Skutull - 24.06.1952, Blaðsíða 3
SKUTULL
3
StNISHORN AF KJÖRSEÐLI.
TIL FORSETAKJÖRS.
X Ásgeir Ásgeirsson, bankastjóri
Bjarni Jónsson, vígslubiskup
Gísli Sveinsson, fyrrverandi sendiherra.
Þannig á kjörseðillinn að líta út, er Ásgeir Ásgeirsson
hefur verið kosinn.
Ekki snöru í hengds manns húsi
firamta skiptið sem þessi bæjar-
keppni fer fram og í þeim viður-
eignum hafa Siglfirðingar sigrað
f jórum sinnum en Isfirðingar einu
sinni. Bæjarkeppni þessi hefur
verið mjög vinsæl og er ekki að
efa að ísfirðingar munu fjölmenna
á íþróttavöllinn bæði þessi kvöld,
sem keppnin fer fram.
Aflabrögð.
Togbátar hafa fiskað vel að
undanfömu. Trillubátaafli hefur
verið mjög tregur í Djúpinu, en
nokkrir menn hafa fiskað vel á
handfæri. Togarar hafa fiskað á-
gætlega á Hornbanka seinustu
daga.
Tíðarfar.
Einstök kuldatíð hefur verið hér
í allt vor. Snjór er óminnilegar í
f jöllum og gróðri miðár lítt áfram.
Getur varla heitið að úthagar séu
neitt farnir að gróa, og aðeins lit-
ur á túnum.
Sigurvin Hansson,
skipstjóri, lézt á Elliheimili fsa-
fjarðar í fyrradag.
Silfurbrúðkaup
áttu þau hjóriin Alberta Alberts-
dóttir og Marzellíus Bemharðsson,
skipasmíðameistari, þann 10. þ.m.
— Frú Alberta er mesta myndar-
húsfreyja og Marzellíus mikill
dugnaðarforkur, sem ekki hefur
hlíft sér um dagana.
Skutull óskar þessum sæmdar-
hjónum til hamingju með silfur-
brúðkaupsdaginn og framtíðina.
Guðmundur Hermannsson
er einn fremsti íþróttamaður
okkar Vestfirðinga. f vor tókst
honum að varpa kúlunni 14,56
metra, og er það bezti íslenzki ár-
angurinn í kúluvarpi á þessu ári.
Guðmundur æfir alltaf reglulega
og má gera sér vonir um, að hon-
um takist áður langt líður að r.á
15 metrum, en það er skilyrði fyr-
ir þátttöku í Olympíuleikum í
kúluvarpi.
Síldveiðarnar.
Nokkrir bátar eru þegar famir
á síldveiðar, en enginn þeirra hef-
ur ennþá komið með afla að landi.
Bátar héðan eru famir að búa sig
til veiðanna, en sennilega verður
enginn þeirra tilbúinn, fyrr en upp
úr mánaðamótum. Má búast við,
að miklu færri skip en áður fari
á síld að þessu sinni, sökum hinn-
ar stórkostlegu lækkunar á
bræðslusíldarverðinu.
Togararnir.
ísborg er í slipp í Reykjavík.
Sólborg kom í fyrri viku af Græn-
landsmiðum með 316 smálestir af
saltfiski, 8 smálestir af mjöli og
ca. 15 smál. af lýsi. Veiðiförin tók
alls 28 daga, en þar af var hún 17
daga á veiðum. Sólborg er aftur
farin á Grænlandsmið. — Lagði
hún af stað frá Reykjavík í gær.
Skipshöfnin er 43 menn.
Hraðfrystur kúfiskur.
Þessa dagana hefur um 30 manns
unnið að hraðfrystingu kúfisks í
hraðfrystihúsi Kaupfélags Isfirð-
inga á Langeyri. Hefur Samband
íslenzkra samvinnufélaga milli-
göngu um að afla markaða fyrir
hraðfrystan kúfisk í Ameríku. —
Er hér um tilraun að ræða, og skal
á þessu stigi málsins engu um það
spáð, hvort hér getur orðið um
þýðingarmikla útflutningsvöru að
ræða. En færi svo, er talsverðrar
vinnu von við úrtöku og frystingu
kúffisksins.
Þeir ætla ekki að gera það enda-
sleppt með kosningaskrumið og ó-
sannindin, vesturlandsmenn. Nú
guma þeir af því að Sjálfstæðis-
flokkurinn sé orðinn stærsti
flokkurinn í bænum, höfuðvígi
kratanna sé fallið!! Hannibal hafi
flotið inn á lánsatkvæðum og þar
fram eftir götunum. ,
Um fall höfuðvígisins þarf ekk-
ert að segja nema það, að Kjartan
Jóhannsson er ekki þingmaður ís-
firðinga ennþá. Hann verður að
láta sér nægja, að vera bara þing-
maður ólafs Thórs — eða kon-
ungkjörinn, eins og almenningur
orðar það.
Þá er það sannast sagna, að
allra flokka sízt ætti Sjálfstæðis-
flokkurinn hér á Isafirði að tala
um lánsatkvæði. Það er einmitt á
slíkri verzlunarvöru sem hann hef-
ur reynt að fleyta sér á undan-
fömum árum, þótt svo mikil van-
blessun hafi verið í búi hans, að
allt hafi snúizt honum til ógagns
og tjóns eftir sem áður.
Við, sem kunnug erum í bænum
og fylgdumst með öllum atriðum
kosningabardagans vitum vel, að
Hannibal Valdimarsson fékk ekk-
ert atkvæði frá kommúnistum og
framsóknarmönnum, sem þeim var
með nokkru móti mögulegt að af-
stýra að honum yrðu greidd. Hafi
hinsvegar verið um lánastarfsemi
atkvæða að ræða, eins og Vestur-
land segir, þá hefur hún vissulega
beinst til annarar og gagnstæðrar
áttar.
Það er vitað um örfáa frjáls-
lynda framsóknarmenn, sem ekki
vildu líta við aðstoðarframboði
framsóknar við íhaldið, og kusu
Hannibal Valdimarsson. Einnig er
vitað um nokkra einlæga verka-
lýðssinna, er áður hafa kosið með
Sósíalistaflokknum og voru nú ó-
fáanlegir til að láta það afskipta-
laust, hvort bærinn fengi áhrifa-
lausan íhaldsþingmann eða ekki
og kaus það einnig Hannibal
Valdimarsson. — Þetta fólk ber að
virða, og þessu fólki ber að þakka
ábyrga afstöðu þess.
En þetta dugar ekki til að gera
ósannindi vesturlandsmanna að
sannleika. Minnumst þess, að það
voru 36 atkvæði, sem kommúnistar
töpuðu og 7 atkvæði sem fram-
sókn glataði, samtals 43 atkvæði.
Hvert hefur meginþorri þeirra at-
kvæða farið? — Það er vitað, að
þau fóru flest til íhaldsins, enda
auðvelt að gera nánari grein fyrir
því. — Menn þurfa raunar ekki
annað en líta yfir hvemig kosn-
ingabardaginn var háður. Fram-
sóknarblaðið Isfirðingur birti
nafnlausa slúðursögu um Hannibal
Valdimarsson. Aukin og endurbætt
útgáfa hennar kom í næsta Vest-
urlandi. Blað kommúnista, Bald-
ur, var frá upphafi til enda kosn-
ingabardagans helgað Hannibal og
Alþýðuflokknum — fyllt frá
fyrsta orði til síðasta með skömm-
um og svívirðingum í Vestur-
landstón. Sama sagan gerðist á
fundunum, og þar var því lýst yf-
ir af ræðumanni kommúnista, að
íhaldsframbjóðandann léti hann í
friði. Seinast gáfu svo kommar út
sérstakan fregnmiða með eintómu
níði um Hannibal Valdimarsson.
— Og svo ættu þeir að hafa lánað
honum atkvæði, ekki nema það þó.
Nei, einhverju trúlegra verðið þið
að skrökva næst, vesturlandspilt-
ar, ef nokkur á að trúa.
Sannleikurinn er sá, að íhaldið
fékk fast að 30 atkvæðum frá
kommúnistum og hefur því tapað
en ekki unnið á, siðan í seinustu
þingkosningum. Það er nú þess
kosningasigur ofan á það, að
Kjartan er nú fallinn í fjórða
sinn. Þrisvar í þingkosningum og
einu sinni til bæjarstjórnar.
...... 0--------
Leiðrétting á kaupgjaldsskrá.
I kaupgjaldsskrá er birtist í Skutli 11. júní s.l. var ranglega tllgreint
kaup fyrir fiskþvott. Sá liður á að vera þannig:
FISKÞVOTTUR:
Fyrir hver 100 kg. af stórfiski greiðist kr. 9,15
Fyrir hver 100 kg. af smáfiski greiðist kr. 7,79
Isafirði, 18. júní 1952.
ALÞÝÐUSAMBAND VESTFJARÐA.
Fullkomin þjóðareining var um kosningu Ásgeirs Ásgeirssonar,
þar til stjórnmálaforingjarnir fóru að þröngva fylgismonnum sínum til flokkspólitískrar afstöðu tii for;setakjörsins.
En þjóðin mun sýna það á sunnudaginn, að sundrungariðja Olafs og Hermanns
hefur engan árangur borið.