Vesturland - 29.03.1949, Blaðsíða 3

VESTURLAND
3
vit í því hjá mér frekar en öðru,
er ég sagöi um þessi mál, að grip-
irnir séu of margir. Færir hann þó
engin rök fyrir því önnur en þau,
að þeir séu lítið fleiri en þeir hafi
oft verið áður. Hvað sannar það
að heppilegur gripafjöldi hafi verið
á jörðinni að undanförnu ? Hvað
finnst bústjóranum um þá hagfræði
að hafa nautgripina í þrennu eða
fernu lagi ? Er það til að spara
mannhald og gera hirðinguna auð-
veldari? Mér er nær að halda,
að hér sé ekki verið að gera sér
neina rellu út af því, hvað þetta
eða hitt kostar heldur sé um of
einblínt á þau sjónarmið að fram-
leiða eitthvað ákveðið magn af
mjólk /mað sem þa<5 kostar og án
tillits til þess hve marga gripi þarf
til þeirrar framleiðslu.
Frá sjónarmiði búrekstursins
get ég ekki séð að neinn teljandi
árangur hafi orðið af gripafjölgun
síðustu ára —- nema ef bústjórinn
hefur komist að þeirri niðurstöðu
að setja úburðarframleiðsluna ofar
mjólkurframleiðslunni.
Bústjórinn virðist vera mjög
uppnæmur yfir því, að ég skuli
hafa rætt um nythæð kúnna, og tel-
ur allt, sem ég sagði um það ýmist
villandi eða byggt á skökkum út-
reikningi.
Hengir liann nú hatt sinn mjög á
það, sem hann kallar í grein minni
ímyndaðar kýr og ímyndað mjólk-
urmagn. Hann virðist telja það
eitthvert yfirnátturulegt fyrirbrigði
að meðalnyt kúnna geti orðið 3000
lítrar pr. kú. Veit bústjórinn það
að meðalnytin á búi hans var fyr-
ir nokkrum árum 3200 1 pr. kú og
að meðalnytin í flestum nautgripa-
ræktarfélögum landsins er yfir
3000 1. pr. kú ?
Ég get því ekki séð, að ég hafi
farið út í neina óhæfu með þessa
ímynduðu mjólk, sem hann svo
kallar.
Þá finnst bústjóranum ég gera
sér rangt til með samanburðinum
á seldri mjólk áranna 1944 og 1947.
Hann verður þó að sætta sig við, að
notaðar séu tölur um gripafjölda
og selda mjólk, sem gefnar eru upp
frá búinu árlega.
Það er t. d. viðurkennt af bú-
stjóranum, að ég hafi farið með
réttar tölur um gripafjölda samkv.
skýrslum búsins þessi umræddu ár,
en hinsvegar telur hann að ég hafi
ekki tekið nægjanlegt tillit til þess,
hve langan tíma úr árinu kýrnar
hafi mjólkað. Hafi staðið illa á kú-
num árin 1946 og 1947. Það má
eins vel ætla, að svo hafi einnig
verið á árinu 1945, nema að hér sé
verið að reyna að læða því út að
Skeggi Samúelsson hafi skilað bú-
inu af sér í mestu óreiðu og þessi
tvö ár hafi svo farið til að bæta
fyrir það. Má hver hafa þær hug-
myndir um það, sem honum sýn-
ist, en því trúi ég ekki og senni-
lega fáir, sem þekktu þann mann.
Rétt sýnist því vera og eðlilegt, að
bera megi saman þessi ár og er þá
staðrcynd, að meðalnytin af seldri
mjólk frá búinu hefur minkað um
því nær 4001. pr. kú.
Um rýrnun við sundurmælingu
og mjólk til kálfa má segja það, að
])að ætti ekki fremur að hafa gengið
útyfir árið 1947 en árið 1945 og
og legg ég það því alveg að jöfnu.
Hér dugir því enginn flótti frá
þeirri staðreynd, að kúnum hefur
hrakað stórlega á þessum tveim ár-
'um 1946 og 1947.
Ég hefi áður látið álit mitt í
ljósi á því að sameina búin og get
ég ekki verið að endurtaka það hér.
En þeim ummælum Agnars að bú-
in mundu leggja til fé í væntan-
lega fjósbyggingu á Kirkjubóli vil
ég svara með nokkrum orðum.
Hann segir : „Ef byggtngarnar á
Seljalandi væru seldar, myndi verð
mæti þeirra borga mikið í nýju
fjósi á Kirkjubóli.“
Getur bústjórinn kallað það, að
búin leggi til fé í fjósbygginguna,
þó hægt yrði að koma upp 70 kúa
fjósi á Kirkjubóli, með því að
fórna öllu verðmæti Seljalands í
það ? M. ö. ö. gefa Kirkjubóli Selja-
land en gera þó jörðina Kirkjuból
litlu verðmætari sem bújörð eftir
en áður. Þá kallar bústjórinn það
,;hrakspú“ hjá mér að túnið á
Seljalandi myndi fljótlega leggjast
í órækt ef hætt yrði að hafa þar
skepnur.
Ég held að það segi sig nú sjálft,
að ef túnin á Seljalandi fá ekki
nægilegan áburð svo hægt sé að
halda þeim við meðan ennþá er
þúið þar með milli 40 og 50 stór-
gripi, en það eru Agnars eigin orð,
þá megi fara nærri um hvað yrði
ef hætt væri alveg að nota á þau
húsdýraáburð.
Mér finnst vera andlegur skyld-
leiki með hugmyndioni um sam-
einingu búanna og sögunni um
molbúana, sem grófu stóra gryfju,
en stóðu svo ráðþrota yfir því,
hvað gera ætti við uppmoksturinn.
Þar til einum þeirra hugkvæmd-
ist ráðið : Grafa bara aðra gryfju,
sem væri það stór að hún tæki
uppmoksturinn úr þeim báðum.
Ekki finnst bústjóranum mikið
koma til örlætis bæjarstjórnarinn-
ar í verkfærakaupum handa búun-
um. „Ein var bifreiðin keypt handa
búunum“ segir hann. Ýmsum mun
nú hafa sýnst í sumar að búið
muni ekki hafa haft aðkallandi
þörf fyrir þessa bifreið, því mest
af þeim tíma, sem bifreiðar koma
að verulegum notum hér á Vest-
fjörðum, var hún í allskonar flutn-
ingum fyrir bæinn öðrum en þeim,
sem koma búrekstrinum við.
Ég vil svo að endingu taka það
fram, ef verða mætti til að friða
þennan orðsjúka mann, að ég hef
ekki átt tal um búmál bæjarins við
nokkurp mann úr bæjarstjórninni.
Það er því ástæðulaus ótti sem hef-
ur gripið hann um að svo sé.
Ég býst við, að ég sé ekki tíðari
gestur í þeim herbúðum en hann
og getur hann verið alveg óttalaus
fyrir allri bakmælgi frá minni
hendi á þeim stöðum.
Hinsvegar finnst mér það ekki
nema eðlilegt og sjálfsagt, að bú-
stjórinn gefi bæjarbúum kost á að
sjá yfirlit yfir rekstur búanna svo
þeim gefist kostur á að fylgjast ör-
lítið með því hvernig búreksturinn
gengur og hvernig á því stendur,
að þau 879 bök sem hér verða að
bera uppi svo til alla skatta og
skyldur þessa bæjarfélags, þurfa
að borga svo þungan skatt til
búanna árlega.
Ég er bústjóranum að sjálfsögðu
mjög þakklátur fyrir eðallyndi
hans, að vilja víkja úr sæti fyrir
mér, en sá er bara ljóður á, að
ég finn enga hvöt hjá mér til að
moka þann flór, sem búskapur bæj
arins er nú að grafast í vegna mis-
taka á búrekstrinum .
óskar Sigurfisson.
--------O—-------
<"----——-----------------
Réttlætismál
orðáð að lögum.
Frumvarp Sjálfstæðis-
manna að eignaauki sá,
sem stafar af aukavinnu
er menn leggja fram utan
venjulegs vinnutíma til
þess að byggja íbúð til
eigin afnota, skuli ekki
talinn með sem tekjur og
skattlagðar á þann hátt,
voru samþykkt nýlega á
Alþingi.
Ennfremur felst í lög-
unum, að tekjuskattur
fyrir árið 1948 skuli á-
kveðinn í samræmi við
þessi ákvæði. —
Vinstri flokkarnir lögð
ust mjög gegn þessu rétt-
lætismáli á þingi, en
þorðu ekki að greiða at-
kvæði gegn því, nema
Páll Zóphóníasson.
Flutningsmenn frum-
varpsins voru Sigurður
Bjarnason, Gunnar Thor-
oddsen og Jóhann Haf-
stein.
--______________________»
94 menn vinna hjá Fjár-
hagsráði og deildum þess.
Upplýst hefir verið á Al-
þingi, að 94 menn vinni hjá
Fjárhagsráði, viðskiptanefnd,
verðlagseftirliti og skömmtun-
arskrifstofunni.
Skýrði Emil Jónsson ráð-
herra frá þessu á Sameinuðu
þingi nýlega, en fyrirspurn frá
Skúla Guðmundssyni hafði
verið lögð fram um þetta mál.
Launagreiðslur starfsmanna
Fjárhagsráðs og deilda þess
numu í j anúarmánuði s.l. rúm-
lega 200 þúsund krónum.
Dýrt er drottins orðið.
«i'sm»>r> -irrmnmmni-iri mi—«11— nntn n ni ru iiTrnwn»r ii«iuniM
STÚLKA ÓSKAST
í Hressingarskálann.
Upplýsingar gefur:
Bjarni Guðmundsson.
M U N í ©
Björgunarskútusjóð Vest-
fjarða. öllum fjárstuðningi
veitt móttaka hjá
Kristjáni Krist iánssijni,
Sólgötu 2. Isafirði.
Innilegar þakkir fyrir auðsýnda samúð við fráfall og
jarðarför Guðmundar Einarssonar.
Vandamenn.
Aðalfundur
Vélbátaábyrgðarélags Isfirðinga, verður haldinn á Uppsöhmi
sunnudaginn 10. apríl næstkomandi kl. 2 e.h.
Dagskrá samkvæmt II. kafla laga um vátryggingarfélög fyrir
fiskiskip.
ísafirði, 23. marz 1949
Stjórnin.

Tilkynnin>
til garðleigenda.
Þeim, sem hafa á leigu matjurtagarða i garðlöndum bæjar-
ins, er hér með tilkynnt að leigunni fyrir garðana verður að
þessu sinni veitt móttaka í bæj arskrifstofunni, en reikningar
ekki bornir til leigjenda.
Þann 1. apríl n.k. verður byrjað að taka á móti greiðslunum,
og eiga leigjendurnir rétt á görðiun sínum, ef þeir greiða leig-
una fyrir 1. maí n. k., eftir þann tíma verða þeir garðar sem
ekki hefir verið greitt fyrir leigðir öðrum, þar eð eftirspurn
eftir garðlöndum er mikil á liverju vori.
Þetta eru garðleigj endur beðnir að athuga.
Isafirði, 23. marz 1949
Skrifstofa bæjarsjóra,