Vesturland - 30.11.1951, Blaðsíða 2

2
VESTURLAND
Ritstjóri og ábyrgðarmaður: Sigurður Bjamason frá Vigur
Skrifstofa Uppsölum, sími 193
Afgreiðsla og auglýsingar: Engilbert Ingvarsson, Hafnar-
stræti 12 (Uppsalir). — Verð árgangsins krónur 20,00.
Landhelgismálin.
Landhelgismálin eru nú þau mál, sem efst eru á baugi í ræðu og riti,
enda eðlilegt, þar sem þróun þeirra getur átt eftir að hafa úrslitaþýð-
ingu fyrir fjárhagslega afkomu þjóðarinnar. Um aldaraðir hefir aðal-
atvinnuvegur Islendinga verið sjávarútvegur og svo mun enn verða
um hríð. Landið okkar er gæðafátt, og erum við því neyddir til að sækja
nauðsynjar okkar til annara landa að sýnu meira leyti, en flestar aðr-
ar þjóðir. Þær neyzluvörur greiðum við með okkar afurðum. Og ef þess
er gætt, að 95% af öllum útflutningi okkar eru sjávarafurðir, þá er
ljóst, að lífæð okkar eru fiskimiðin umhverfis landið. Það er því eðli-
legt, að við höfum reynt að tryggja okkur sem bezt not af þeim og
reynt að friða miðin fyrir hættulegum veiðiaðferðum. 1 því augnamiði
hefur öll botnvörpuveiði verið stanglega bönnuð innan landhelgi og
dragnótaveiði mjög takmörkuð. Landhelgisgæzlan hefir mjög verið efld
á síðari árum. En betur má ef duga skal. Það er nú fullljóst orðið, að
strangar reglur um þriggja mílna landhelgi og öflug framfylgd þeirra
nægja ekki til þess að vernda fiskistofninn við landið. — Vegna þess
hversu land okkar og landgrunn er glögglega afmarkað frá öðrum
löndum og öll afkoma okkar svo háð fiskveiðunum, þá er eðlilegt, að
við teljum okkur eiga réttinn til að veiða á íslandsmiðum umfram aðrar
þjóðir, sem allar eiga betri landkosti.
Vegna margra ára ofveiði og rányrkju á fiskimiðunum er nú svo
komið, að full ástæða er til að óttast, að þau muni brátt til þurrðar
ganga. Hugsandi mönnum er fyrir allöngu orðið ljóst, að við svo búið
mátti ekki standa. Því var það, að Jóhann Þ. Jósefsson, þáverandi
sjávarútvegsmálaráðherra, fékk staðfest á Alþingi 1948 lög um vís-
indalega vemdun fiskimiða landgrunnsins. Samhliða því beitti Pétur
Ottesen sér, ásamt öðrum, ötullega fyrir því að fá alþjóða samþykkt
fyrir friðun Faxaflóa. Strandaði það mál aðallega á andstöðu Breta,
sem töldu málið tekið upp á röngum grundvelli. í beinu framhaldi af
því var sagt upp samningnum frá 1901, sem Danir gerðu við Breta,
og skuldbatt íslendinga til að halda ekki fram meira en þriggja mílna
landhelgi gegn Bretum. — Á sama tíma og lögin um verndun fiski-
miðanna áttu að koma til framkvæmda, kærðu Bretar Norðmenn fyrir
alþjóðadómstólnum í Haag, vegna þess að Norðmenn höfðu látið koma
til framkvæmda lög um landhelgi, sem voru með líku sniði og íslend-
inga. Halda Bretar því eindregið fram, að engin þjóð hafi rétt til að
ákveða landhelgi sína sjálf, heldur yerði þar að koma til alþjóðasam-
þykkt.
En við fslendingar trúum því ekki fyrr en í fulla hnefana, að Bretar
muni að engu hafa jafn sjálfsagða réttlætiskröfu smáþjóðar, sem krafa
okkar um umráðarétt yfir landgrunninu er.
Jafnvel þótt úrskurður dómstólsins í Haag verði á þá lund, að okkur
sé ekki heimilt að ákveða sjálfir landhelgi okkar að svo miklu leyti,
sem við getum sætt okkur við, þá treystum við því, að Bretar verði
ekki þrándur í götu þess, að við megum ná rétti okkar.
Það er samt vonandi að við þurfum ekkert undir Bretum að eiga
í þessu máli. Okkur mun finnast kynlegur úrskurður alþjóðadómstóls
þess efnis, að frjáls og sjálfstæð þjóð þurfi að sækja það undir aðrar
þjóðir, hver lög hún vilji láta gilda um eign hennar, og það því fremur,
sem þannig er háttað, að um úrslitaþýðingu fyrir afkomu hennar get-
ur verið að ræða.
Krafa okkar tii algjörra yfirráða yfir landgrunninu er reist á óyggj-
andi rétti okkar til að ráða Iandi okkar sjálfir.
Ég þakka hjartanlega bömum mínum, barnabömum og öllum
þeim, er á ýmsan hátt sýndu mér heiður og vinarhug á 70 ára
afmæli mínu þann 14. þ.m., með heimsóknum gjöfum og skeytum.
Guð blessi ykkur öll.
Vogum, 25. nóvember 1951,
Guðjón Sæmundsson.
Utgerðarmenn — Velstjórar
Biireiðaeigendur!
Sparið
Eldsneyti — Viðgerðarkostnað og Vélahreinsanir
Notið
SMURNIN GSOLlUR
Aðalumboð fyrir Sinclair Refining Co., New York
OLÍUSALAN H.F.
Reykjavík
SINCLAIR — umboðið á Isafirði:
Matthías Bjarnason, sími 155
llllllllllllllllllllllllllllllllllllllllllllllllllllllllllll■llltllllllllll■
1 NÝKOMIÐ: |
| Bátaofnar |
| Scandia-eldavélar
| Þvottapottar |
Gólfdúkar |
| Von er á gólfpappa. |
Verzlun |
| Elíasar J. Pálssonar, |
ísafirði.
Íiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
NÝKOMIÐ:
OLIULITIR í smekklegum
kössum. Verð kr. 120,00 og
' kr. 58,00.
VAXLITIR
TRÉLITIR
Litabækur í miklu úrvali.
BÓKABÚÐ
Matthíasar Bjarnasonar.
HÖFUM nýtízku vinnuspar-
andi vélar til að:
FRÆSA og
SLIPA ventla og
BORA CT cylindra í bif-
reiðavélum, landbúnaðar-
vélum, snurpibáta, trillu-
báta og öðrum smærri
vélum.
Látið okkur gera við vélarn-
ar í tæka tíð.
VÉLSMIÐJAN
ÞÓR H.F.
fsafirði — Sími 41.
HÁRGREIÐSLUDAMA
verður hér með permanent fyrri
hluta desembermánaðar. Tekið á
móti pöntunum.
Anna Jónsdóttir,
Austurveg 12 — Sími 107.
V