Vesturland


Vesturland - 31.10.1960, Blaðsíða 1

Vesturland - 31.10.1960, Blaðsíða 1
&jG&s> 2/és3"FWZxm 83úGFsaræ$»sMæam XXXVn. árgangur. ísafjörður, 31. október 1960. 10.—11. tölublað. Nýr flugvöllur á ísafirði. Þáttaskil i samgöngumálum Vestf irðinga Sunnudaginn 2. október s.l. var flugvöllurinn á Skipeyri við Skutulsfjörð opnaður til afnota. Gljáfaxi Flugfélags Islands flaug þessa fyrstu ferð til Isaf jarðar og leysti þar með Katalínaflugvél Flugfélagsins af hólmi. Frá því að flugsamgöngur hóf- ust við ísafjörð hafa eingöngu verið notaðar sjóflugvélar. Það er því merkur áfangi í samgöngumál- um okkar þegar tekin er í notkun landflugvél á flugleiðinni ísafjörð- ur—Rey k j aví k. Þegar Gljáfaxi lenti á Skipeyr- arflugvelli var þar saman kominn mikill f jöldi manna frá isafirði og byggðunum í nágrenninu. Með flugvélinni kom Ingólfur Jónsson, flugmálaráðherra, ásamt fleiri forvígismönnum flugmál- anna. Agnar Kofoed-Hansen, flug- málastjóri, kom ásamt fleirum með sjúkraflugvél Björns Pálsson- ar, sem lenti rétt á undan Gljá- faxa. Ræða Birgis Finnssonar. Þegar Gljáfaxi var lentur og gestir höfðu stigið út úr flugvél- inni kvaddi Birgir Finnsson, for- seti bsejarstjórnar Isiafjarðar, sér hljóðs. Bauð hann ráðherra, gesti og áhöfn flugvélarinnar velkomna. Hann gat þess að ungur ísfirzkur menntamaður, Hjálmar R. Bárð- arson, núverandi skipaskoðunar- stjóri, hafi fyrir nær því 2 ára- tugum bent fyrstur manna á þann möguleika að byggja flugvöll á Skipeyri. Þá gat hann þess enn- fremur, að þar sem flugvöllurinn stendur nú, eða við nyðri enda hans, hefði farið fram síðasta galdrabrenna á íslandi þegar séra Jón Magnússon, þumlungur, prest- ur á Eyri í Skutulsfirði lét brenna Kirkjubólsfeðga fyrir galdra. Völlurinn opnaður. Þegar Birgir hafði lokið máli sínu tók Ingólfur Jónsson flug- málaráðherra til máls. Hann nakti sögu flugmálanna á íslandi frá upphafi. Þakkaði hann Flugfélagi Islands þann mikla skerf, sem það hefur lagt samgöngumálum okkar Islendinga. Flugfélagið hefur rof- ið einangrun þeirra byggðarlaga, sem verst hafa verið sett með siamgöngur. Ráðherrann sagði, að nú væru 25 flugvellir hér á landi og auk þess yfir hundrað sjúkra- flugvellir. Að lokum þakkaði hann öllum þeim, sem við flugvöllinn hefðu unnið og stuðlað að því að þessi áfangi hefði náðst í sam- göngumálum Vestfirðinga. Lýsti hann því síðan yfir að Skipeyrar- flugvöllur væri opnaður til um- ferðar, og bað þess, að: ,,Hann, sem valdið hefur, haldi verndar- hendi sinni yfir þeirri starfsemi, sem hér fer fram." Flugbrautin 1100 metrar. Ekki er ennþá fulllokið við að gera flugvöllinn. Nú þegar er lok- ið við að gera 1100 metra langa flugbraut, en fyrirhugað er að hún verði 1400 metra löng og 60 metra breið. Brautin er malarborin, en ætlunin er að malbika hana eða steypa. Nú þegar hefir farið 170. 000 rúmmetrar að jarðefni í völl- inn. Kostnaðaráætlun og teikning- ar gerði Ólafur Pálsson, verkfræð- ingur, og hefur kostnaðaráætlunin staðist. Nú við opnun vallarins er búið að verja í hann 4,8 millj. kr. en áætlað er að fullgerður kosti hann 7 milj. króna. Verkstjóri við flugvöllinn var Júlíus Þórðarson. Boð bæjarstjórnar. Þegar vígsluathöfn var lokið bauð Flugfélagið bæjarfulltrúum, verkamönnum við flugvöllinn og nokkrum fleiri, í stutta flugferð og var flogið inn fyrir Vigur. Bæjarstjórn bauð gestum til samsætis að Uppsölum. Voru margar ræður fluttar þar. ísafjarðarbær hefur stuðlað að framgangi þessa máls með því að leggja land undir flugvöllinn, end- urgjaldslaust. Fnndur Siálfstæðismanna um landhelgismálið Sjálfstæðismenn á Isafirði héldu sameiginlegan fund að Uppsölum, sunnudaginn 23. október s.l. Á fundinum mætti Bjarni Benediktsson, dómsmálaráðherra, og ræddi hann landhelgismálið. Matthías Bjarnason, varafor- maður fulltrúaráðs Sjálfstæðisfé- laganna á ísafirði, setti fundinn. Bauð hann Bjarna Benediktsson, dómsmálaráðherra, velkominn til ísafjarðar. Ennfremur bauð hann fundiarmenn velkomna og þá eink- um þá nágranna okkar, sem komn- ir voru úr þorpunum í nágrenni Isafjarðar. Bað hann siðan Guð- finn Magnússon að vera fundar- stjóra og Jón Pál Halldórsson fundarritam. Bæða dómsmálaráðherra. Fundurinn hófst síðan á því, að dómsmálaráðherrann flutti ræðu um landhelgismálið. I upphafi máls síns gat hann þess, að í þessu máli hafi verið hafður uppi einhliða áróður af hendi stjórnarandstæðinga. Á með- an á viðræðunum stóð taldi ríkis- stjórnin sér ekki fært að koma fram með neitt það, sem veikt gæti málstað okkar Islendinga. Ráðherrann kvaðst vilja bæta nokkuð úr þessu með því að skýra frá gangi landhelgismálsins frá því að friðunarlínan var færð út í 12 mílur hinn 1. september 1958. Hann lagði áherzlu á það, að Fyrsti heiðursborgarinn Sunnukórinn og sóknarnefnd Isaf jarðar gengust fyrir samsæti í tilefni þess að Jónas Tómasson, tónskáld, átti fyrir nokkru 50 ára afmæli sem orgelleikari við Isa- fjarðarkirkju. Samsætinu stjórn- aði Einar B. Ingvarsson, formað- ur sóknarnefndar. Sunnukórinn söng lög eftir Jónas Tómasson undir stjórn Ragnars H. Ragnar. Jónas var aðalhviatamaðurinn að stofnun Sunnukórsins, en hann var stofnaður árið 1934. Auk þess hefur hann starfað mikið að söng- málum Isafjarðar auk þess hefur hann átt lengi sæti í sókn- arnefnd og starfað mikið að bind- indismálum. Ræður fluttu séra Sigurður Kristjánsson, Elías Pálsson og Bjarni Guðbjörnsson, varaforseti bæjarstjórnar. Hann afhenti Jón- asi heiðursborgaraskjal frá bæj- arstjórn Isafjarðar. Jónas Tómasson er fyrsti ís- firðingurinn, sem bæjarstjórnin gerir að heiðursborgara. Islendingar ættu nú í illvígri deilu við Breta, sem fyrr eða síðar gæti leitt til mannfórna, ef ekkert væri að gert til að firra vandræðum. Spurningin er því sú, á hvern hátt er hægt að leysa þetta vanda- mál án þess að fórna nokkru af því,. sem þegar hefur áunnizt í málinu. „Við höfum sigrað í landhelgis- málinu" sagði ráðherrann, „en lát- um ekki sigur snúast upp í ó- sigur, en það gerum við ef okkur tekst ekki að leysa deiluna við Breta." Hann sagði að málin stæðu þannig nú lað verið væri að kanna alla þá möguleika, sem tryggt gætu okkur fullan yfirráðarétt yfir fiskyeiðilögsögu okkar. Að lokinni ræðu ráðherrans tóku til máls Kristján H. Jónsson, Matt- hías Bjarnason og Ásberg Sigurðs- son. Fundinn sátu um 100 manns.

x

Vesturland

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vesturland
https://timarit.is/publication/633

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.