefur beð-
ið blaðið að færa Vestfirðingum
beztu þakkir fyrir góða aðsókn að
sýningum sínum og frábæra gest-
risni sem hann hvarvetna hefir
orðið aðnjótandi.
Tvö kvöld í s.l. viku skemmtu
þau Sigfús Halldórsson, tónskáld,
Soffía Karlsdóttir, gamanvísna-
söngkona og Höskuldur Skagfjörð,
leikari, bæjarbúum með söng,
gamanvísum, upþlestri og leik-
þætti. Sigfús söng og lék frum-
samin lög, og í lok prógrammsins
söng þingheimur allur „Litlu flug-
una“, sem hefir í vetur verið á
hvers manns vörum.
Það er tvímælalaust, að Sigfús
á létt með að semja hljómþýð lög,
og ekki mundi það koma á óvart,
þó einhverntíma kæmi út eftir
hann óperetta, sem yrði mikið
sungin. öll var skemmtun þessi
hin ánægjulegasta og kom áheyr-
endum í gott skap.
Hróður ísfirzkra skíðamanna.
Blaðið Alþýðumaðurinn á Ak-
ureyri flutti ýtarlegar fréttir af
Skíðamóti íslands, sem háð var á
Akureyri um páskana.
Eru víða í frásögn blaðsins mjög
lofsverð ummæli um frammistöðu
ísfirzku skíðamannanna á mótinu.
Blaðið segir meðal annars:
„Mótið hófst með keppni í svigi
karla, B-flokki, og fór sú keppni
ásamt svigi kvenna fram í Sprengi-
brekku ofan við Knararberg.
Úrslit urðu þau, að fyrstur varð
Einar Valur Kristjánsson (H) SKÍ
95,4 sek.
Næst fór fram keppni í svigi
kvenna og bar Martha B. Guð-
mundsdóttir (H), ísafirði af kepp-
endum að stílfegurð og öryggi,
eins og tími hennar ber með sér“.
(89,4 sek. Næsta 110,7 sek).
„Svigmeistari Islands varð
Haukur Sigurðsson (H) ísafirði".
(Tími 110,5 sek.).
„Mánudaginn 14. apríl (annan
í páskum) lauk svo mótinu með
keppni í bruni og 30 km. göngu.
.... Þessa göngu vann Ebenezer
Þórarinsson frá ísafirði, og er
göngustíll hans mjög fagur og
eftirtektarverður".
Einar Valur Kristjánsson varð
einnig fyrstur í bruni karla, B-
flokki, Martha B. Guðmundsdótt-
ir fyrst í bruni kvenna, og einnig
varð hún íslandsmeistari í Alpa-
tvíkeppni kvenna (svigi og bruni).
Skutull þakkar þessu unga
skíðafólki frækilega frammistöðu
á Skíðamóti Islands og gleðst með
því yfir unnum sigrum.
MÁLIÐ MEIRA!
Nýkomið veggfóður, málningar-
vörur, vélalökk o.fl.
Finnbjörn málari.
TIL SÖLU
gaberdinkápa ný. Mjög ódýr.
Hentug fyrir fermingarstúlku.
Uppl. Silfurgötu 8a, (uppi.).
TIL SÖLU ERU
húsin nr. 38 og 40 við Hlíðarveg.
Seljast mjög ódýrt, ef samið er
fyrir 15. maí næstkomandi. Skipti
á vörubíl koma til greina.
Sigurður K. Guðmundsson,
Guðmundur Jónatansson.
TIL SÖLU
er 5 manna bíll í góðu standi.
Finnbjörn málari.
HÚSEIGN MIN
í Fjarðarstræti 38, neðsta hæð,
ásamt kjallara í norðurenda, er til
sölu.
Þórður Sigurðsson.