Bjarmi - 01.12.2004, Page 3

Efnisyfirlit
4 Á aðventunni er eins
ogjörðin smitistaf
dýrð himnanna
Halla Jónsdóttir heimsótti sr.
Guðmund Karl Brynjarsson
sóknarprest í Lindasókn og
ræddi við hann um trú hans og
starf, aðventuna og fleira.
8 Aldarafmæli
Kristniboðsfélags
kvenna í Reykjavík
Félagið hélt upp á tOO árin sín í
nóvember. Þess er minnst með
myndum frá hátíðinni og erindi
Lilju S. Kristjánsdóttur um þetta
merka félag.
Viðbúin að
hlustaogtala
Ritstjóri Bjarma hitti dr. Miichael
Ipgrave er hann heimsótti landið
í september og spurði hann um
þvertrúarleg samskiþti og velti
uþþ ýmsum sþurningum í því
sambandi.
16Við eigum að segja satt
Sr. Ólafur Jóhannsson heldur
áfram umfjöllun sinni um boð-
orðin tíu og er nú kominn að því
áttunda.
24Drottinn kallaði
þau til starfa
Hanna Þórey Guðmundsdóttir
hitti hjónin og hjálpræðisher-
mennina Rannvá Olsen og
Sigurð Hörð Ingimarsson á
Akureyri fyrir stuttu. Hún ræddi
við þau um leið þeirra til trúar,
þjálfun þeirra og starf í Noregi
og á íslandi.
28Andinn þarfaðfáað
fylla starfið krafti sínum
Ritstjóri Bjarma ræddi við Einar
Ekerhovd, prest og forsvars-
mann OASE-hreyfingarinnar í
Noregi, um starf andans og
endurnýjun einstaklingsins og
safnaðarins.
32lnnihald og merking
aðventunnar
Ragnar Snær Karlsson og
Málfríður Jóhannsdóttir hafa oft
haldið námskeið og vakið
athygli á aðventunni og hvernig
má fylla hana innihaldi. í þessari
grein vekja þau til umhugsunar
og koma með hagnýtar tillögur
um það hvernig megi koma því í
verk.
Auk þess: Styttri greinar og
fréttir úr ýmsum áttum.
Aðventa og jól - tími andstæðna
innihaldsrika hátíö er
eins og andstæður lífs-
ins hrópi hvað mest á okkur á þessum tíma
ársins. Ekki þarf að undrast því lífið sem
okkur er gefið ber bæði merki hins jarð-
neska og hins himneska, hins mannlega og
hins guðlega. Sumar andstæður lífsins eru
óumflýjanlegar, en svo er eins og aðrar séu
tilbúnar af okkur sjálfum og misviturlegar.
Aðventa og jól eru upphaflega tveir ólíkir
tímar og fela í sér andstæður. Aðventan er
enn stundum kölluð jólafasta og því merki-
legt að víða er boðið til jólahlaðborðs og
jólagleði þannig að þegar að jólunum kemur
er jólamaturinn orðinn hversdagslegur.
Andstæða jóla og aðventu týnist.
Jólaverslunin hefst í október með
skrauti, auglýsingum og margvislegum
tilboðum. Vaxandi samkeppni færir okkur
lægra verð og lengri tíma. Því er ekki að
undra að sums staðar skuli vera farin af
stað fjöldahreyfing undir kjörorðinu: „Skilið
okkur jólunum!" En við eigum erfitt með að
bíða og föllum i gleypuganginn.
Velmegun Vesturlanda á sér skuggahlið
fátæktar bæði hér í þessum heimshluta og
ekki síst víðast hvar í hinum þriðja heimi.
Á þetta erum við minnt í kaupgræðgi og
veraldarvafstri jólaundirbúningsins. Aldrei
hefur verið meira beðið um hjálp: Fólk á
öllum aldri, ungir öryrkjar og áfram má
telja. Sem betur fer reynum við að rétta
þeim hjálparhönd, en vonandi ekki til að
svæfa samviskuna og gleyma andstæðun-
um. En eitthvað er skakkt þegar þessi mynd
blasir við okkur á mesta velmegunartíma
íslandssögunnar.
Bíókynslóðin, unga fólkið, sækir kvik-
myndahúsin reglulega. Þau þurfa sum að
sjá góða jólamynd til að komast í jólaskap.
Sumt fólk þarf helst að horfa á nokkrar
gamlar og góðar kvikmyndir á undirbún-
ingstíma jólanna. En á aðventunni er einnig
frumsýnd ein óhuggulegasta og ógeðs-
legasta kvikmynd sem gerð hefur verið, ef
marka má auglýsingarnar.
Jólin eru gleðihátíð þar sem margar
minningar fylla huga okkar. Þá er ekki að
undra að sorg og minningar tengdar missi
sæki einnig á okkur. Sár fortíðar, söknuður
og einmanaleiki því tengdu magnast oft upp
á stund gleðinnar og samfélags við ættingja
okkar og vini.
Á þessari aðventu, eins og svo mörgum
öðrum, berast okkur fréttir af stríðsátökum
og mannfalli. Flestar koma fréttirnar núna
frá írak en vissulega er víðar barist. Átökin
fyrir botni Miðjarðarhafs virðast vera á
tímamótum, eins og oft áður. En aðventan
er tími vonar og fjölmiðlar bera okkur fréttir
af auknum væntingum um frið á þvi svæði.
Þýski utanrikisráðherrann Joschka Fischer
minnir á að afar mikilvægt sé að bundinn
verði endir á þjáningar beggja aðila.
Boðskapur jólanna er boðskapur um
andstæður: Konungur himinsins fæddist
sem fátæklingur í fjárhúsi. Hann gerðist
fátækur okkar vegna. Hann svipti sig öllu,
lægði sjálfan sig og var hlýðinn allt til
dauða, já, dauðans á krossi. Andstæður
dóms og náðar birtust í lífi hans og starfi.
Við syngjum gjarnan jólasálm Einars
Sigurðssonar og erum minnt á að „það er
nú heimsins þrautarmein, að þekkja’ hann
ei sem bæri." Jesús gekk inn í heim and-
stæðna, sem hinn fátæki, hrjáði, þjakaði,
einmana, yfirgefni og loks krossfesti frelsari
sem lagði sjálfan sig og þar með allt í
sölurnar fyrir okkur. Hann þekkir okkur og
hag okkar. Hann vill ganga með okkur í
andstæðum lífsins, hverjar sem þær eru.
Faðmur hans er opinn. Mætti það komast til
skila sem víðast nú um jólin, því að okkur
er í dag frelsari fæddur.
Ragnar Gunnarsson
Bjarmi 98. árg. 4. tbl. desember 2004
Útgefandi: Samband íslenskra kristniboðsfélaga. Ritstjóri: Ragnar Gunnarsson. Ritnefnd: Kjartan Jónsson og Haraldur
Jóhannsson. Ritnefndarfulltrúar: Ragnar Schram og Hanna Þórey Guðmundsdóttir. Prófarkalestur: Þorgils Hlynur Þorbergsson.
Afgreiðsla: Aðalskrifstofan, Holtavegi 28,104 Reykjavík, sími 588 8899, fax 588 8840, kennitala 620875 0239, reikningsnúmer
0101 26 4051, vefslóðir www.bjarmi.is og sik.is. Árgjald: 3.200 kr. innanlands, 3.700 kr. til útlanda. Gjalddagi 1. apríl. Verð í
lausasölu 800 kr. Ljósmyndir: Guðlaugur Gunnarsson. Hanna Þórey Guðmundsdóttir, Ragnar Gunnarsson, Hrönn Svansdóttir og
Ragnar Björgvinsson. Forsíðumynd: Sigurður Ragnarsson. Umbrot: Steinar Ragnarsson. Prentun: Prentmet.
3