Vesturland - 10.05.1974, Blaðsíða 2
2
'lllllllllllllllillllllllllllllllllllllllllllllllllllllllllllllllllllllllllllllllllliillliillllllllliillllllllillllllllllllllllllllllllllli
Guðmundur H. Ingólfsson:
Treystum stunstöðu — Byggjum upp
| Útgefandi: Kjördœmisráð Sjálfstæðisflokksins í Vest- |
1 fjarðakjöræmi. 1
| Blaðnefnd: Úlafur Pórðarson, Isafirði, Guðmundur Agn- |
| arsson, Bolungarvík, Iialldór Bernódusson, Suðureyri, |
= Hafsteinn Davíðsson, Patreksfirði, Sigurður Sv. Guð- =
| mundsson, Hnífsdal. =
1 Ábyrgðarmaður: Finnur Tli. Jónsson.
| Afgreiðsla: Uppsölum -— Sími 3062. |
| Prentstofan Isrún hf., Isafirði. =
lll!llllllll!IIIIIIIIIII!II!IIIIIIIIIIIIIi:il!lllllllllll!llllllll!ll!lllllllll!ll!l!lllll!llllllll!lll!ll!ll!ll!l!lll!llll!llllllllllliri
Lýðræðið fótum troðið
Þingrof og nýjar kosningar til Alþingis 30. júní n.k.
Þjóðkjörnir þingmenn sviptir umboði.
ÞEIR FURÐULEGU atburðir hafa nú gerzt, að forsætis-
ráðherra, sem ekki nýtur trausts meirihluta Alþingis, rýfur
þing og sendir þingmenn heim, en ætlar síðan, ásamt komm-
únistum, að stjórna landinu með tilskipunum og bráðabirgða-
lögum.
Vinstri stjórnin hefur nú komið efnahagsmálum landsins
í slíkt öngþveiti, að gera verður stórfelldar efnahagsráðstaf-
anir, ef útflutningsframleiðslan á ekki að stöðvast á næstu
vikum.
Ástandið á þó eftir að versna að mun, þegar verðbólgan
nær hámarki síðari hluta ársins.
Vinstri stjórnin, sem lofaði í málefnasamningi sínum: —
að halda niðri verðbólgunni — að nota ekki gengisfellingar
— að lækka vexti — að jafna launakjörin í landinu — hefur
gjörsamlega svikið öll þessi atriði.
Verðbólgan hefur aldrei leikið jafn lausum hala. Beitt
hefur verið gengisfellingum, og nú er nýjasta úrræðið „að
láta gengið síga“ og það gerist nú daglega. Vextir hafa
verið hækkaðir og enn stórkostlegri vaxtahækkun er í að-
sigi. IMýgerðir kjarasamningar, sem þrír ráðherranna tóku
þátt í að leysa, leiddi til þess að launamisréttið varð mun
meira en áður. „Kjarabótin" fór beint út í verðlagið og
gufaði upp, áður en fyrstu launaumslögin voru opnuð.
Þetta eru afrek vinstri stjórnarinnar, sem kallaði sig
„stjórn hinna vinnandi stétta".
Þetta er önnur vinstri stjórnin, sem gefst upp við að leysa
efnahagsmálin, eftir að hafa komið þeim í öngþveiti.
Er nú ekki nóg komið? Finnst fólki nú ekki fullreynt?
Almenningur hefur að undanförnu fylgst með uppgjörinu
á þessu „kærleiksheimilií'.
Ráðherrarnir hafa komið fram í fjölmiðlum og gefið yfir-
lýsingar, sem gjörsamlega stangast á. Þeir hafa borið hvern
annan lyga- og svikabrigzlum, þó að enn eigi eftir að hitna
að mun í kolunum, þegar nær dregur kosningum.
„En bróðernið er flátt mjög, og gamanið er grátt" — og
þar vegur hver annan, án nokkurrar góðsemi — má segja
um samstarf vinstri flokkanna.
Er nokkur furða, þótt margt fari úrskeiðis, þegar starfað
er af slíkum óheilindum.?
Framundan eru nú tvennar kosningar.
Bæjarstjórnarkosningar 26. maí og Alþingiskosningar 30.
júní n.k.
Nú hafa kjósendur tækifæri, til þess að gera upp hug sinn
og segja álit sitt.
Nú er tækifærið til þess að veita ríkisstjórnarflokkunum
öllum verðuga ráðningu og velja trausta og heilsteypta for-
ystu sjálfstæðismanna í bæjarstjórn og á Aiþingi.
EFTIR bæjarstjórnarkosning-
arnar 1971 gerðu vinstri flokk-
arnir ítrekaðar tilraunir til
myndunar meirihluta um
stjórn bæjarmála, en iþær til-
raunir urðu árangurslausar,
þar sem alla samstöðu vant-
aði. Mönnum er áreiðanlega í
fersku minni það sem þá
gerðist, og óþarfi að rifja það
upp.
Sjálfstæðismenn tóku þvi
forustu um myndun meiri-
hluta og tókst samkomulag
um meirihluta með þeim,
Samtökum frjálslyndra og
vinstri manna og Alþýðu-
flokknum. Frá því í júlí 1972
er málefnasamningur þessara
flokka var undirritaður hefur
verið fullt samkomulag um
meðferð hinna ýmsu mála, og
framkvæmd málaefnasamn-
ingsins að verulegu leyti lok-
ið. Sjálfstæðismenn hafa veitt
þessum meirihluta örugga
forustu, og samstarfsaðilar
allir verið einhuga um að tak-
ast á við umfangsmikil og
vandasöm verkefni. Öllum sem
að þessu samstarfi stóðu var
það fullkomlega ljóst að þetta
stutta kjörtímabil yrði að
nota til að undirbúa og skipu-
leggja framtíðaruppbyggingu
hins unga sameinaða sveitar-
félags.
Nú þegar þessu kjörtíma-
bili er að ljúka, er sjálfsagt
að staldra við og hugleiða
hvort markmiðinu, sem að
var stefnt, sé náð. Ég heid að
það dyljist engum sem vill
skoða þessi mál af raunsýni
og sanngirni, að verulegum
áföngum hefur verið náð, til
þess að hægt sé að
hefja skipulegar framkvæmd-
ir þeirra stóru verka sem
framundan eru. Hitt skal hins
vegar fúslega játað, að engu
lokamarki er náð þó skipulega
hafi verið að unnið, og auð-
veldara sé að vinna að þess-
um verkefnum í næstu fram-
tíð, heldur en ef ekki hefði
verið búið að vinna þau und-
inbúningsverk sem nú er lokið
við.
Það er vert að leggja á það
mikla áherzlu, að þegar velja
á menn til bæjarstjórnar-
starfa nú, ber að taka tillit
til þess að þeir taka við þess-
um störfum af núverandi bæj-
arfulltrúum, og þeim ber að
halda starfinu áfram, enda
verður ekki séð að annað sé
hægt. Starf þeirra sem sitja
í bæjarstjórn næstu fjögur
ár verður miklum mun auð-
veldara, og vænlegra til
sýnilegs árangurs heldur en
starf núverandi bæjarfulltrúa.
Það dylst engum að nú rík-
ir meiri festa og öryggi í
fjármálum bæjarsjóðs en oft
áður. Innheimta hefur lagazt,
þó að hún sé enn ekki nógu
góð, og tekizt hefur að end-
urvekja traust lánastofnana
og viðskiptaaðila á bæjar-
sjóði
Framkvæmdir bæjarsjóðs
hafa á s.l. tveimur árum ver-
ið miklar, ef litið er á þau
stóru verkefni sem unnið hef-
ur verið að og eru nú að
komast á lokastig undir
framkvæmdir. Þessi verkefni
eru m.a.:
Gerð aðalskipulags, deili-
skipulags ýmissa bæjarhverfa,
undirbúningur að uppbygg-
ingu heilbrigðismála og dval-
arheimili aldraðra, áætlanir
að varanlegri gatnagerð, end-
urnýjun á vinnuvélum bæjar-
ins, byggingu sorpeyðingar-
stöðvar, hafnarframkvæmd-
um o.fl.
Allir þessir liðir hafa kost-
að bæjarsjóð milljónir króna
nú þegar, því flest þessi und-
irbúningsverkefni eru á loka-
stigi, og væntanleg bæjar-
stjórn verður að taka ákvörð-
un um framkvæmdir.
Þó samvinna núverandi
meirihluta hafi verið góð og
eining ríkt um að vinna með
skipulögðum hætti að fram-
gangi þessara mála, þá hefur
áhugaleysi og algjört vilja-
leysi minnihlutans um fram-
gang bæjarmála verið heldur
letjandi en hvetjandi á með-
ferð málanna. Minnihluti sem
sinnir ekki þeirri skyldu sinni
að fylgjast með störfum
meirihlutans, hvað þá að
halda uppi eðlilegri gagnrýni,
bregzt þeim skyldum sem á
honum hvíla, og verður utan-
gátta í öllum málum. Þannig
er einmitt komið fyrir minni-
hlutanum í bæjarstjórn ísa-
fjarðar nú.
Ég ítreka það að samvinna
sjálfstæðismanna og sam-
starfsaðila þeirra í bæjar-
stjórn hefur verið með eðli-
legum hætti, og fullt traust
ríkt milli aðila. Nú hafa
þessir samstarfsflokkar Sjálf-
stæðisflokksins myndað sam-
eiginlegt framboð, með nokkr-
um svonefndum óháðum borg-
urum. Þessir flokkar stefna
því alveg ótvírætt að því að
mynda vinstri meirihluta eft-
ir þessar kosningar, svo fremi
að þeir fái fylgi.
Nú verða kjósendur því að
gera það upp við sig, hvort
þeir vilja afhenda stjórn bæj-
arfélagsins í hendur sundruð-
um öflum vinstri flokkanna,
eða kjósa ábyrga bæjarstjórn
sjálfstæðismanna.
Treystum því samstöðu um
lista Sjálfstæðisflokksins. Fel-
um einum ábyrgum aðila
stjórn bæjarins, hrindum af
stað framkvæmdum sem gera
ísafjörð meiri og betri bæ
um alla framtíð. Skipulegar
framkvæmdir á vegum bæjar-
sjóðs eru forsenda þess að hér
fjölgi fólki og að áfram ríki
hér sú almenna gróska er nú
ríkir. Sundraðir vinstri flokk-
ar byggja ekki upp. Þeirra
starfsþrek fer í innbyrðis
deilur og átök.
Treystum samstöðu. —
Byggjum upp — eru eink-
unnarorð hvers þess bæjarbúa
sem vill vinna heilshugar að
uppbyggingu ísafjarðar.
Kjósum lista Sjálfstæðis-
flokksins.
Guðmundur H. Ingólfsson.
Jón Ben Ásmundsson:
Höldum vöku okkur
Fátt er ofar í hugum okkar
eða oftar á vörunum en veðr-
ið.Ýmist bölvum við því eða
blessum það. Þetta er e.t.v.
eðlilegt, enda grípur veðrið
svo mjög inn á okkar daglega
líf. Það eru einnig tveir aðrir
þættir, sem mjög verða á
milli tanna okkar, en það er
ríki og bær. Sjaldan eru þess-
ir aðilar blessaðir. En hvers-
vegna erum við á móti þeim?
Þetta erum við þó sjálf. Er
þetta vani, eða erum við
svona bölvuð? Sjálfsagt er
hvort tveggja til, en ég held
þó, að hér sé um að ræða
vanþekkingu og áhugaleysi.
Vanþekkingu á þörfum og
nauðsynlegum störfum og á-
hugaleysi á málefnunum. —
Fjórða hvert ár, eða oftar ef
þurfa þykir, er þetta áhuga-
leysi vakið eða reynt að vekja
það. Það þarf misjafnlega
mikið fyrir því að hafa að
vekja okkur við sofum ekki
öll jafn laust.
Nú er enn kominn fótaferða-
tími, þó að ekki séu liðin
fjögur ár frá síðustu kosning-
um hér. Enn stöndum við
frammi fyrir því að velja úr
okkar hópi fulltrúa til að
standa fyrir störfunum næstu
fjögur árin, svo að hinir megi
hverfa aftur til Þyrnirósar-
svefnsins. Vakni einhver fyrr
er gagnrýnin uppi og öllum
bölvað fyrir slóðaskap og
iðjuleysi. Þannig gengur þetta
fyrir sig í stórum atriðum ár
eftir ár. Vissulega er þetta
svolitið ýkt, en öll þurfum við
að halda vöku okkar. Við
verðum að fylgjast með sem
flestu er okkur varðar, taka
þátt í störfunum, svo að á-
rangurinn komi fljótt í Ijós
og verði sem mestur. Það
verður að virkja sem víðast
og sameina aflið. Bæjarstjórn
hverju sinni verður að virkja
bæjcirbúa, ná til sem flestra.
Frá þeim fást nýjar og nýjar
hugmyndir, nýir möguleikar
til bættrar þjónustu og auk-
innar velferðar. Slíkt hefur,
sem betur fer, tekizt áður í
ýmsum málum, en betur má
ef duga skal.
Sjálfstæðisfólk í bæjar-
stjórn mun vinna ötullega í
öllum slíkum málum. Upplýs-
ingastarfsemi verður haldið
uppi með ákveðnum viðtals-
tímum bæjarfulltrúa, þar sem
öllum er opin vettvangur með
þau vandamál og áhugamál
sín, er varða bæjarfélagið og
rekstur þess.
Þannig teljum við að gott
samband náist, sem geti orðið
flestum til góðs.