Vesturland


Vesturland - 12.08.1949, Blaðsíða 1

Vesturland - 12.08.1949, Blaðsíða 1
®brs> a/éssrFmsxsfm ssúGFSsœsnsmxjm XXVI. árgangur Isafjörður, 12. ágúst 1949. 20. tölúblað. Kosningabomba Finns Jónssonar. ísafjörður undir opinhert eftirlit. Finnur Jónsson og félagsmálaráðuneytið bera ábyrgðina á greiðsluvandræðum ísafjarðarkaupstaðar. Hlægilegur pólitískur skrípáleikur. ísafjörður tekinn út úr öðrum bæjarfélögum og lagður í einelti. Vestmannaeyjar skulda Tryggingarstofnuninni á 4. hundrað þúsund krónur vegna ógreiddra framlaga til almanna trygginga. Ekki hefur heyrzt að setja eigi þær undir opinbert eftirlit. Þar ráða kratar og kommar. Siglufjörður skuldaði Tryggingastofnuninni um 230 þús. kr. um s. 1. aramót. I sumar lánaði Tryggingarstofnunin Siglufirði 300 þús. krónur, til að greiða framlög sin frá fyrri árum og hluta af framlagi ársins 1949. Þar ráða kratar. Þangað er sjálfsagt að lána. I fyrra var Isafirði neitað um hliðstætt lán hj á Tryggingar- stofnuninni og nú er Isafirði hótað opinberu eftírliti. Einstæður fréttaflutningur. Alþýðublaðið, blað félags- mála- og forsætisráðherrans, Stefáns Jóhanns, birti á 1. siðu s. 1. laugardag upptuggu úr Skutli, um fjárhag Isafjarðar með fyrirsögninni „Isafjarðar- kaupstaður settur undir opin- bert eftirlit vegna vanskila?". Þetta er aðalfrétt blaðsins þennan dag, sem vakti að von- um allmikla eftirtekt í Reykj a- vik. Það merkilega við þessa frétt er ekki það, að Isafjörður skuldi Tryggingarstofnuninni, þvi það gera flest bæj arfélögin, heldur það, að blað sjálfs fé- lagsmálaráðherra skuli á dólgs legan hátt taka eitt bæjarfélag, sem skuldar þessari stofnun, út úr og básúna að setja eigi það undir opinbert eftirlit, á sama tíma og fjöldi bæjarfé- laga eru í vanskilum við sömu stofnun, svo hundruðum þús- unda skiptir, eins og t. d. Vest- mannaeyjar og Siglufjörður, þar sem katarnir ráða, að mestu leyti. Finnur að verki. Menn spyrja hver stendur fyrir svona skrifum? Það er þingmaður Isafjarðar, Finnur Jónsson, sem um siðustu helgi tók þá örlagaríku ákvörðun að bjóða sig aftur fram til Alþing- is á Isafirði við væntanlegar haustkosningar. Alþýðublaðið birtir að sjálfsögðu ekki skrif um Isaf jörð, nema Finnur hafi þar hönd i bagga. Kosningalof- orðið hans Finns — fyrsta og væntanlega líka það siðasta — er þetta: Þið verðið sviptir meðferð eigin mála og settir undir opinbert eftirlit eftir ára- mótin. Isfirðingar, gjafir eru yður gefnar. Eru þið ekki þakklátir fyrir orðið. Hvað varðar Finn um það þó þessi skrif auki á erfiðleika Isaf jarð- ar og veiki lánstraust kaupstað arins, sem nauðsynlega þarf að fá lán, vegna vatnsveitunnar, rafveitunnar og skólabygging- anna? Ef hann getur skriðið inn á Alþing, þá er hann á- nægður. Svo mikil er ógæfa þessa valdagráðuga eiginhags- muna goggs, að hann virðist aldrei geta misst af einu ein- asta tækifæri, til að verða þessu bæjarfélagi og ibúum þess, sem lyft hafa honum, illu heilli, til æðstu mannvirðinga, til tjóns og erfiðleika. Hversvegna er Isaf jörð- ur í vanskilum við Tryggingarstofnunina. Isaf jörður hefur á siðustu ár- um, svo sem kunnugt er, ráðist í stórfeldar framkvæmdir, sem kostað hafa miljónir króna, svo sem m. a. skólabyggingar og vatnsveitu. Þessi mann- virki eru ekki aðeins byggð Framhald á 4. síðu. Finnur í iramboði * Nú hefur Finnur Jónsson, eftir mikið hik, ákveðið að bjóða sig aftur fram á Isafirði. Isfirðingar furða sig ekki á því, að þingmaðurinn hafi átt í nokkru sálarstriði áður en hann tók þessa ákvörðun. Móttökurnar, sem hann fékk hjá sínum eigin flokksbræðr- um á fundinum í Alþýðu- flokksfélaginu í vor, er honum væntanlega enn í f ersku minni. Þær eru ekki uppörfandi fyrir frambj óðandann. Ekki verða móttökurnar hjá bæjarbúum betri. Það á Finnur heildsali eftir að finna áþreifanlega. Furðulegt framboð. Framboð Finns Jónssonar hér á Isafirði er ósvífin móðg- un við Isafjörð. Með framboði þessa reykviska heildsala er brotin sú hefðbundna venja, sem aldrei hefur verið brotin, að þingmaður Isafjarðar sé ekki búsettur hér fyrir vestan. Allir þingmenn Isfirðinga, allt frá 1904, er Isaf jörður varð sér stakt kjördæmi, hafa verið bú- settir við Djúp. Jafnan þegar þingmenn Isfirðinga hafa flutt búferlum, hafa þeir hætt að bjóða sig fram. Þannig hætti Haraldur Guðmundsson þing- mennsku fyrir Isafjörð, er hann varð bankastjóri á Seyðis firði. Búsettur Isfirðingur, Vil- mundur Jónsson, læknir, bauð sig fram og náði kosningu. Þegar Vilmundur varð land- læknir og flutti til Reykjavík- ur bauð hann sig ekki fram aftur og Finnur Jónsson varð þingmaður Isfirðinga. Fyrir réttum þrem árum sagði Finnur Jónsson sig úr lögum við Isafjörð af fúsum og frjalsum vilja og flutti til Reykjavík. Hann hætti öllum i2s ^:;öft;-:;^Mí:^^ afskiptum af isfirzku atvinnu- lífi og gerðist heildsali í Reykj avik. Þar með var teningnum kastað. Með því afsalaði Finn- ur sér rétt til þingmennsku fyrir Isafjörð, fyrir fullt og allt. Þetta áfsal tók hann sjálf- ur svo hátiðlega, að hann hef- ur bókstaflega ekkert gert fyrir Isafjörð á þessum þrem- ur árum. Hann hefur þvert á móti, leynt og ljóst, barizt gegn hagsmunamálum þessa bæjar- félags i öll þessi ár. Það er nú öllum Isfirðingum deginum 1 j ósara. Þetta viðurkennir Finnur sjálfur beinlinis með því að þora ekki að halda hér leiðarþing og skýra frá gangi þingmála og gjörðum sínum fyrir kaupstaðinn, sem varla er von, gjörðir hans eru engar. Finnur Jónsson var kosinn þingmaður Isafjarðar í síð- ustu kosningum, sem ráðherra í vinsælustu ríkisstjórn þessa lands, með litlum meirihluta fram yfir frambjóðanda Sjálf- stæðisflokksins. Þa var kosið með eða móti þeirri rikisstjórn. Slíkan bakhjall hefur Finnur ekki lengur. Nú er hann grímu- laus niðui'rifsmaður gagnvart þessum bæ og reykvískur heild sali með rikisábyrgð. Hann hefur með því, að gefa kost á sér til þingmennsku, brotið hefðbundnar venjur, sem hvorki Haraldi Guðmundssyni eða Vilmundi Jónssyni datt í hug að brjóta, og er þó mikill mannamunur á þeim og Finni. Teningnum er kastað. Finnur mun koma, en Isfirðing ar munu ekki við honum líta. Finnur Jónsson skal f alla, er kjörorð allra Isfirðinga í þessum kosningum.

x

Vesturland

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vesturland
https://timarit.is/publication/633

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.