Búnaðarrit - 01.01.1969, Side 46
36
BÚNAÐARRIT
að endurlána bændum, er greiðist á næstu 5 árum.
Lagði nefndin til, að fjárhæð lánanna næmi kr. 375
á teningsmetra, sem á vantar 77—80% venjulegs liey-
fengs.
Lánsfjárhæðin er hin sama á m3 og sl. ár, og er því
um minni fyrirgreiðslu að ræða en þá, vegna verðhækk-
unar á kjarnfóðri eftir gengisfellinguna í nóv. 1968. Hins
ber að gæta, að nú varð heymiðlun miklu meiri en í fyrra,
vegna þess að nú voru víða hey til sölu, en óvíða þá.
Þá lagði Harðærisnefnd til, að Bjargráðasjóður Islands
yrði enn efldur, nú með hækkuðum framlögum sveitar-
félaga gegn jafnmiklum hækkunum framlaga úr ríkis-
sjóði.
Ríkisstjómin féllst á þessar tillögur Harðærisnefndar.
Bjargráðasjóður hefur þegar samkvæmt tillögum Harð-
ærisnefndar veitt kr. 4.678.702,00 í framlög vegna hey-
flutninga og hefur fallizt á að veita sveitarfélögum lán
í árshyrjun 1969 að upphæð rúmar 15 milljónir króna
til að endurlána bændum til fóðurkaupa.
Þátttaka í samtökum með öðrum þjóðum
Fundur landbúnaSarráfiherra Norðurlanda og landbún-
afiarnefndar Norðurlandaráfis í Reykjavík. Þetta var
tólfti fundur landbúnaðamefndar Norðurlandaráðs, sem
haldinn var í Reykjavík 9. ágúst. Að þessu sinni vom
allir landbúnaðarráðherrar Norðurlanda mættir á fund-
inum. Alls sátu fundinn 28 menn, 6 Danir, 5 Finnar, 5
Norðmenn, 6 Svíar og 6 Islendingar.
Ingólfur Jónsson, landbúnaðarráðherra setti fundinn
með ræðu. Fundarstjóri var Gunnlaugur E. Briem, ráðu-
neytisstjóri. Af Islands liálfu sátu fundinn ennfremur
Halldór Pálsson, búnaðarmálastjóri, Kristján ICarlsson
erindreki, Pétur Gunnarsson, forstjóri og Ólafur S. Valde-
marsson, deildarstjóri.
Á fundinum var rætt um viðhorf Norðurlanda til
Efnaliagsbandalags Evrópu og um samvinnu Norður-