Vesturland - 16.06.1974, Blaðsíða 5

SjStis) zísymœTo&i ssnawwisxnxM
5
Engilbert Ingvarsson, Tirðilmýri:
Sjálfstæðisstefna - Vinstri stefna
Nú er komin dýrkeypt reynsla
af vinstri stefnu í íslenzkum
stjórnmálum, það er því auð-
velt að velja í kosningunum
30. júní n.k. Fólkið í landinu
þarf að kjósa styrka
fjármálastjórn, lýðræðislegt
stjórnarfar og ábyrga forystu
þjóðmála, það velur því sjálf-
stæðisstefnuna og kýs D-list-
ann.
Sjálfstæðisstefnan boðar
frjálshyggju, sem felur í sér
valddreifingu og raunverulegt
lýðræði. Frjálst markaðskerfi,
sem gerir framleiðendum
kleift að haga framleiðslu eft-
ir þvá sem hagkvæmast er og
þar með stuðla að meiri verð-
mætasköpun, en veitir neyt-
endum frjáist vöruval er býð-
ur upp á frjálsa verðmyndun.
Að sjálfsögðu þarf styrka
landsmálastjórn og lýðræðis-
legt stjórnskipulag, sem þegn-
arnir geta treyst til þess að
frjálshyggja fái notið sín til
fulis.
Vinstri stefna leiðir til
skipulagshyggju, sem þýðir
miðstjórnarvald og afleiðing-
in verður haftastefna og
þvingandi afskipti ópersónu-
legs ríkisvalds. Vinstri menn
tala um aukna samneyzlu, án
tillits til þjóðartekna, sem
þýðir hærri skatta og sífellt
meira fjárstreymi um ríkis-
sjóð og ríkisstofnanir. Þeir
tala í orði kveðnu um dreif-
ingu válds, en ótvíræð dæmi
sanna hver framkvæmdin er,
nefndir skipaðar af pólitísk-
um ráðherrum f jalla um margs
konar málefni í umboði ríkis-
valdsins í stað fulltrúa, sem
borgaramir sjálfir ættu að
kjósa. Auðsæ er stefna enn-
verandi ríkisstjórnar í raf-
orkumálum, óhagkvæmar og
ótímabærar samtengingarlín-
ur á milli landshluta eru
byggðar fyrir hundruð mill-
jóna, til að efla ríkisrekna
rafdreifingu, en rafveitum
sveitarfélaga neitað um fjár-
magn til framkvæmda.
Valddreifingarstefna sjálf-
stæðismanna miðar að því að
ákvarðanataka og fjármála-
ábyrgð fylgist að og sé sem
mest útí í héruðunum, hjá
fólkinu sjálfu og félagsstarf-
semi þess. Ríkið á að vera
til þjónustu fyrir fólkið og
mynda almennan grundvöll
efnahagsmála, en ekki vasast
í atvinnurekstri.
Sjálfstæðisflokkurinn vill
aukið sjálfsforræði sveitarfé-
laganna í stjórnsýslukerfinu.
Sveitarfélögin og þjónustufyr-
irtæki þeirra eiga að hafa á
hendi verkefni, sem eru í
nánum tengslum við borgar-
ana, en til þess þarf að tryggja
iþeim örugga tekjustofna. Með
því móti á hver og einn að
geta haft bein áhrif á gang
mála. Þvi ber að efla sveitar-
félögin svo þau séu þess
megnug að takast á hendur
aukin verkefni. — Á það
einkum við um fámenn-
ustu hreppana. Sveitahrepp-
arnir verða útundan í
stjórnsýslukerfinu séu þeir
ekki jafnokar kaupstaðanna,
það bitnar á sveitafólkinu.
Minnstu hreppsfélögin verða
að sameinast eða hafa sterka
samvinnu um sameiginlega
fjármálastjórn.
Byggðastefna á að miða að
því að draga úr rikisrekstri
og verkefnum ríkisstofnana
eða færa starfsemi þeirra út
á landsbyggðina, en auka
verkefni sveitarfélaga og
fólksins í dreifbýlinu. Byggða
stefna og framkvæmd byggða-
áætlana verður að byggjast
á framtaki landsbyggðar-
manna en ekki skipulagningu
ofan frá. Með því móti fást
góðir starfskraftar, tækni-
menntaðir menn og sérþekk-
ingin út á landsbyggðina. Það
verkar hvetjandi á fram-
kvæmdir og frumkvæðis-
vilja einstaklinga, fyrirtækja
og sveitarfélaga, eflir þrótt
og þor fólksins og treystir
byggðina.
í þekkingunni er fólgið afl,
því má sérfræðimenntunin
ekki safnast í samiþjappað
vald á höfuðborgarsvæðinu,
það verður að dreifa þekking-
unni.
Sjálfstæðisflokkurinn vill
vernda einstaklinginn fyrir
ofríki ríkisvalds, flóknu stjórn
kerfi, fjarstýrðum áætlanabú-
skap,. og pólitísku miðstjórnar-
valdi.
í þessari stuttu grein er
ekki tækifæri til að nefna
vestfirzk dæmi, en ég vil
minna á sjávarútveg og fisk-
iðnað, undirstöðuatvinnuveg-
inn. Alldr sjá að þessi atvinnu-
vegur væri ekki betur kominn
undir forsjá ríkisins. Það er
fyrst og fremst að þakka
nánum tengslum og lífrænu
starfi fólksins við fiskfram-
leiðsluna að árangur er góður.
Fólkið sjálft, sjómenn, útvegs-
menn og þeir sem vinna hjá
fyrirtækjunum og veita þeim
forstöðu, þekkja sjávarútveg
frá blautu barnsbeini, það
væri ekki betur gert undir
stjórn pólitískra kommissara.
Ég get ekki stillt mig um
að nefna Inn-Djúpsáætlun,
sem stendur mér nærri og
er nú að -komast á fram-
kvæmdastig. Framkvæmdaá-
ætlun þessi er fyrst og fremst
sprottin frá bændunum sjálf-
um. Það er á almennum fé-
lagsfundi bænda í ræktunar-
sambandinu hér, að samþykkt
er tillaga um athugun þess-
ara mála. Oddvitar, sveitar-
stjórnarmenn og formenn
búnaðarfélaganna fjalla svo
um málið og semja um það
erindi til Stéttarsambands
bænda. En áður hafði stjórn
Búnaðarfélags íslands fjallað
um tillöguna og farið fram
á aðstoð Landnáms ríkisins.
Málið var svo tekið fyrir og
samþykkt hjá Búnaðarsam-
ibandi Vestfjarða og Fjórð-
ungssambandi Vestfjarða.
Eftir að allir þessir aðilar
höfðu lýst eindregnum stuðn-
ingi við Inn-Djúpsáætlun lagði
landnámsstjóri frumdrög fyr-
ir almennan fund bænda í
Reykjanesi 19. júní 1972, þar
sem málið fékk mjög góðar
undirtektir og órofa stuðning
allra bænda á svæðinu. Það
er fyrst að þessum undirbún-
ingi loknum, að bændanefnd
ásamt landnámsstjóra leggur
áætlunartillögur fyrir alþing-
ismenn Vestfjarða, landbún-
aðarráðherra og Fram-
kvæmdastofnun ríkisins.
Þannig er Inn-Djúpsáætlun
algjör nýjung í byggðaáætl-
unum og landbúnaðarstefnu
og getur orðið fordæmi að
slíkri áætlanagerð. Hún er
byggð á fersku upplýsinga-
streymi viðkomandi einstakl-
Engilbert Ingvarsson
inga og á að gefa heildarsýn
yfir alhliða þróun mála.
Framkvæmdaáætlun þessari
er ætíað að vera ráðgefandi
um nýtingu landsins og hag-
nýta framleiðslu. Hún á að
stuðla að velferð íbúanna,
styrkja sjálfstætt frumkvæði
bænda og efla félagslegt
framtak og samtakamátt.
Inn-Djúpsáætlun er ekki
komin frá pólitísku miðstjórn-
arvaldi og er því ekki skipu-
lagsþvingandi um framkvæmd
ir eða framleiðslu.
Inn-Djúpsáætlun er í sam-
ræmi við frjálshyggju, hún er
gerð að frumkvæði fólksins
og sniðin að þörfum þess og
vilja.
Styrkjum stöðu Sjálfstæð-
isflokksins í landinu.
Eflum raunhæfa byggða-
stefnu.
Veitum Sjálfstæðisflokkn-
um brautargengi.
Engilbert Ingvarsson.
F jórÖungssambandið
um húsnœðismálin
Eftirfarandi ályktun var
gerð á stjórnarfundi Fjórð-
ungssambandsins hinn 1. júní
1974:
Stjórn Fjórðungssambands
Vestfirðinga harmar það sein-
læti, sem varð á samningu
reglugerðar fyrir byggingu
1000 leiguíbúða á vegum
sveitarfélaga, og lýsir jafn-
framt óánægju sinni yfir, hve
þunglamalega hefur gengið
að þoka málinu á fram-
kvæmdastig.
Stjórn Fjórðungssambands-
ins vill benda á, að lögin, sem
heimila byggingu leiguíbúð-
anna, tóku gildi ihinn 30.
apríl 1973, en reglugerðin er
dagsett nálega 10 mánuðum
síðar, eða 26. febrúar 1974.
Síðan hefir málið verið í
vandlegri athugun hjá stjórn-
völdum og Húsnæðismála-
stofnun ríkisins og nú fyrir
nokkru er liðinn sá frestur,
' sem stofnuninni er í reglugerð
ætíaður til að skila bráða-
birgða áætlun um fram-
kvæmdir á þessu ári og skipt-
ingu íbúðanna milli lands-
hluta.
Að sjálfsögðu vill stjórn
Fjórðungssambands Vestfirð-
inga virða alla viðleitni tíl
fyrirhyggju og forsjálni í
opinberri starfsemi, en telur
að augljóst sé að skort hafi
a.m.k. framkvæmdasnerpu
hjá stjórnvöldum í þessu máli.
Hafi fjármagnsskortur hins
vegar hamlað framgangi
leiguíbúðamálsins, verður að
telja það vafasama mismun-
un á fjárveitingu til húsnæð-
ismála, að lögheimiluðum
verkefnum sveitarfélaga í
þessu efni skuli haldið niðri,
á meðan viðstöðulaust er
unnt að vinna að bygginga-
verkefnum hjá byggingafyrir-
tækjum fyrir fjármagn, sem
Byggingasjóður ríkisins hefir
skuldbundið sig til, með allt
að 18 mánaða fyrirvara, að
leggja fram með reglubundn-
um hætti til þeirra aðila, með-
an á framkvæmdum stendur.
Stjórn Fjórðungssambands
Vestfirðingar lítur á það sem
beinan hemil stjómvalda á
æskilega þróun byggðamála,
ef Húsnæðismálastofnun ríkis-
ins dregur svo að veita láns-
loforð cg láta í té nauðsynleg
gögn, að ekki geti orðið af
framkvæmdum við byggingu
leiguíbúða á vegum sveitar-
félaga á þessu ári.
SIÐGÆÐI SAM-
TAKANNA
Frétt Morgunblaðsins s.l. föstudag um að þeir Karvel
Pálmason og Jón Baldvin hafi fengið ríkisrekna flug-
vél Flugmálastjórnarinnar til að sækja sig til ísafjarð-
ar og fljúga með sig til Reykjavíkur, hefur vakið
mikla athygli.
Þeir kumpánar munu hafa notið tilstyrks sam-
göngumálaráðherra, Magnúsar Torfa Ólafssonar, sem
í skjóli síns embættisvalds hefur fyrirskipað að vélin
skyldi send í þetta snatt á kostnað skattborgaranna.
Þeir félagar fóru þessa reisu snemma á þriðjudags-
morgun. Þann sama dag komu tvær flugvélar Flugfé-
lags íslands til ísafjarðar, en þessum höfðingjum nægði
ekki að fljúga með þeim, það var víst ekki nógu fínt
fyrir þá.
Þetta eru mennirnir, sem fyrir síðustu kosningar
lýstu yfir því, að eitt helzta baráttumál Samtakanna
væri að bæta siðgæðið í íslenzkum stjórnmálum.
Kosningaskrifstofa
Sjálfstæðisflokksins er opin að Uppsölum, miðhæð,
alla daga frá kl. 10—12 og 13—22.
Við biðjum alla stuðningsmenn Sjálfstæðisflokksins
að hafa samband við skrifstofuna, og einnig leggjum
við áherzlu á að þeir láti vita sem fyrst um þá kjós-
endur flokksins, sem verða fjarverandi á kjördegi.
SÍMI SKRIFSTOFUNNAR ER 3232.