Vesturland - 24.12.1949, Blaðsíða 14

14
VESTURLAND
Ritstjóri og ábyrgðarmaður: Sigurður Bjamason frá Vigur
Skrifstofa Úppsölum, sími 193
Afgreiðsla og auglýsingar Hafnarstræti 12 (Uppsalir)
Verð árgangsins krónur 20,00
--------------------------.________________________________j
J Ó L
Um allan hinn kristna heim eru jólin haldin hátíðleg til minn-
ingar um fæðingu Jesú Krists. I svartasta skammdegi hins nor-
ræna vetrar höldum við Islendingar heilög jól. Við fögnum ekki
aðeins jólunum vegna þess boðskapar, friðar og kærleika, sem
þau boða heldur og vegna þcss, að þá hefur skammdegið náð
hámarki sínu og daginn tekur að lengja. Framundan eru lengri
og bjartari dagar, vorið og sumarið, sem allir þrá.
Einstaklingar og þjóðir þrá kærleik og frið, birtu og yl. Jólin
hoða okkur hinn eilífa boðskap friðarins. Þessvegna fagna
kristnar þjóðir jólunum öld eftir öld, hvort sem er stríð eða
friður. Jólaboðskapurinn er von mannkynsins um betri heim og
fegurra líf hér á jörðu.
Ungir sem gamlir fagna jólunum. En sérstaklega eru jólin þó
hátíð barnanna. Hið jdra er helgihald jólanna sérstaklega miðað
við það að gleðja þau og gera þeim dagamun, enda þótt full-
orðna fólkið njóti góðs af í misjafnlega ríkum mæli. Jólaannirn-
ar eru miklar, sérstaklega hjá húsmæðrunum, sem kapj)kosta
að gera heimilið sem vistlegast og fegurst, en enginn telur eftir
sér fyrirhöfnina. Jólagleði barnanna, yfir kertaljósunum og jóla-
gjöfum er svo einlæg og fölskvalaus, að hún snertir viðkvæm-
ustu og beztu taugar hvers hjarta og rifjar upp gamlar minn-
ingar um jól æskuáranna. Á jólunum verða flestir börn i vissum
skilningi, hrífast með börnunum og taka þátt í gleði þeirra og
hamingju og öðlast við það andlega sálubót. Það er hin innri
birta í sálum ungra og gamalla, sem er aðalsmerki jólanna. Sú
birta og sálubót mun berast frá kyni til kyns, svo lengi sem
kristin jól eru haldin helg.
Þegar islenzka þjóðin heldur jól að þessu sinni blasa við henni
miklir erfiðleikar, eins og flestum þjóðum. Árið sem er að líða
hefur um margt verið óhagstætt og veldur því m. a. að margir
munu bera minna í hátiðahaldið en stundum áður. En jólin eru
ekki síður velkomin fyrir því og þau verða haldin hátíðleg, eftir
efnum og ástæðum, á hverj u einasta heimili í landinu, í sveit og
við sjó. Það er ekki íburðurinn, dýrar gjafir og hlaðin borð, sem
skapa jólagleðina, heldur það hugarfar, sem gjöfunum fylgir og
veitir þeim móttöku.
Framundan eru lengri og bjartari dagar. Það er von okkar
allra, að með hækkandi sól megi hagur þjóðarinnar vænkast,
og hún una hamingjusöm og frjáls í okkar kæra landi.
Vesturland óskar lesendum sínum nær og fjær árs og friðar.
Máttur orðsins
Málsins göfga npphaf ómar
alltaf þegar dagur Ijómar,
endursögð um heiminn hljómar
Herrans slápun: Verði Ijós.
Orðin sundra öllum kvíða,
— eins og söngvar helgitíða —
vekja líf í alheims æðum,
orkustraum til lands og sjós.
Krafti máls um aldir alda
enginn sgngur verðugt hrós.
Þokur hæst í hæðum brunnu.
Hnettir ngjar brautir runnu.
Glóðu í mistri geislar sunnu.
Gengu í bglgjum lönd og haf.
Dreifði skuggum dagur feiminn.
Drottinn var að skapa heiminn.
Skipun hans, með helgikrafti,
himni og jörðu framtíð gaf.
Máttur orðs varð allra hluta
uppistaða og fgrirvaf.
Hjarðir krupu að lífsins lindum.
Löndin náðu föstum mgndum.
Gróður óx að efstu tindum,
alla leið frá sævarströnd.
Ægisbúum öldur sungu
ástarljóð á hafsins tungu.
Ár og lækir lendur skregttu
líkt og fögur silfurbönd.
Fossar þuldu ])gða sötigva,
þegttu úða um gróðurlönd.
Röðull 'vermdi grös á griindum,
geisla rétti vík og sundum.
Fuglar sungu t fögrum lundum,
færðu Drottni þakkargjörð.
Vizka og snilli voru að mætast.
Vonir stærstu áttu að rætast.
Mett af blessun láðs og lagar
lifði farsæl dgrahjörð.
Út úr mgrkri, auðn og tómi
ORÐIÐ seiddi fagra jörð.
Hreiðar E. Geirdal.